ശൈ​ത്യ​കാ​ല പ്ര​തി​രോ​ധ കു​ത്തി​വെ​പ്പി​ന്​ ആ​വ​ശ്യ​ക്കാ​രേ​റെ

കു​വൈ​ത്ത്​ സി​റ്റി: മു​ൻ​വ​ർ​ഷ​ത്തെ അ​പേ​ക്ഷി​ച്ച്​ രാ​ജ്യ​ത്ത്​ ശൈ​ത്യ​കാ​ല പ്ര​തി​രോ​ധ കു​ത്തി​വെ​പ്പി​ന്​ ഡി​മാ​ൻ​ഡ്​ വ​ർ​ധി​ച്ച​താ​യി ആ​രോ​ഗ്യ മ​ന്ത്രാ​ല​യം.

കോ​വി​ഡ്​ കാ​ലം ആ​രോ​ഗ്യ​വി​ഷ​യ​ങ്ങ​ളി​ൽ ശ്ര​ദ്ധി​ക്കാ​ൻ ആ​ളു​ക​ളെ പ്രേ​രി​പ്പി​ച്ച​തി​െൻറ​യും മ​ന്ത്രാ​ല​യം ന​ട​ത്തി​യ പ്ര​ചാ​ര​ണ​ത്തി​െൻറ​യും ഫ​ല​മാ​യാ​ണ്​ ഇ​ത്​ വി​ല​യി​രു​ത്ത​പ്പെ​ടു​ന്ന​ത്. 58 ആ​രോ​ഗ്യ​കേ​ന്ദ്ര​ങ്ങ​ളി​ലൂ​ടെ​യാ​ണ്​ നി​ല​വി​ൽ വാ​ക്​​സി​ൻ ന​ൽ​കു​ന്ന​ത്. ഒ​ക്​​ടോ​ബ​ർ ഏ​ഴി​ന്​ ആ​രം​ഭി​ച്ച കാ​മ്പ​യി​ൻ ഡി​സം​ബ​ർ വ​രെ തു​ട​രും. കു​വൈ​ത്തി​ൽ ശൈ​ത്യ​കാ​ല​ത്തു​ണ്ടാ​കാ​നി​ട​യു​ള്ള ശ്വാ​സ​കോ​ശ​സം​ബ​ന്ധ​യാ​യ രോ​ഗ​ങ്ങ​ളെ പ്ര​തി​രോ​ധി​ക്കാ​നാ​യാ​ണ്​ ആ​രോ​ഗ്യ​മ​ന്ത്രാ​ല​യം പ്ര​ത്യേ​ക പ്ര​തി​രോ​ധ കു​ത്തി​വെ​പ്പ്​ ന​ൽ​കു​ന്ന​ത്.

ഇ​ൻ​ഫ്ലു​വ​ൻ​സ, ന്യൂ​മോ​കോ​ക്ക​ൽ വാ​ക്​​സി​നു​ക​ളാ​ണ്​ സ്വ​ദേ​ശി​ക​ൾ​ക്കും വി​ദേ​ശി​ക​ൾ​ക്കും ന​ൽ​കു​ന്ന​ത്. ര​ണ്ട​ര ല​ക്ഷ​ത്തോ​ളം ഡോ​സ്​ വാ​ക്​​സി​ൻ എ​ത്തി​ച്ചി​ട്ടു​ണ്ട്. രാ​ജ്യ​ത്തി​െൻറ എ​ല്ലാ ഭാ​ഗ​ങ്ങ​ളി​ലു​മു​ള്ള രോ​ഗി​ക​ൾ​ക്കും പ്രാ​യ​മേ​റി​യ​വ​ർ​ക്കും പ്ര​തി​രോ​ധ​ശേ​ഷി കു​റ​ഞ്ഞ ആ​ളു​ക​ൾ​ക്കും പ്ര​ത്യേ​ക പ​രി​ഗ​ണ​ന ന​ൽ​കും.

ശ​രീ​ര​ത്തി​െൻറ പ്ര​തി​രോ​ധ​ശേ​ഷി വ​ർ​ധി​പ്പി​ക്കാ​നും മ​ഴ​ക്കാ​ല​ത്ത്​ ക​ണ്ടു​വ​രു​ന്ന ശ്വാ​സ​സം​ബ​ന്ധ​മാ​യ രോ​ഗ​ങ്ങ​ൾ, ബാ​ക്​​ടീ​രി​യ​ൽ ന്യൂ​മോ​ണി​യ, ചി​ക്ക​ൻ പോ​ക്സ്, ഡി​ഫ്തീ​രി​യ, മ​ഞ്ഞ​പ്പി​ത്തം തു​ട​ങ്ങി​യ രോ​ഗാ​വ​സ്ഥ​ക​ളെ ചെ​റു​ക്കാ​നും വാ​ക്സി​നേ​ഷ​ൻ വ​ഴി സാ​ധി​ക്കു​മെ​ന്നും പൊ​തു​ജ​നം ഇ​തി​െൻറ പ്രാ​ധാ​ന്യം ഉ​ൾ​ക്കൊ​ള്ള​ണ​മെ​ന്നും ആ​രോ​ഗ്യ മ​ന്ത്രാ​ല​യം അ​റി​യി​ച്ചു. തു​ട​ർ​ച്ച​യാ​യ ആ​റാം വ​ർ​ഷ​മാ​ണ്​ കാ​മ്പ​യി​ൻ ന​ട​ത്താ​നൊ​രു​ങ്ങു​ന്ന​ത്.

ത​ണു​പ്പു​കാ​ല വാ​ക്​​സി​നേ​ഷ​ൻ ആ​രം​ഭി​ച്ച​തി​നു​ശേ​ഷം പ​നി കേ​സു​ക​ളി​ൽ കു​റ​വു​ണ്ടെ​ന്നും 2015ൽ ​കാ​മ്പ​യി​ൻ തു​ട​ങ്ങു​ന്ന കാ​ല​ത്ത്​ 1.3 ശ​ത​മാ​നം ഉ​ണ്ടാ​യി​രു​ന്ന മ​ര​ണ​നി​ര​ക്ക്​ 0.4 ശ​ത​മാ​നം ആ​യി കു​റ​ഞ്ഞ​താ​യും അ​ധി​കൃ​ത​ർ വ്യ​ക്ത​മാ​ക്കി.