ലോ​ക​ക​പ്പ് ഫു​ട്ബാ​ൾ യോ​ഗ്യ​ത മ​ത്സ​രം; ആ​വേ​ശം പ​ക​രാ​ൻ ഇ​റാ​ഖ് ആ​രാ​ധ​ക​രെ​ത്തും

കു​വൈ​ത്ത് സി​റ്റി: ലോ​ക​ക​പ്പ് ഫു​ട്ബാ​ൾ യോ​ഗ്യ​ത മ​ത്സ​ര​ത്തി​ന് ആ​വേ​ശം കൂ​ട്ടാ​ൻ കു​വൈ​ത്തി​ൽ ഇ​റാ​ഖ് ആ​രാ​ധ​ക​രെ​ത്തും. ഈ ​മാ​സം 10ന് ​കു​വൈ​ത്തി​ൽ ന​ട​ക്കു​ന്ന കു​വൈ​ത്ത്-​ഇ​റാ​ഖ് പോ​രാ​ട്ടം കാ​ണാ​ൻ 5,000 ഇ​റാ​ഖി ആ​രാ​ധ​ക​രു​ണ്ടാ​കും. ഇ​തു​മാ​യി ബ​ന്ധ​പ്പെ​ട്ട് കു​വൈ​ത്തും ഇ​റാ​ഖും ധാ​ര​ണ​യി​ലെ​ത്തി.

ഇ​രു രാ​ജ്യ​ങ്ങ​ളും അം​ഗീ​ക​രി​ച്ച സം​വി​ധാ​നം വ​ഴി ഇ-​പാ​സ്‌​പോ​ർ​ട്ടു​ള്ള 5,000 ഇ​റാ​ഖി ആ​രാ​ധ​ക​രു​ടെ സ്റ്റേ​ഡി​യ​ത്തി​ലേ​ക്ക് സു​ഗ​മ​മാ​ക്കു​മെ​ന്ന് കു​വൈ​ത്തി​ലെ ഇ​റാ​ഖ് അം​ബാ​സ​ഡ​ർ അ​ൽ മ​ൻ​ഹാ​ൽ അ​ൽ സാ​ഫി അ​റി​യി​ച്ചു. കു​വൈ​ത്ത് ഒ​ന്നാം ഉ​പ​പ്ര​ധാ​ന​മ​ന്ത്രി​യും, പ്ര​തി​രോ​ധ-​ആ​ഭ്യ​ന്ത​ര മ​ന്ത്രി​യു​മാ​യ ശൈ​ഖ് ഫ​ഹ​ദ് അ​ൽ യൂ​സു​ഫ് അ​സ്സ​ബാ​ഹു​മാ​യു​ള്ള കൂ​ടി​ക്കാ​ഴ്ച​ക്കു​ശേ​ഷ​മാ​ണ് അം​ബാ​സ​ഡ​ർ ഇ​ക്കാ​ര്യം അ​റി​യി​ച്ച​ത്.

ലോ​ക​ക​പ്പ് ഫു​ട്ബാ​ൾ യോ​ഗ്യ​ത മൂ​ന്നാം റൗ​ണ്ടി​ൽ ഗ്രൂ​പ് ബി​യി​ലാ​ണ് കു​വൈ​ത്തും ഇ​റാ​ഖും. ദ​ക്ഷി​ണ കൊ​റി​യ, ​ജോ​ർ​ഡ​ൻ, ഒ​മാ​ൻ, ഫ​ല​സ്തീ​ൻ എ​ന്നി എ​ന്നീ രാ​ജ്യ​ങ്ങ​ളാ​ണ് ഗ്രൂ​പ്പി​ലെ മ​റ്റു ടീ​മു​ക​ൾ. വ്യാ​ഴാ​ഴ്ച ജോ​ർ​ഡ​നെ​തി​രെ​യാ​ണ് കു​വൈ​ത്തി​ന്റെ ആ​ദ്യ മ​ത്സ​രം. പ​ത്തി​ന് കു​വൈ​ത്തും ഇ​റാ​ഖും എ​റ്റു​മു​ട്ടും. പു​തി​യ കോ​ച്ച് ജു​വാ​ൻ അ​ന്‍റോ​ണി​യോ പി​സി​യു​ടെ നേ​തൃ​ത്വ​ത്തി​ൽ യു.​എ.​ഇ​യി​ൽ ക​ഠി​ന പ​രി​ശീ​ല​ന​ത്തി​ലാ​ണ് കു​വൈ​ത്ത് ടീം.