കുവൈത്ത്​ സ്​പോർട്​സ്​ ക്ലബ്​ ഹാൻഡ്​ ബാൾ ലീഗ്​ ജേതാക്കൾ

കുവൈത്ത്​ സിറ്റി: കുവൈത്ത്​ സ്​പോർട്​സ്​ ക്ലബ്​ കുവൈത്ത്​ പ്രീമിയർ ലീഗ്​ ഹാൻഡ്​ ബാൾ ചാമ്പ്യൻഷിപ്​ ജേതാക്കളായി. തുടർച്ചയായ എട്ടാം വർഷമാണ്​ അവർ ജേതാക്കളാവുന്നത്​. സാൽമിയയെ 24 -17ന്​ കീഴടക്കിയാണ്​ അവർ കിരീടമുറപ്പിച്ചത്​. മുഹമ്മദ്​ അൽ ഗർബലി, ഖാലിദ്​ അൽ ഗർബലി, അബ്​ദുല്ല അൽ ഗർബലി എന്നീ സഹോദരന്മാരുടെ ഉശിരൻ പ്രകടനമാണ്​ കുവൈത്ത്​ സ്​പോർട്​സ്​ ക്ലബിന്​ ആധിപത്യം നൽകിയത്​. അലി സഫറും ഉജ്ജ്വല പ്രകടനം കാഴ്​ചവെച്ചു.

ഇതോടെ കുവൈത്ത്​ സ്​പോർട്​സ്​ ക്ലബി​െൻറ ഷോകേസിൽ പത്ത്​ കിരീടമായി. സാൽമിയ 11 തവണ കിരീടം നേടിയിട്ടുണ്ട്​. അൽ അറബി പത്തുതവണയും കസ്​മ ആറുതവണയും ഖാദിസിയ, സുലൈബീകാത്ത്, ഫഹാഹീൽ എന്നിവ അഞ്ച്​ തവണയും ഖൈത്താൻ രണ്ടുതവണയുമാണ്​ ലീഗ്​ കിരീടം നേടിയത്​.

ജേതാക്കൾക്കൊത്ത ഏകപക്ഷീയ വിജയമാണ്​ അവർ നേടിയത്​. മറ്റു മത്സരങ്ങളിൽ അൽ അറബി 30 ^24ന്​ ഖാദിസിയയെയും ബുർഗാൻ 32-31ന്​ കസ്​മയെയും കീഴടക്കി.ഫസ്​റ്റ്​ ഡിവിഷൻ ലീഗിൽ ഒന്നും രണ്ടും സ്ഥാനം നേടിയ ഖൈത്താനും ഖുറൈനും അടുത്ത വർഷം പ്രീമിയർ ലീഗിൽ കളിക്കും. കോവിഡ്​ പശ്ചാത്തലത്തിൽ കാണികൾക്ക്​ പ്രവേശനം അനുവദിക്കാതെയാണ്​ മത്സരങ്ങൾ സംഘടിപ്പിച്ചത്​.