ലോ​ക​ക​പ്പ് യോ​ഗ്യ​ത: കു​വൈ​ത്ത്- ദ​ക്ഷി​ണ കൊ​റി​യ മ​ത്സ​രം ഇ​ന്ന്

കു​വൈ​ത്ത് സി​റ്റി: ലോ​ക​ക​പ്പ് യോ​ഗ്യ​ത റൗ​ണ്ട് നി​ർ​ണാ​യ​ക മ​ത്സ​ര​ത്തി​ൽ കു​വൈ​ത്ത് വ്യ​ഴാ​ഴ്ച ദ​ക്ഷി​ണ കൊ​റി​യ​യെ നേ​രി​ടും. ​വൈ​കീ​ട്ട് അ​ഞ്ചി​ന് കു​വൈ​ത്ത് ജാ​ബി​ർ അ​ൽ അ​ഹ​മ​ദ് ഇ​ന്റ​ർ​നാ​ഷ​ന​ൽ സ്റ്റേ​ഡി​യ​ത്തി​ലാ​ണ് മ​ത്സ​രം. ദ​ക്ഷി​ണ കൊ​റി​യ, ജോ​ർ​ഡ​ൻ, ഇ​റാ​ഖ്, ഒ​മാ​ൻ, ഫ​ല​സ്തീ​ൻ എ​ന്നി​വ​ര​ട​ങ്ങു​ന്ന ഗ്രൂ​പ്പി​ൽ കു​വൈ​ത്ത് നി​ല​വി​ൽ അ​ഞ്ചാം സ്ഥാ​ന​ത്താ​ണ്.

ഗ്രൂ​പ്പി​ൽ മു​ന്നേ​റ​ണ​മെ​ങ്കി​ൽ ദ​ക്ഷി​ണ കൊ​റി​യ​ക്കെ​തി​രെ മി​ക​ച്ച പ്ര​ക​ട​നം അ​നി​വാ​ര്യ​മാ​ണ്. ശ​ക്ത​രാ​യ ദ​ക്ഷി​ണ കൊ​റി​യ​യെ നേ​രി​ടാ​ൻ ഹോം ​ഗ്രൗ​ണ്ടി​ന്റെ ആ​നു​കൂ​ല്യം ഗു​ണം ചെ​യ്യു​മെ​ന്ന പ്ര​തീ​ക്ഷ​യി​ലാ​ണ് കു​വൈ​ത്ത്.

ദ​ക്ഷി​ണ കൊ​റി​യ​ക്കെ​തി​രെ തോ​ൽ​ക്കാ​തി​രു​ന്നാ​ൽ കു​വൈ​ത്തി​ന് വ​ലി​യ നേ​ട്ട​മാ​കും. നാ​ലു ക​ളി​ക​ളി​ൽ മൂ​ന്നു വി​ജ​യ​വും ഒ​രു സ​മ​നി​ല​യു​മാ​യി നി​ല​വി​ൽ ഗ്രൂ​പ് ബി​യി​ൽ പ​ത്ത് പോ​യ​ന്‍റു​മാ​യി ദ​ക്ഷി​ണ കൊ​റി​യ​യാ​ണ് ഒ​ന്നാ​മ​ത്. ഏ​ഴ് പോ​യ​ന്‍റ് വീ​ത​മു​ള്ള ജോ​ർ​ഡ​നും ഇ​റാ​ഖും ര​ണ്ടും മൂ​ന്നും സ്ഥാ​ന​ങ്ങ​ളി​ലാ​ണ്. ഒ​മാ​ൻ നാ​ലാ​മ​തും കു​വൈ​ത്ത് അ​ഞ്ചാ​മ​തു​മാ​ണ്. ര​ണ്ട് പോ​യ​ന്‍റു​മാ​യി ഫ​ല​സ്തീ​ൻ ആ​റാ​മ​താ​ണ്.

വ്യാ​ഴാ​ഴ്ച ഗ്രൂ​പ്പി​ലെ മ​റ്റു ടീ​മു​ക​ളും പ​ര​സ്പ​രം ഏ​റ്റു​മു​ട്ടു​ന്ന​തോ​ടെ ലോ​ക​ക​പ്പ് യോ​ഗ്യ​ത റൗ​ണ്ട് മൂ​ന്നാം ഘ​ട്ട​ത്തി​ലെ ആ​ദ്യ റൗ​ണ്ട് മ​ത്സ​ര​ങ്ങ​ൾ അ​വ​സാ​നി​ക്കും. തു​ട​ർ​ന്ന് ഗ്രൂ​പ്പി​ലെ ടീ​മു​ക​ൾ വീ​ണ്ടും പ​ര​സ്പ​രം ഏ​റ്റു​മു​ട്ടും. ഗ്രൂ​പ്പി​ൽ ആ​ദ്യ ര​ണ്ടു സ്ഥാ​ന​ക്കാ​ർ ലോ​ക​ക​പ്പി​ന് യോ​ഗ്യ​ത നേ​ടും. ര​ണ്ടും മൂ​ന്നും സ്ഥാ​ന​ക്കാ​ർ യോ​ഗ്യ​ത മ​ത്സ​ര​ത്തി​ന്റെ നാ​ലാം റൗ​ണ്ടി​ൽ പ്ര​വേ​ശി​ക്കും. ഈ ​മാ​സം 19ന് ​ജോ​ർ​ഡ​നാ​ണ് കു​വൈ​ത്തി​ന്റെ അ​ടു​ത്ത എ​തി​രാ​ളി.