അറബ്​-അന്താരാഷ്​ട്ര വിഷയങ്ങൾ ചർച്ച ചെയ്​ത്​ കുവൈത്ത്​ അമീറും അ​മേരിക്കൻ പ്രസിഡൻറും

കുവൈത്ത്​ സിറ്റി: കുവൈത്ത്​ അമീർ ശൈഖ് സബാഹ് അൽഅഹ്മദ് അൽജാബിർ അസ്സബാഹും അമേരിക്കൻ പ്രസിഡൻറ്​ ഡോണൾഡ്​ ​ട്രംപും കൂടിക്കാഴ്​ച നടത്തി. വാഷിങ്​ടണിൽ വൈറ്റ്​ ഹൗസിൽ നടന്ന കൂടിക്കാഴ്​ചയിൽ ഇരു നേതാക്കളും അറബ്​ മേഖലയിലെയും അന്താരാഷ്​​ട്ര തലത്തി​ലെയും വിവിധ വിഷയങ്ങൾ ചർച്ച ചെയ്​തു. അമേരിക്കയും കുവൈത്തും തമ്മി​ലെ അടുത്ത സൗഹൃദം കൂടുതൽ ​മേഖലകളിലേക്ക്​ വ്യാപിപ്പി​ക്കുന്നതും ഉച്ചകോടിയിൽ ചർച്ചയായി. കുവൈത്ത്​- അമേരിക്കൻ ഉന്നത തല സംഘങ്ങൾ തമ്മിലും ചർച്ച നടന്നു. കുവൈത്ത്​ അമീറിനും സംഘത്തിനും വൈറ്റ്​ ഹൗസിൽ ഉൗഷ്​മള സ്വീകരണമാണ്​ ലഭിച്ചത്​. ഒാവൽ ഒാഫിസിലാണ്​ ഇരു നേതാക്കളും ഒൗദ്യോഗിക ചർച്ച നടത്തിയത്​. പ്രതിരോധം, സുരക്ഷ, വ്യാപാരം, നിക്ഷേപം തുടങ്ങി എല്ലാ മേഖലകളിലും ഇരുരാജ്യങ്ങളും തമ്മിലെ തന്ത്രപ്രധാന പങ്കാളിത്തം സംബന്ധിച്ച്​ അമീറും ട്രംപും ചർച്ച ചെയ്​തു.

അന്താരാഷ്​ട്ര തലത്തിലെ പുതിയ സംഭവവികാസങ്ങളും അറബ്​ മേഖലയിൽ സമാധാനവും സ്ഥിരതയും കൈവരിക്കേണ്ടതി​​​െൻറ ആവശ്യകതയും ഉച്ചകോടിയിൽ വിഷയമായി. അറേബ്യൻ ഗൾഫ്​ മേഖലയിലെയും മിഡിലീസ്​റ്റിലെയും വിവിധ വിഷയങ്ങളാണ് ചർച്ച ചെയ്​തത്​. സമാധാനവും സുരക്ഷയും സ്ഥിരതയും എല്ലാ മേഖലയിലും കൈവരിക്കേണ്ടതി​​​െൻറ ആവശ്യകത അമീറും അമേരിക്കൻ പ്രസിഡൻറും ഉൗന്നിപ്പറയുകയും ഭീകരതക്കെതിരായ പോരാട്ടത്തിനെതിരെ​ അന്താരാഷ്​ട്ര തലത്തിൽ നടക്കുന്ന ​പോരാട്ടത്തിന്​ പിന്തുണ പ്രഖ്യാപിക്കുകയും ചെയ്​തു.

കുവൈത്തുമായുള്ള ബന്ധം അത്യധികം ശക്​തമാണെന്ന്​ ​അമേരിക്കൻ പ്രസിഡൻറ്​ ​ഡോണൾഡ്​ ട്രംപ്​ പറഞ്ഞു. അമീർ ശൈഖ് സബാഹ് അൽഅഹ്മദ് അൽജാബിർ അസ്സബാഹ് വളരെ അടുത്ത സുഹൃത്താണ്​. ഞങ്ങളുടെ ബന്ധവും ഉഭയകക്ഷി ബന്ധവും വളരെ ശക്​തവും കരുത്തുറ്റതുമാണെന്നും കൂടിക്കാഴ്​ചക്ക്​ ശേഷമുള്ള സംയുക്​ത വാർത്തസമ്മേളനത്തിൽ ട്രംപ്​ പറഞ്ഞു. അമീറുമായി വ്യക്​തിപരമായി അടുത്ത ബന്ധമാണുള്ളത്​. വർഷങ്ങളായി അറിയുന്ന രാജ്യമാണ്​ കുവൈത്ത്​. കുവൈത്തിൽ ജീവിക്കുന്ന നിരവധി സുഹൃത്തുക്കളുണ്ട്​. കുവൈത്തിലുള്ളവർ നല്ല മനുഷ്യരാണെന്നും അദ്ദേഹം പറഞ്ഞു.

കുവൈത്തും അ​മേരിക്കയും തമ്മിൽ വലിയ ​േതാതിൽ വ്യാപാരവും നിക്ഷേപവും നടക്ക​ുന്നുണ്ട്​. തീവ്രവാദത്തിനെതിരായ പോരാട്ടത്തിലും ഒരുമിച്ചാണ്​. കുവൈത്ത്​ അമേരിക്കയ​ുടെ അടുത്ത പങ്കാളിയാ​ണെന്നും ട്രംപ്​ പറഞ്ഞു. കുവൈത്ത്​ അമേരിക്കൽ വലിയ തോതിൽ നിക്ഷേപം നടത്തിയിട്ടുണ്ട്​. അമേരിക്കയിൽ നിന്ന്​ വൻ​തോതിൽ സൈനിക ഉപകരണങ്ങളും വാങ്ങുന്നുണ്ട്​. മിഡിലീസ്​റ്റിൽ സ്​ഥിരത കൈവരിക്കുന്നതിന്​ കഠിനാധ്വാനം ചെയ്യുന്നുണ്ടെന്നും ഡോണൾഡ്​ ട്രംപ്​ പറഞ്ഞു.