കെ.​െഎ.ജി ഒാൺലൈൻ ക്വിസ്​ മത്സര വിജയികൾ

കുവൈത്ത്​ സിറ്റി: 'ദൈവമൊന്ന് മാനവനൊന്ന്​' തലക്കെട്ടിൽ കെ.ഐ.ജി കുവൈത്ത്​ സംഘടിപ്പിച്ച കാമ്പയിനി​െൻറ ഭാഗമായി നടന്ന ഓൺലൈൻ ക്വിസ് മത്സര വിജയികളെ പ്രഖ്യാപിച്ചു. ടി. മുഹമ്മദ് രചിച്ച്​ ​െഎ.പി.എച്ച്​ പുറത്തിറക്കിയ 'ഒരു ജാതി ഒരു ദൈവം' എന്ന പുസ്തകത്തെ അടിസ്ഥാനമാക്കിയായിരുന്നു ക്വിസ്.

ഭാരതീയ പുരാതന സംസ്കാരങ്ങളെ പറ്റിയുള്ള ഒരു പഠനമാണ് ഇൗ പുസ്തകം. സുമേറിയൻ, സൈന്ധവ നദീതട സംസ്കാരങ്ങളുമായി സെമിറ്റിക് മതമായ ഇസ്‌ലാം എങ്ങനെ ബന്ധ​െപ്പട്ടു കിടക്കുന്നു എന്നും ഋഗ്വേദം പോലുള്ള പുരാതന വേദങ്ങളിൽ ഏകദൈവ വിശ്വാസത്തെപ്പറ്റി പ്രതിപാദിച്ച കാര്യങ്ങൾ എന്തെല്ലാമാണ് എന്നുമുള്ള അന്വേഷണമാണ്​ ഇതി​െൻറ ഉള്ളടക്കം. മലയാളികളായ 400ലധികം പേർ ഓൺലൈൻ ക്വിസിൽ പങ്കെടുത്തു. ലളിതകുമാരി ഒന്നാം സ്ഥാനവും പുഷ്​പ രണ്ടാം സ്ഥാനവും സമീർ പുതുകുളം മൂന്നാം സ്ഥാനവും കരസ്ഥമാക്കി. വിജയികൾക്ക് യഥാക്രമം 50, 30, 20 ദീനാർ വീതം സമ്മാന തുകയായി ലഭിക്കും.