ശൈ​ത്യ​കാ​ല രോ​ഗ​ങ്ങ​ൾ; ആ​രോ​ഗ്യ മ​ന്ത്രാ​ല​യം സ​ജ്ജം

കു​വൈ​ത്ത് സി​റ്റി: ശൈ​ത്യ​കാ​ല രോ​ഗ​ങ്ങ​ൾ​ക്കെ​തി​രെ​യു​ള്ള പ്ര​തി​രോ​ധ പ്ര​വ​ർ​ത്ത​ന​ങ്ങ​ൾ​ക്ക് ആ​രോ​ഗ്യ മ​ന്ത്രാ​ല​യം സ​ജ്ജ​മാ​യി. ശൈ​ത്യ​കാ​ല രോ​ഗ​ങ്ങ​ൾ​ക്കെ​തി​രെ​യു​ള്ള പ്ര​തി​രോ​ധ കു​ത്തി​വെ​പ്പു​ക​ളു​ടെ പ്ര​ചാ​ര​ണ​ത്തി​നാ​യി ഒ​ക്ടോ​ബ​ർ മു​ത​ൽ കാ​മ്പ​യി​ൻ ആ​രം​ഭി​ക്കും. ഈ ​കാ​ല​ത്ത് കൂ​ടു​ത​ലാ​യി കാ​ണ​പ്പെ​ടു​ന്ന സാം​ക്ര​മി​ക രോ​ഗ​ങ്ങ​ൾ​ക്കു​ള്ള പ്ര​തി​രോ​ധ മ​രു​ന്നു​ക​ളും മ​ന്ത്രാ​ല​യ​ത്തി​ൽ സ്റ്റോ​ക്കു​ള്ള​താ​യി അ​ധി​കൃ​ത​ർ വ്യ​ക്ത​മാ​ക്കി.

പൊ​തു​ജ​നാ​രോ​ഗ്യം ഉ​റ​പ്പാ​കു​ന്ന​തി​നാ​യു​ള്ള മ​രു​ന്നു​ക​ളു​ടെ​യും പ്ര​തി​രോ​ധ വാ​ക്‌​സി​നു​ക​ളു​ടെ​യും ല​ഭ്യ​ത ഉ​റ​പ്പാ​ക്കു​ന്ന​തി​ൽ ആ​രോ​ഗ്യ​മ​ന്ത്രാ​ല​യം പ്ര​തി​ജ്ഞാ​ബ​ദ്ധ​മാ​ണെ​ന്നും കോ​വി​ഡ് വാ​ക്സി​ൻ ഉ​ൾ​പ്പെ​ടെ എ​ല്ലാ​ത​രം പ്ര​തി​രോ​ധ കു​ത്തി​വെ​പ്പു​ക​ളു​ടെ​യും മ​തി​യാ​യ സ്റ്റോ​ക്ക് ഉ​റ​പ്പാ​ക്കി​യി​ട്ടു​ണ്ടെ​ന്നും അ​ധി​കൃ​ത​ർ അ​റി​യി​ച്ചു.

ഹെ​പ്പ​റ്റൈ​റ്റി​സ് ബി, ​ഇ​ൻ​ഫ്ലു​വ​ൻ​സ, മെ​നി​ഞ്ചൈ​റ്റി​സ് എ​ന്നി​വ​ക്കെ​തി​രെ​യു​ള്ള വാ​ക്സി​നു​ക​ളും ശൈ​ത്യ​കാ​ല രോ​ഗ​ങ്ങ​ൾ​ക്കെ​തി​രെ​യു​ള്ള കു​ത്തി​വെ​പ്പു​ക​ളും മെ​ഡി​സി​ൻ വെ​യ​ർ ഹൗ​സു​ക​ളി​ൽ സ്റ്റോ​ക്ക് ചെ​യ്തി​ട്ടു​ണ്ട്. ക​ഴി​ഞ്ഞ ആ​ഴ്ച സ്റ്റോ​ക്കെ​ത്തി​യ കു​ട്ടി​ക​ൾ​ക്കു​ള്ള പ്ര​തി​രോ​ധ തു​ള്ളി​മ​രു​ന്ന് ആ​രോ​ഗ്യ​കേ​ന്ദ്ര​ങ്ങ​ളി​ൽ വി​ത​ര​ണ​ത്തി​ന​യ​ച്ച​താ​യും മ​ന്ത്രാ​ല​യം അ​റി​യി​ച്ചു.

മ​ഴ​ക്കാ​ലം നേ​രി​ടാ​നു​ള്ള ത​യാ​റെ​ടു​പ്പു​ക​ൾ വി​ല​യി​രു​ത്തി

കു​വൈ​ത്ത് സി​റ്റി: രാ​ജ്യ​ത്ത് മ​ഴ​ക്കാ​ലം നേ​രി​ടാ​നു​ള്ള ത​യാ​റെ​ടു​പ്പു​ക​ൾ തു​ട​ങ്ങി. ഇ​തി​ന്റെ ഭാ​ഗ​മാ​യി ഉ​പ​പ്ര​ധാ​ന​മ​ന്ത്രി​യും പ്ര​തി​രോ​ധ​മ​ന്ത്രി​യും ആ​ക്ടി​ങ് ആ​ഭ്യ​ന്ത​ര മ​ന്ത്രി​യു​മാ​യ ശൈ​ഖ് ത​ലാ​ൽ അ​ൽ​ഖാ​ലി​ദ് അ​സ്സ​ബാ​ഹ് ജ​ന​റ​ൽ ഫ​യ​ർ​ഫോ​ഴ്സ് സ​പ്പോ​ർ​ട്ട് സെ​ന്റ​ർ സ​ന്ദ​ർ​ശി​ച്ചു.

