ര​ണ്ടു​ യൂ​റോ​ഫൈ​റ്റ​ർ യു​ദ്ധ​വി​മാ​നം കു​വൈ​ത്തി​ലെ​ത്തി​ച്ചു

കു​വൈ​ത്ത്​ സി​റ്റി: ഇ​റ്റ​ലി​യി​ലെ ലി​യ​നാ​ർ​ഡോ ക​മ്പ​നി​യി​ൽ​നി​ന്ന്​ വാ​ങ്ങി​യ ര​ണ്ടു​ യൂ​റോ​ഫൈ​റ്റ​ർ യു​ദ്ധ​വി​മാ​നം കു​വൈ​ത്തി​ലെ​ത്തി​ച്ചു. അ​ലി അ​ൽ സാ​ലിം എ​യ​ർ​ബേ​​സി​ൽ ന​ട​ന്ന ച​ട​ങ്ങി​ൽ കു​വൈ​ത്ത്​ സൈ​നി​ക മേ​ധാ​വി ​ല​ഫ്.​ ജ​ന. ഖാ​ലി​ദ്​ സാ​ലി​ഹ്​ അ​സ്സ​ബാ​ഹ്, കു​വൈ​ത്തി​ലെ ഇ​റ്റാ​ലി​യ​ൻ അം​ബാ​സ​ഡ​ർ കാ​ർ​ലോ ബ​ൽ​ഡൂ​ച്ചി, ശൈ​ഖ്​ ഫ​ഹ​ദ്​ ജാ​ബി​ർ അ​ൽ അ​ലി, മു​തി​ർ​ന്ന സൈ​നി​കോ​ദ്യോ​ഗ​സ്ഥ​ർ തു​ട​ങ്ങി​യ​വ​ർ സം​ബ​ന്ധി​ച്ചു. 28 യൂ​റോ​​ഫൈ​റ്റ​ർ വി​മാ​ന​ങ്ങ​ൾ കു​വൈ​ത്തി​ന്​ ന​ൽ​കു​ന്ന​തു​മാ​യി ബ​ന്ധ​പ്പെ​ട്ട്​ 2015ലാ​ണ്​ ധാ​ര​ണ​പ​ത്രം ഒ​പ്പു​വെ​ച്ച​ത്. 800 കോ​ടി യൂ​റോ​യു​ടെ ആ​യു​ധ ഇ​ട​പാ​ട്​ ആ​ണി​ത്. ആ​ദ്യ ബാ​ച്ച്​ 2020 ഡി​സം​ബ​റി​ന​കം ന​ൽ​ക​ണ​മെ​ന്ന​താ​യി​രു​ന്നു വ്യ​വ​സ്ഥ​യെ​ങ്കി​ലും കോ​വി​ഡ്​ പ്ര​തി​സ​ന്ധി​യെ തു​ട​ർ​ന്ന്​ വൈ​കു​ക​യാ​യി​രു​ന്നു. വി​വി​ധ ഘ​ട്ട​ങ്ങ​ളി​ലാ​യാ​ണ് 28 യു​ദ്ധ​വി​മാ​ന​ങ്ങ​ൾ ഇ​റ്റ​ലി​യി​ൽ​നി​ന്ന് എ​ത്തി​ക്കു​ക. ഇ​തോ​ടെ രാ​ജ്യ​ത്തിെൻറ വ്യോ​മ​ശ​ക്തി കൂ​ടു​ത​ൽ ക​രു​ത്താ​ർ​ജി​ക്കും. കു​വൈ​ത്തി സൈ​നി​ക​ർ​ക്ക് യൂ​റോ​ഫൈ​റ്റ​ർ വി​മാ​ന​ങ്ങ​ൾ പ​റ​ത്തു​ന്ന​തി​നാ​വ​ശ്യ​മാ​യ പ​രി​ശീ​ല​നം അ​ഹ്​​മ​ദ് അ​ൽ ജാ​ബി​ർ വ്യോ​മ അ​ക്കാ​ദ​മി​യി​ൽ നേ​ര​ത്തേ ന​ൽ​കി​യി​രു​ന്നു. ഇ​റ്റാ​ലി​യ​ൻ വ്യോ​മ​സേ​ന​യി​ലെ മു​തി​ർ​ന്ന ഉ​ദ്യോ​ഗ​സ്​​ഥ​രെ​യാ​ണ് ഇ​തി​നു​വേ​ണ്ടി ഉ​പ​യോ​ഗ​പ്പെ​ടു​ത്തി​യ​ത്.