അതിജീവന വർഷം

കു​വൈ​ത്ത്​ സി​റ്റി: ജാ​ഗ്ര​ത​യു​ടെ​യും ക​ഠി​നാ​ധ്വാ​ന​ത്തി‍െൻറ​യും ഐ​ക്യ​ത്തി​‍െൻറ​യും അ​തി​ജീ​വ​ന​ത്തി​ന്‍റേ​തു​മാ​യി​രു​ന്നു കു​വൈ​ത്തി​ന്​ 2021. കോ​വി​ഡ്​ മ​ഹാ​മാ​രി പി​ടി​മു​റു​ക്കി ജീ​വി​തം ദു​സ്സ​ഹ​വും ജീ​വ​ൻ ഭീ​ഷ​ണി​യി​ലു​മാ​യ 2020മാ​യി താ​ര​ത​മ്യം ചെ​യ്യു​മ്പോ​ൾ ക​ഴി​ഞ്ഞ​വ​ർ​ഷം ശ്ര​ദ്ധേ​യ​മാ​യ പു​രോ​ഗ​തി എ​ല്ലാ മേ​ഖ​ല​യി​ലും ഉ​ണ്ടാ​യി. പ്ര​തി​​രോ​ധ കു​ത്തി​വെ​പ്പ്​ അ​തി​വേ​ഗം മു​ന്നോ​ട്ടു​കൊ​ണ്ടു​പോ​യി. പൂ​ർ​ണ​മാ​യി കീ​ഴ​ട​ക്കാ​ൻ ക​ഴി​ഞ്ഞി​ല്ലെ​ങ്കി​ലും വൈ​റ​സി​നെ ഒ​രു​വി​ധം പി​ടി​ച്ചു​കെ​ട്ടാ​ൻ ക​ഴി​ഞ്ഞു. ലോ​ക്​​ഡൗ​ണി​‍െൻറ​യും ക​ർ​ഫ്യൂ​വി‍െൻറ​യും പേ​ടി​പ്പെ​ടു​ത്തു​ന്ന ദി​വ​സ​ങ്ങ​ൾ ഒ​ഴി​ഞ്ഞു​പോ​യി. ജാ​ഗ്ര​ത​യോ​ടെ​യാ​ണെ​ങ്കി​ലും ജ​ന​ജീ​വി​തം സാ​ധാ​ര​ണ​മാ​യി, വ്യാ​പാ​ര​സ്ഥാ​പ​ന​ങ്ങ​ൾ തു​റ​ന്നു​പ്ര​വ​ർ​ത്തി​ച്ചു, ആ​രാ​ധ​നാ​ല​യ​ങ്ങ​ളി​ൽ നി​യ​ന്ത്ര​ണ​ങ്ങ​ൾ നീ​ക്കി, തൊ​ഴി​ൽ മേ​ഖ​ല ഉ​ണ​ർ​ന്നു. മാ​സ​ങ്ങ​ൾ നാ​ട്ടി​ൽ കു​ടു​ങ്ങി ഉ​പ​ജീ​വ​നം പ്ര​തി​സ​ന്ധി​യി​ലാ​യ പ്ര​വാ​സി​ക​ൾ തി​രി​ച്ചെ​ത്തി. ദീ​ർ​ഘ​നാ​ൾ ഉ​റ്റ​വ​രെ​യും ഉ​ട​യ​വ​രെ​യും വി​ട്ടു​നി​ന്ന നി​ര​വ​ധി പേ​ർ അ​വ​ധി​യെ​ടു​ത്ത്​ നാ​ട്ടി​ൽ പോ​യി വ​ന്നു. ന​ഷ്​​ട​ങ്ങ​ളും പ്ര​യാ​സ​ങ്ങ​ളും ഏ​റെ ഉ​ണ്ടാ​യി​ട്ടു​ണ്ട്. വി​ദേ​ശി​ക​ളെ ബാ​ധി​ക്കു​ന്ന നി​ര​വ​ധി ന​ട​പ​ടി​ക​ളും സം​ഭ​വ​വി​കാ​സ​ങ്ങ​ളു​മു​ണ്ടാ​യി. എ​ന്നാ​ലും താ​ര​ത​മ്യേ​ന തി​രി​ച്ച​ടി​ക​ളെ വ​ക​ഞ്ഞു​മാ​റ്റി വ​ൻ കു​തി​പ്പ്​ ന​ട​ത്തി​യ വ​ർ​ഷ​മാ​ണ്​ ക​ഴി​ഞ്ഞു​പോ​യ​ത്.