അ​ഗ്നി​ര​ക്ഷാ​സേ​ന​യു​ടെ അ​ൽ​റാ​യി സ​ർ​വി​സ് സെ​ന്റ​റി​ലാ​ണ് ശൈ​ഖ് ത​ലാ​ൽ സ​ന്ദ​ർ​ശി​ച്ച​ത്. ജ​ന​റ​ൽ ഫ​യ​ർ​ഫോ​ഴ്സ് മേ​ധാ​വി ലെ​ഫ്റ്റ​ന​ന്റ് ജ​ന​റ​ൽ ഖാ​ലി​ദ് അ​ൽ മ​ക്രാ​ദി​ന്റെ നേ​തൃ​ത്വ​ത്തി​ൽ ഉ​ന്ന​ത ഉ​ദ്യോ​ഗ​സ്ഥ​ർ മ​ന്ത്രി​യെ സ്വീ​ക​രി​ച്ചു. മ​ഴ​ക്കാ​ല​ത്തെ വെ​ള്ള​ക്കെ​ട്ടു​ക​ൾ ഒ​ഴി​വാ​ക്കു​ന്ന​തു​ൾ​പ്പെ​ടെ​യു​ള്ള ര​ക്ഷാ​പ്ര​വ​ർ​ത്ത​ന​ങ്ങ​ൾ​ക്കാ​യി ഫ​യ​ർ​ഫോ​ഴ്സ് ത​യാ​റാ​ക്കി​യ പ​ദ്ധ​തി​ക​ൾ മ​ന്ത്രി പ​രി​ശോ​ധി​ച്ചു. മ​ഴ​ക്കാ​ലം മു​ന്നി​ൽ​ക​ണ്ട് ര​ക്ഷാ​പ്ര​വ​ർ​ത്ത​ന​ങ്ങ​ൾ​ക്ക് എ​ല്ലാ​വി​ധ സ​ജ്ജീ​ക​ര​ണ​ങ്ങ​ളും ഒ​രു​ക്കി​യ​താ​യി ഉ​ദ്യോ​ഗ​സ്ഥ​ർ മ​ന്ത്രി​യെ അ​റി​യി​ച്ചു.

ര​ക്ഷാ​പ്ര​വ​ർ​ത്ത​നം, വെ​ള്ളം പി​ൻ​വ​ലി​ക്ക​ൽ, റോ​ഡു​ക​ൾ തു​റ​ക്ക​ൽ എ​ന്നി​വ​യി​ൽ നേ​രി​ട്ട് ഇ​ട​പെ​ടു​ന്ന സ​പ്പോ​ർ​ട്ട് സെ​ന്റ​റി​ന്റെ വി​വി​ധ സം​വി​ധാ​ന​ങ്ങ​ളെ​ക്കു​റി​ച്ചും ഉ​പ​ക​ര​ണ​ങ്ങ​ളെ​ക്കു​റി​ച്ചും അ​ദ്ദേ​ഹ​ത്തോ​ട് വി​ശ​ദീ​ക​രി​ച്ചു. മി​നി​റ്റി​ൽ അ​ഞ്ച​ര​ല​ക്ഷം ലി​റ്റ​ർ വെ​ള്ളം പ​മ്പ് ചെ​യ്യാ​ൻ ക​ഴി​യു​ന്ന ഇ​ല​ക്ട്രി​ക്ക​ൽ, മെ​ക്കാ​നി​ക്ക​ൽ പ​മ്പു​ക​ളും ലോ​ക​ത്തി​ലെ ഏ​റ്റ​വും ആ​ധു​നി​ക​മാ​യ ഹൈ​ഡ്രോ​ളി​ക് വാ​ട്ട​ർ പ​മ്പു​ക​ളും സ​ർ​വി​സ് സെ​ന്റ​റി​ൽ സ​ജ്ജ​മാ​ണ്. വാ​ഹ​ന​ങ്ങ​ളു​ടെ അ​റ്റ​കു​റ്റ​പ്പ​ണി ന​ട​ക്കു​ന്ന അ​ഗ്നി​ര​ക്ഷാ​സേ​ന വ​ർ​ക്ക്ഷോ​പ്പും മ​ന്ത്രി അ​ൽ ഖാ​ലി​ദ് സ​ന്ദ​ർ​ശി​ച്ചു.

മ​ന്ത്രി ശൈ​ഖ് ത​ലാ​ൽ അ​ൽ​ഖാ​ലി​ദ് അ​സ്സ​ബാ​ഹ് അ​ഗ്നി​ര​ക്ഷാ​സേ​ന​യു​ടെ അ​ൽ​റാ​യി സ​ർ​വി​സ് സെ​ന്റ​ർ സ​ന്ദ​ർ​ശി​ക്കു​ന്നു