അ​വ​ന്യൂ​സ് മാ​ളി​ൽ ‘പ​രീ​ക്ഷ​ണ ഒ​ഴി​പ്പി​ക്ക​ൽ’

കു​വൈ​ത്ത് സി​റ്റി: അ​പ​ക​ട ഘ​ട്ട​ങ്ങ​ളി​ൽ ഉ​ട​ൻ ഇ​ട​പെ​ടു​ന്ന​തി​ന്റെ മു​ന്നൊ​രു​ക്ക​ങ്ങ​ളു​ടെ ഭാ​ഗ​മാ​യി അ​വ​ന്യൂ​സ് മാ​ളി​ൽ ‘പ​രീ​ക്ഷ​ണ ഒ​ഴി​പ്പി​ക്ക​ൽ’. ജ​ന​റ​ൽ അ​ഡ്മി​നി​സ്ട്രേ​ഷ​ൻ ഓ​ഫ് സി​വി​ൽ ഡി​ഫ​ൻ​സാ​ണ് ‘മോ​ക്ക് ഇ​വാ​ക്വേ​ഷ​ൻ ഡ്രി​ൽ’ ന​ട​ത്തി​യ​ത്.

പൊ​തു സു​ര​ക്ഷാ കാ​ര്യ വി​ഭാ​ഗം, ജ​ന​റ​ൽ ട്രാ​ഫി​ക് ഡി​പ്പാ​ർ​ട്മെ​ന്റ്, ജ​ന​റ​ൽ എ​മ​ർ​ജ​ൻ​സി പൊ​ലീ​സ് ഡി​പ്പാ​ർ​ട്മെ​ന്റ്, സ്‌​പെ​ഷ​ൽ സെ​ക്യൂ​രി​റ്റി ഫോ​ഴ്‌​സ് ജ​ന​റ​ൽ അ​ഡ്മി​നി​സ്‌​ട്രേ​ഷ​ൻ, ജ​ന​റ​ൽ ഫ​യ​ർ ഫോ​ഴ്‌​സ് എ​ന്നി​വ​യു​ടെ പി​ന്തു​ണ​യോ​ടെ​യാ​യി​രു​ന്നു മോ​ക്ഡ്രി​ൽ.

അ​പ​ക​ട ഘ​ട്ട​ങ്ങ​ളി​ൽ പൊ​തു​ജ​ന​ങ്ങ​ളെ എ​ങ്ങ​നെ സു​ര​ക്ഷി​ത​മാ​യി ഒ​ഴി​പ്പി​ക്കാം എ​ന്ന​തി​ന്റെ വി​വി​ധ വ​ശ​ങ്ങ​ൾ പ്രാ​യോ​ഗി​ക​മാ​യി ന​ട​പ്പാ​ക്കി​യാ​യി​രു​ന്നു പ​രീ​ക്ഷ​ണം. സു​ര​ക്ഷ ജീ​വ​ന​ക്കാ​ർ പാ​ഞ്ഞെ​ത്തു​ന്ന​തും ജ​ന​ങ്ങ​ളെ​യും പ​രി​ക്കേ​റ്റ​വ​രെ​യും ര​ക്ഷ​പ്പെ​ടു​ത്തി സു​ര​ക്ഷി​ത കേ​ന്ദ്ര​ങ്ങ​ളി​ലേ​ക്ക് മാ​റ്റു​ന്ന​തും പ​രീ​ക്ഷി​ച്ചു.

വി​വി​ധ ഏ​ജ​ൻ​സി​ക​ളു​ടെ കാ​ര്യ​ക്ഷ​മ​ത​യും വി​ല​യി​രു​ത്തി. സ്വ​യം സം​ര​ക്ഷ​ണ മാ​ർ​ഗ​ങ്ങ​ളും സി​വി​ൽ ഡി​ഫ​ൻ​സ് ന​ട​പ​ടി​ക​ളും ഉ​പ​യോ​ഗി​ച്ച് അ​ടി​യ​ന്ത​ര സാ​ഹ​ച​ര്യ​ങ്ങ​ളെ എ​ങ്ങ​നെ കൈ​കാ​ര്യം ചെ​യ്യ​ണ​മെ​ന്ന് ജീ​വ​ന​ക്കാ​രെ പ​രി​ശീ​ലി​പ്പി​ക്കു​ന്ന​തി​നും മോ​ക് ഡ്രി​ൽ ഉ​പ​യോ​ഗ​പ്പെ​ടു​ത്തി.