ശൈ​ഖ്​ മി​ശ്​​അ​ൽ ആ​ക്​​ടി​ങ്​ അ​മീ​ർ

ആ​രോ​ഗ്യ​പ്ര​ശ്​​ന​ങ്ങ​ളെ തു​ട​ർ​ന്ന്​ ഭ​ര​ണ​ഘ​ട​നാ​പ​ര​മാ​യ അ​മീ​രി ഉ​ത്ത​ര​വാ​ദി​ത്ത​ങ്ങ​ൾ കി​രീ​ടാ​വ​കാ​ശി ശൈ​ഖ്​ മി​ശ്​​അ​ൽ അ​ൽ അ​ഹ്​​മ​ദ്​ അ​ൽ ജാ​ബി​ർ അ​സ്സ​ബാ​ഹി​ന്​ കൈ​മാ​റി.

അ​മീ​ർ ശൈ​ഖ്​ ന​വാ​ഫ്​ അ​ൽ അ​ഹ്​​മ​ദ്​ അ​ൽ ജാ​ബി​ർ അ​സ്സ​ബാ​ഹി​‍െൻറ പ്ര​ത്യേ​ക ഉ​ത്ത​ര​വി​ലൂ​ടെ​യാ​ണ്​ ഇ​ത്​ ന​ട​പ്പാ​ക്കി​യ​ത്. ജി.​സി.​സി ഉ​ച്ച​കോ​ടി​യി​ൽ കു​വൈ​ത്ത്​ സം​ഘ​ത്തെ ശൈ​ഖ്​ മി​ശ്​​അ​ൽ അ​സ്സ​ബാ​ഹ്​ ന​യി​ച്ചു.

മ​ന്ത്രി​സ​ഭ രൂ​പ​വ​ത്​​ക​ര​ണ​വും രാ​ജി​ക​ളും

2021ൽ ​ര​ണ്ടു​ത​വ​ണ കു​വൈ​ത്ത്​ മ​ന്ത്രി​സ​ഭ രാ​ജി​വെ​ച്ച്​ പു​നഃ​സം​ഘ​ടി​പ്പി​ച്ചു. ജ​നു​വ​രി​യി​ൽ മ​ന്ത്രി​സ​ഭ രാ​ജി​വെ​ച്ച്​ മാ​ർ​ച്ച്​ ര​ണ്ടി​ന്​ ശൈ​ഖ്​ സ​ബാ​ഹ്​ ഖാ​ലി​ദ്​ അ​സ്സ​ബാ​ഹി​‍െൻറ​ത​ന്നെ നേ​തൃ​ത്വ​ത്തി​ൽ പു​തി​യ മ​ന്ത്രി​സ​ഭ വ​ന്നു. മ​ന്ത്രി​മാ​ർ​ക്കെ​തി​രാ​യ കു​റ്റ​വി​ചാ​ര​ണ പ​ര​മ്പ​ര​യെ തു​ട​ർ​ന്നാ​യി​രു​ന്നു. അ​തി​നു​ശേ​ഷ​വും പാ​ർ​ല​മെൻറു​മാ​യു​ള്ള ബ​ന്ധം ന​ല്ല നി​ല​യി​ലാ​യി​രു​ന്നി​ല്ല.

