റോ​ഡി​ൽ അ​ഭ്യാ​സപ്ര​ക​ട​നം: വാ​ഹ​ന​ങ്ങ​ൾ പി​ടി​ച്ചെ​ടു​ത്തു

കു​വൈ​ത്ത്സി​റ്റി: റോ​ഡി​ൽ അ​ഭ്യാ​സ പ്ര​ക​ട​നം ന​ട​ത്തി​യ വാ​ഹ​ന​ങ്ങ​ൾ അ​ധി​കൃ​ത​ർ പി​ടി​ച്ചെ​ടു​ത്തു. ഫ​ഹാ​ഹീ​ലി​ലാ​ണ് റോ​ഡി​ൽ ര​ണ്ടു കാ​റു​ക​ൾ അ​ഭ്യാ​സ പ്ര​ക​ട​നം ന​ട​ത്തി​യ​ത്. നി​ര​വ​ധി കാ​ഴ്ച​ക്കാ​രും ഇ​വി​ടെ ത​ടി​ച്ചു​കൂ​ടി​യി​രു​ന്നു. വേ​ഗ​ത്തി​ൽ വ​രു​ന്ന കാ​റു​ക​ൾ റോ​ഡി​ൽ ക​റ​ക്കു​ന്ന​തി​ന്‍റെ വി​ഡി​യോ ക്ലി​പ്പ് ട്രാ​ഫി​ക് ആ​ൻ​ഡ് ഓ​പ​റേ​ഷ​ൻ​സ് സെ​ക്ട​റി​ന് ല​ഭി​ക്കു​ക​യും ഉ​ട​ൻ വാ​ഹ​ന​ങ്ങ​ളു​ടെ വി​വ​ര​ങ്ങ​ൾ ശേ​ഖ​രി​ക്കു​ക​യും അ​വ പി​ടി​ച്ചെ​ടു​ക്കു​ക​യു​മാ​യി​രു​ന്നു. ഡ്രൈ​വ​ർ​മാ​രെ ട്രാ​ഫി​ക് കോ​ട​തി​യി​ലേ​ക്ക് റ​ഫ​ർ ചെ​യ്യു​ക​യും വാ​ഹ​ന​ങ്ങ​ൾ ഗാ​രേ​ജി​ലേ​ക്ക് മാ​റ്റു​ക​യും ചെ​യ്ത​താ​യി ആ​ഭ്യ​ന്ത​ര മ​ന്ത്രാ​ല​യം അ​റി​യി​ച്ചു.

ഗ​താ​ഗ​ത നി​യ​മ​ലം​ഘ​ന​ത്തി​നു പു​റ​മെ സ്വ​ന്ത​വും മ​റ്റു​ള്ള​വ​രു​ടെ ജീ​വ​നും സ്വ​ത്തി​നും ന​ഷ്​ട​വും ഭീ​ഷ​ണി​യും സൃ​ഷ്ടി​ക്ക​ൽ തു​ട​ങ്ങി​യ കു​റ്റ​ങ്ങ​ൾ ഇ​ത്ത​ര​ക്കാ​ർ​ക്ക​ു​മേ​ൽ ചു​മ​ത്താ​റു​ണ്ട്. ട്രാ​ഫി​ക് നി​യ​മ​ങ്ങ​ൾ പാ​ലി​ക്കാ​ൻ എ​ല്ലാ​വ​രും ജാ​ഗ്ര​ത പു​ല​ർ​ത്ത​ണ​മെ​ന്നും നി​യ​മ​ലം​ഘ​ന​ങ്ങ​ൾ ക​ണ്ടെ​ത്തി​യാ​ൽ എ​മ​ർ​ജ​ൻ​സി ഫോ​ണി​ൽ (112) അ​ല്ലെ​ങ്കി​ൽ ട്രാ​ഫി​ക് ന​മ്പ​റി​ലേ​ക്ക് (99324092) വാ​ട്സ്ആ​പ് വ​ഴി അ​റി​യി​ക്ക​ണ​മെ​ന്നും അ​ധി​കൃ​ത​ർ അറിയിച്ചു.

റോ​ഡ് ഉ​പ​യോ​ക്താ​ക്ക​ളു​ടെ സു​ര​ക്ഷ ഉ​റ​പ്പാ​ക്കു​ന്ന​തി​ൽ ഓ​രോ പൗ​ര​നും കാ​വ​ൽ​ക്കാ​ര​ാണെന്ന ത​ത്ത്വം ഉ​ൾ​ക്കൊ​ള്ളു​ക​യും അ​ധി​കാ​രി​ക​ളെ അ​റി​യി​ക്കു​ക​യും ചെ​യ്ത പൗ​ര​ന് അ​ധി​കൃ​ത​ർ ന​ന്ദി അ​റി​യി​ച്ചു.