ഹ​ജ്ജി​ന്പോ​കു​ന്ന​വ​ർ​ക്കു​ള്ള വാ​ക്സി​ൻ വി​ത​ര​ണം പു​രോ​ഗ​മി​ക്കു​ന്നു

കു​വൈ​ത്ത് സി​റ്റി: കു​വൈ​ത്തി​ല്‍നി​ന്ന് ഹ​ജ്ജി​ന് പോ​കു​ന്ന​വ​ർ​ക്കു​ള്ള വാ​ക്സി​ൻ വി​ത​ര​ണം പു​രോ​ഗ​മി​ക്കു​ന്നു. ഹ​ജ്ജ് തീ​ർ​ഥാ​ട​ക​ർ​ക്ക് മെ​നിം​ഗോ​കോ​ക്ക​ൽ വാ​ക്സി​ൻ നി​ര്‍ബ​ന്ധ​മാ​ണെ​ന്ന് കു​വൈ​ത്ത് ആ​രോ​ഗ്യ മ​ന്ത്രാ​ല​യം അ​റി​യി​ച്ചു. കോ​വി​ഡ് വാ​ക്സി​ൻ, മ​സ്തി​ഷ്‌​ക രോ​ഗ​ത്തി​നെ​തി​രെ​യു​ള്ള വാ​ക്‌​സി​ന്‍, സീ​സ​ന​ല്‍ ഫ്ലൂ ​വാ​ക്‌​സി​ന്‍ എ​ന്നി​വ​യാ​ണ് ഹ​ജ്ജി​ന് പോ​കു​ന്ന​വ​ർ​ക്കാ​യി ന​ൽ​കു​ന്ന​ത്. സ്വ​ദേ​ശി​ക​ളും വി​ദേ​ശി​ക​ള​ട​ക്ക​മു​ള്ള​വ​ർ ആ​വ​ശ്യ​മാ​യ വാ​ക്സി​നു​ക​ൾ എ​ടു​ക്ക​ണ​മെ​ന്ന് ആ​രോ​ഗ്യ​മ​ന്ത്രാ​ല​യം നി​ർ​ദേ​ശി​ച്ചു. രാ​ജ്യ​ത്തെ എ​ല്ലാ ഗ​വ​ർ​ണ​റേ​റ്റു​ക​ളി​ലു​ട​നീ​ള​മു​ള്ള 41 പ്രാ​ഥ​മി​കാ​രോ​ഗ്യ കേ​ന്ദ്ര​ങ്ങ​ളി​ലും ആ​ശു​പ​ത്രി​ക​ളി​ലും ഹ​ജ്ജ് വാ​ക്സി​നേ​ഷ​ന്‍ ല​ഭ്യ​മാ​ണെ​ന്ന് ആ​രോ​ഗ്യ മ​ന്ത്രാ​ല​യം അ​റി​യി​ച്ചു. രാ​ജ്യ​ത്തി​നു​ള്ളി​ല്‍ ന​ൽ​കു​ന്ന എ​ല്ലാ വാ​ക്‌​സി​നു​ക​ളും സൗ​ദി ആ​രോ​ഗ്യ മ​ന്ത്രാ​ല​യം ന​ൽ​കു​ന്ന അം​ഗീ​കൃ​ത ലി​സ്റ്റ് പാ​ലി​ക്കു​ന്നു​ണ്ടെ​ന്നും വ്യ​ക്ത​മാ​ക്കി. ഹ​ജ്ജ് ക​ർ​മ്മ​ങ്ങ​ൾ നി​ർ​വ്വ​ഹി​ക്കു​മ്പോ​ൾ സൗ​ദി ആ​രോ​ഗ്യ അ​ധി​കൃ​ത​ർ ന​ൽ​കു​ന്ന പ്ര​തി​രോ​ധ നി​ർ​ദ്ദേ​ശ​ങ്ങ​ൾ ക​ർ​ശ​ന​മാ​യി പാ​ലി​ക്ക​ണ​മെ​ന്നും അ​ധി​കൃ​ത​ർ ഉ​ണ​ർ​ത്തി.