യൂത്ത് ഇന്ത്യ കുവൈത്ത് 'മിശ്കാത്ത്' പരീക്ഷ വിജയികൾ

കുവൈത്ത് സിറ്റി: യൂത്ത് ഇന്ത്യ കുവൈത്ത് യുവാക്കളുടെ വൈജ്ഞാനികവും വ്യക്തിത്വപരവുമായ വളർച്ചക്കായി ഈ വർഷം മുതൽ ആരംഭിച്ച 'മിശ്കാത്ത്' യൂത്ത് പഠന കോഴ്‌സിലെ രണ്ടാംഘട്ട പരീക്ഷ വിജയികളെ പ്രഖ്യാപിച്ചു. ഷിബിൻ അഹ്​മദ്, അബ്​ദുൽ അസീസ്, സലീം മുഹമ്മദ്‌ എന്നിവർ ഒന്നാം റാങ്ക്​ പങ്കിട്ടപ്പോൾ കെ.ടി. സലീജ്, നസീർ വെള്ളിയാമ്പുറം എന്നിവർ രണ്ടാം റാങ്കും എൽ.വി. നയീം മൂന്നാം റാങ്കും കരസ്ഥമാക്കി.

ഖുർആൻ പഠനം, ഇസ്​ലാമിലെ അടിസ്ഥാന വിഷയങ്ങൾ, പ്രവാചക ചരിത്രം, ഹദീസ്, പ്രാർഥനകൾ തുടങ്ങി വിവിധ അധ്യായങ്ങൾ ഉൾക്കൊള്ളുന്ന കോഴ്‌സ് യുവാക്കളിൽ ഇസ്​ലാമിക വിജ്ഞാനം വളർത്താനും വ്യക്തിത്വ വികാസത്തിനും സഹായകമാവും.

നിലവിൽ ഫഹാഹീൽ, മംഗഫ്, അബൂഹലീഫ, സാൽമിയ, ഫർവാനിയ, നിസാൽ, റിഗ്ഗാഇ, ജലീബ് തുടങ്ങി എട്ട് കേന്ദ്രങ്ങളിലായി ഓൺലൈൻ ക്ലാസുകൾ നടക്കുന്നു. കോഴ്‌സി​െൻറ മൂന്നാംഘട്ടം ഉടൻ ആരംഭിക്കുമെന്ന് കൺവീനർ സിജിൽ ഖാൻ അറിയിച്ചു. കൂടുതൽ വിവരങ്ങൾക്ക് 65614613, 50985183 എന്നീ നമ്പറുകളിൽ ബന്ധപ്പെടുക.