രണ്ടര ലക്ഷം പേരുടെ ഡ്രൈവിങ്​ ലൈസൻസ്​ പിൻവലിക്കും

കു​വൈ​ത്ത്​ സി​റ്റി: കു​വൈ​ത്തി​ൽ ര​ണ്ട​ര ല​ക്ഷ​ത്തോ​ളം വി​ദേ​ശി​ക​ളു​ടെ ഡ്രൈ​വി​ങ്​ ലൈ​സ​ൻ​സ്​ പി​ൻ​വ​ലി​ക്കും. കു​വൈ​ത്ത്​ പ്ര​വാ​സം അ​വ​സാ​നി​പ്പി​ച്ച്​ തി​രി​ച്ചു​പോ​യ​വ​രു​ടേ​തും നാ​ട്ടി​ൽ പോ​യി ഇ​ഖാ​മ പു​തു​ക്കാ​ൻ ക​ഴി​യാ​ത്ത​തി​നാ​ൽ തി​രി​ച്ചു​വ​രാ​ൻ ക​ഴി​യാ​ത്ത​വ​രു​ടേ​തും തൊ​ഴി​ൽ മാ​റ്റ​വും മ​റ്റു കാ​ര​ണ​ങ്ങ​ളാ​ലും ലൈ​സ​ൻ​സി​നു​ള്ള അ​ർ​ഹ​ത പ​രി​ധി​ക്ക്​ പു​റ​ത്താ​യ​വ​രു​ടേ​തു​മാ​ണ്​ ഡ്രൈ​വി​ങ്​ ലൈ​സ​ൻ​സ്​ പി​ൻ​വ​ലി​ക്കു​ന്ന​ത്. ഈ ​മാ​സം ത​ന്നെ ഇ​തി​നു​ള്ള ന​ട​പ​ടി​ക്ര​മ​ങ്ങ​ൾ ആ​രം​ഭി​ക്കും. എ​ല്ലാ ലൈ​സ​ൻ​സു​ക​ളും പ​രി​ശോ​ധി​ച്ച്​ അ​ർ​ഹ​ത​യു​ള്ള​വ​രു​ടേ​ത്​ മാ​ത്രം നി​ല​നി​ർ​ത്താ​ൻ ന​ട​പ​ടി​ക്ര​മ​ങ്ങ​ൾ​ക്ക്​ മൂ​ന്നു​മാ​സം വേ​ണ്ടി വ​രു​മെ​ന്നാ​ണ്​ വി​ല​യി​രു​ത്ത​ൽ. അ​ന​ർ​ഹ​മാ​യി ലൈ​സ​ൻ​സ്​ കൈ​വ​ശം വെ​ച്ചി​രി​ക്കു​ന്ന​വ​ർ​ക്കി​ത്​ ന​ഷ്​​ട​മാ​കും. ലൈ​സ​ൻ​സ്​ എ​ടു​ക്കു​​​മ്പോ​ൾ യോ​ഗ്യ​ത ഉ​ണ്ടാ​യി​രു​ന്ന​വ​ർ​ക്ക്​ പി​ന്നീ​ട്​ യോ​ഗ്യ​ത ന​ഷ്​​ട​പ്പെ​ട്ടി​ട്ടു​​ണ്ടെ​ങ്കി​ലും റ​ദ്ദാ​ക്കും.

കു​വൈ​ത്തി​ൽ വി​ദേ​ശി​ക​ൾ​ക്ക് ഡ്രൈ​വി​ങ് ലൈ​സ​ൻ​സ് ല​ഭി​ക്കു​ന്ന​തി​ന് ചു​രു​ങ്ങി​യ​ത്​ 600 ദീ​നാ​ർ ശ​മ്പ​ളം, ബി​രു​ദം, കു​വൈ​ത്തി​ൽ ര​ണ്ടു​വ​ർ​ഷം താ​മ​സം എ​ന്നി​വ​യാ​ണ് ഉ​പാ​ധി. ജോ​ലി മാ​റ്റ​മോ മ​റ്റോ ആ​യ കാ​ര​ണ​ത്താ​ൽ ഈ ​പ​രി​ധി​ക്ക്​ പു​റ​ത്താ​വു​ന്ന​വ​ർ ലൈ​സ​ൻ​സ്​ തി​രി​ച്ചേ​ൽ​പി​ക്കേ​ണ്ട​തു​ണ്ട്. ചി​ല ത​സ്തി​ക​ക​ളി​ൽ ജോ​ലി ചെ​യ്യു​ന്ന​തി​ന് ഉ​പാ​ധി കൂ​ടാ​തെ ലൈ​സ​ൻ​സ് അ​നു​വ​ദി​ക്കും. ഇ​ത്ത​രം ത​സ്​​തി​ക​ക​ളി​ൽ​നി​ന്ന്​ മാ​റി​യാ​ൽ ലൈ​സ​ൻ​സ്​ തി​രി​ച്ചേ​ൽ​പി​ക്ക​ണം. മി​നി​മം ശ​മ്പ​ള​പ​രി​ധി​യി​ൽ​നി​ന്ന്​ കു​റ​വ്​ വ​രു​ക​യോ അ​ർ​ഹ​ത​യു​ള്ള തൊ​ഴി​ൽ വി​ഭാ​ഗ​ത്തി​ൽ​നി​ന്ന്​ മാ​റു​ക​യോ ചെ​യ്​​തി​ട്ടു​ണ്ടോ എ​ന്ന്​ പ​രി​ശോ​ധി​ക്കാ​ൻ ആ​ഭ്യ​ന്ത​ര മ​ന്ത്രാ​ല​യം അ​ണ്ട​ർ സെ​ക്ര​ട്ട​റി ശൈ​ഖ്​ ഫൈ​സ​ൽ ​അ​ൽ ന​വാ​ഫ്​ ഗ​താ​ഗ​ത വ​കു​പ്പി​ന് നി​ർ​ദേ​ശം ന​ൽ​കു​ക​യാ​യി​രു​ന്നു. യ​ഥാ​ർ​ഥ​ത്തി​ൽ ലൈ​സ​ൻ​സി​ന്​ അ​ർ​ഹ​ത​യു​ള്ള​വ​ർ​ക്ക്​ മാ​ഗ്​​ന​റ്റി​ക്​ സ്​​ട്രി​പ്പ്​ ഘ​ടി​പ്പി​ച്ച പു​തി​യ ലൈ​സ​ൻ​സ്​ കാ​ർ​ഡ്​ വി​ത​ര​ണം ചെ​യ്യാ​നും നീ​ക്ക​മു​ണ്ട്.