ലോ​ക​ക​പ്പ് യോ​ഗ്യ​ത: ഇ​റാ​ഖി​നെ സ​മ​നി​ല​യി​ൽ ത​ള​ച്ച് കു​വൈ​ത്ത്

കു​വൈ​ത്ത് സി​റ്റി: ലോ​ക​ക​പ്പ് യോ​ഗ്യ​ത മൂ​ന്നാം റൗ​ണ്ടി​ലെ ര​ണ്ടാം മ​ത്സ​ര​ത്തി​ൽ ഇ​റാ​ഖി​ന് കു​വൈ​ത്തി​ന്‍റെ സ​മ​നി​ല​ക്കു​രു​ക്ക്. കു​വൈ​ത്തി​ലെ ജാ​ബി​ർ അ​ൽ അ​ഹ്മ​ദ് ഇ​ന്‍റ​ർ​നാ​ഷ​ന​ൽ സ്റ്റേ​ഡി​യ​ത്തി​ൽ ചൊ​വ്വാ​ഴ്ച രാ​ത്രി ഒ​മ്പ​തി​ന് ന​ട​ന്ന മ​ത്സ​ര​ത്തി​ൽ നി​ശ്ചി​ത സ​മ​യ​ത്തും അ​ധി​ക സ​മ​യ​ത്തും ഗോ​ളു​ക​ളൊ​ന്നും നേ​ടാ​നാ​കാ​തെ​യാ​ണ് ഇ​രു​വ​രും ക​ളം വി​ട്ട​ത്.

ആ​ദ്യ മ​ത്സ​ര​ത്തി​ൽ ജോ​ർ​ഡ​നു​മാ​യി സ​മ​നി​ല​യി​ൽ പി​രി​ഞ്ഞ കു​വൈ​ത്തി​ന് ഇ​റാ​ഖു​മാ​യു​ള്ള മ​ത്സ​രം നി​ർ​ണാ​യ​ക​മാ​യി​രു​ന്നു. ക​ളി​യു​ടെ ആ​ദ്യ​മി​നി​റ്റി​ൽ ത​ന്നെ ഇ​റാ​ഖ് താ​രം റെ​ബി​ൽ സു​ലാ​ഖ ചു​വ​പ്പ് കാ​ർ​ഡ് ക​ണ്ടു​മ​ട​ങ്ങി​യ​തോ​ടെ പ​ത്തു​പേ​രു​മാ​യാ​ണ് ഇ​റാ​ഖ് പൊ​രു​തി​യ​ത്. പ​ന്ത് കൈ​വ​ശം വെ​ക്കു​ന്ന​തി​ൽ കു​വൈ​ത്ത് ആ​ധി​പ​ത്യം സ്ഥാ​പി​ച്ചെ​ങ്കി​ലും കു​വൈ​ത്ത് പോ​സ്റ്റി​ലേ​ക്ക് ഇ​റാ​ഖി​ന്‍റെ ആ​ക്ര​മ​ണ​മാ​യി​രു​ന്നു.

ക​ളി​യു​ടെ 49ാം മി​നിറ്റിൽ കു​വൈ​ത്തി​നാ​യി റ​ഫ​റി പെ​നാ​ൽ​ട്ടി വി​ധി​ച്ചെ​ങ്കി​ലും വാ​ർ പ​രി​ശോ​ധ​ന​യി​ൽ നി​ഷേ​ധി​ക്കു​ക​യാ​യി​രു​ന്നു. കു​വൈ​ത്തി​ന് പു​റ​മേ ദ​ക്ഷി​ണ കൊ​റി​യ, ഇ​റാ​ഖ്, ​ജോ​ർ​ഡ​ൻ, ഒ​മാ​ൻ, ഫ​ല​സ്തീ​ൻ എ​ന്നീ രാ​ജ്യ​ങ്ങ​ളാ​ണ് മൂ​ന്നാം റൗ​ണ്ടി​ലെ ഗ്രൂ​പ് ബി​യി​ലു​ള്ള​ത്.

ടീ​മുക​ളെ​ല്ലാം ര​ണ്ടു ക​ളി​ക​ൾ വീ​തം പൂ​ർ​ത്തി​യാ​ക്കി​യ​തോ​ടെ ഒ​രു ജ​യ​വും ഒ​രു സ​മ​നി​ല​യു​മാ​യി നാ​ല് പോ​യ​ന്‍റോ​ടെ ജോ​ർ​ഡ​ൻ, സൗ​ത്ത് കൊ​റി​യ, ഇ​റാ​ഖ് എ​ന്നീ ടീ​മു​ക​ൾ പ​ട്ടി​ക​യി​ൽ യ​ഥാ​ക്ര​മം ഒ​ന്ന്, ര​ണ്ട്, മൂ​ന്ന് സ്ഥാ​ന​ത്ത് തു​ട​രു​ക‍യാ​ണ്. ക​ളി​ച്ച ര​ണ്ട് മ​ത്സ​ര​ങ്ങ​ളി​ലും സ​മ​നി​ല​യാ​യ​തി​നാ​ൽ ര​ണ്ടു പോ​യ​ന്‍റു​മാ​യി കു​വൈ​ത്ത് നാ​ലാം സ്ഥാ​ന​ത്താ​ണ്. ഒ​ക്ടോ​ബ​ർ പ​ത്തി​ന് ഒ​മാ​നു​മാ​യാ​ണ് കു​വൈ​ത്തി​ന്‍റ അ​ടു​ത്ത മ​ത്സ​രം.

അ​വ​ശേ​ഷി​ക്കു​ന്ന മ​ത്സ​ര​ങ്ങ​ളി​ൽ മി​ക​ച്ച പ്ര​ക​ട​നം കാ​ഴ്ച​വെ​ക്കാ​നാ​യാ​ലേ കു​വൈ​ത്തി​ന് ലോ​ക​ക​പ്പ് ക​ളി​ക്കു​ക​യെ​ന്ന സ്വ​പ്ന​ത്തി​ലേ​ക്കെ​ത്താ​നാ​കൂ. ഗ്രൂ​പ്പി​ലെ ടീ​മു​ക​ൾ ഹോം ​ആ​ൻ​ഡ് എ​വേ മ​ത്സ​ര​ങ്ങ​ളി​ലാ​യി പ​ര​സ്പ​രം ഏ​റ്റു​മു​ട്ടു​ന്ന​തി​ൽ ആ​ദ്യ ര​ണ്ടു സ്ഥാ​ന​ക്കാ​ർ നേ​രി​ട്ട്​ ലോ​ക​ക​പ്പി​ന്​ യോ​ഗ്യ​ത നേ​ടും. മൂ​ന്നും നാ​ലും സ്ഥാ​ന​ക്കാ​ർ നാ​ലാം റൗ​ണ്ടി​ലേ​ക്ക് ക​ട​ക്കും.