കുവൈത്തിൽ തൊഴിലാളികളെ അധിക്ഷേപിക്കുന്ന സ്​പോൺസർമാർക്കെതിരെ നടപടിയെടുക്കും

കുവൈത്ത്​ സിറ്റി: തൊഴിലാളികളെ അധിക്ഷേപിക്കുന്ന സ്​പോൺസർമാ​ർക്കെതിരെ നിയമനടപടി സ്വീകരിക്കുമെന്ന്​ ആഭ്യന ്തര മന്ത്രി അനസ്​ അൽ സാലിഹ്​ പറഞ്ഞു. കഴിഞ്ഞ ദിവസത്തെ മിനിസ്​റ്റീരിയൽ കൗൺസിൽ യോഗ തീരുമാനങ്ങൾ വിശദീകരിക്കുന്ന തിനിടയിലാണ്​ അദ്ദേഹം ഇക്കാര്യം വ്യക്​തമാക്കിയത്​.

തൊഴിലാളി​കളെ അപമാനിക്കുകയും അനീതി ചെയ്യുകയും ചെയ്യു ന്ന നിരവധി സംഭവങ്ങൾ ഉണ്ടാവാറുണ്ട്​. ഇതിൽ സ്വദേശി, വിദേശി പരിഗണനയില്ലാതെ നീതി നടപ്പാക്കുമെന്ന ആഭ്യന്തര മന്ത്രിയുടെ പ്രസ്​താവന പ്രവാസികൾക്ക്​ ആശ്വാസമാണ്​. വിസക്കച്ചവടക്കാരുടെ കെണിയിൽപെട്ട്​ പ്രയാസത്തിലായ തൊഴിലാളികളോട്​ അനുഭാവപൂർവമായ സമീപനമാണ്​ സർക്കാർ സ്വീകരിക്കുന്നത്​.

സർക്കാർ യാത്രാചെലവ്​ വഹിച്ചാണ്​ താമസ നിയമലംഘനത്തി​​െൻറ പിഴ ഒഴിവാക്കി കൊടുത്ത്​ ഇത്തരം തൊഴിലാളികളെ പൊതുമാപ്പ്​ നൽകി നാട്ടിലയക്കുന്നത്​. ഇവർക്ക്​ പുതിയ വിസയിൽ കുവൈത്തിലേക്ക്​ തിരിച്ചുവരാൻ അനുമതിയും നൽകുന്നു. അതേസമയം, ഇവരെ കുരുക്കിയ സ്​പോൺസർമാ​ർക്കെതിരെയാണ്​ നടപടി വരാൻ പോവുന്നത്​. പൊതുമാപ്പിൽ തിരിച്ചുപോവുന്നവരുടെ സ്​പോൺസർമാരുടെ പട്ടിക തയാറാക്കാൻ ആഭ്യന്തര മന്ത്രി നിർദേശിച്ചിട്ടുണ്ട്​.

വിസക്കച്ചവടക്കാരെ കണ്ടുപിടിക്കാനാണ്​ ഇത്​. വിസക്കച്ചവടം ഇനി അനുവദിക്കില്ലെന്നും ഇത്തരക്കാർക്കെതിരെ ശക്​തമായ നടപടിയെടുക്കുമെന്നുമാണ്​ അധികൃതർ വ്യക്​തമാക്കുന്നത്​. വിസക്കച്ചവടക്കാരുടെ കെണിയിലകപ്പെട്ട്​ നിരവധി പേർ ദുരിതത്തിൽ കഴിയുന്നുണ്ട്​.

വായ്​പയെടുത്തും മറ്റും മൂന്നും നാലും ലക്ഷം രൂപ ഏജൻസി കമീഷൻ നൽകി വിസയെടുത്ത്​ വന്നവരാണ്​ ദുരിതത്തിലാവുന്നത്​. പണം വാങ്ങി വിസ നൽകിയ സ്​​പോൺസർമാർ പിന്നീട്​ തിരിഞ്ഞുനോക്കില്ല. അനധികൃത താമസത്തി​​െൻറ പേരിൽ കുറ്റവാളികളായി കഴിയാനാണ്​ പിന്നീട്​ ഇവരുടെ വിധി.