നി​ര​ന്ത​രം കു​റ്റ​വി​ചാ​ര​ണ നോ​ട്ടീ​സ്​ സ​മ​ർ​പ്പി​ക്ക​പ്പെ​ട്ടു. സ​ർ​ക്കാ​ർ ബ​ഹി​ഷ്​​ക​ര​ണ​ത്തെ തു​ട​ർ​ന്ന്​ പാ​ർ​ല​മെൻറ്​ യോ​ഗം അ​ഞ്ചു​ ത​വ​ണ മു​ട​ങ്ങി. തു​ട​ർ​ന്നാ​ണ്​ അ​മീ​റി​‍െൻറ നേ​തൃ​ത്വ​ത്തി​ൽ പ്ര​ശ്​​ന​പ​രി​ഹാ​ര​ത്തി​നാ​യി നാ​ഷ​ന​ൽ ഡ​യ​ലോ​ഗ്​ ആ​രം​ഭി​ച്ച​ത്.

ഒ​ത്തു​തീ​ർ​പ്പ്​ ഫോ​ർ​മു​ല​യു​ടെ ഭാ​ഗ​മാ​യി ന​വം​ബ​ർ എ​ട്ടി​ന്​ മ​ന്ത്രി​സ​ഭ രാ​ജി​വെ​ക്കു​ക​യും ക​ഴി​ഞ്ഞ ദി​വ​സം നാ​ലു​ എം.​പി​മാ​രെ ഉ​ൾ​പ്പെ​ടു​ത്തി ശൈ​ഖ്​ സ​ബാ​ഹ്​ ഖാ​ലി​ദ്​ അ​സ്സ​ബാ​ഹി​‍െൻറ നേ​തൃ​ത്വ​ത്തി​ൽ​ത​ന്നെ മ​ന്ത്രി​സ​ഭ നി​ല​വി​ൽ വ​രു​ക​യും ചെ​യ്​​തു.

വിദേശി ജനസംഖ്യ കുറഞ്ഞു

വി​ദേ​ശി ജ​ന​സം​ഖ്യ​യി​ൽ ക​ഴി​ഞ്ഞ വ​ർ​ഷം ഗ​ണ്യ​മാ​യ കു​റ​വു​ണ്ടാ​യി. ര​ണ്ടു ല​ക്ഷ​ത്തി​ന​ടു​ത്ത് വി​ദേ​ശി​ക​ളാ​ണ് ഒ​ന്ന​ര വ​ർ​ഷ​ത്തി​നി​ടെ കു​വൈ​ത്തി​ൽ​നി​ന്നു പ്ര​വാ​സം മ​തി​യാ​ക്കി മ​ട​ങ്ങി​യ​ത്.

സ​ർ​ക്കാ​ർ മേ​ഖ​ല​യി​ലെ സ്വ​ദേ​ശി​വ​ത്​​ക​ര​ണ ന​ട​പ​ടി​ക​ളും കോ​വി​ഡി​നെ തു​ട​ർ​ന്ന് സ്വ​കാ​ര്യ തൊ​ഴി​ൽ മേ​ഖ​ല​യി​ലു​ണ്ടാ​യ തൊ​ഴി​ൽ​ന​ഷ്​​ട​വും ഒ​ക്കെ​യാ​ണ് വി​ദേ​ശി​ക​ളു​ടെ എ​ണ്ണം കു​റ​യാ​നു​ള്ള കാ​ര​ണ​മാ​യി റി​പ്പോ​ർ​ട്ട് ചൂ​ണ്ടി​ക്കാ​ട്ടു​ന്ന​ത്.

ജ​നു​വ​രി മു​ത​ൽ 60 വ​യ​സ്സി​നു​ മു​ക​ളി​ലു​ള്ള ബി​രു​ദ​മി​ല്ലാ​ത്ത​വ​ർ​ക്ക്​ വ​ർ​ക്ക്​ പെ​ർ​മി​റ്റ്​ പു​തു​ക്കി​ന​ൽ​കാ​ത്ത​തും നി​ര​വ​ധി വി​ദേ​ശി​ക​ൾ മ​ട​ങ്ങാ​ൻ ഇ​ട​യാ​ക്കി. കോ​വി​ഡ് പ്ര​തി​സ​ന്ധി ആ​രം​ഭി​ച്ച​തി​നു​ശേ​ഷം പ്ര​വാ​സം മ​തി​യാ​ക്കി മ​ട​ങ്ങി​യ​വ​രു​ടെ എ​ണ്ണം ര​ണ്ടു ല​ക്ഷ​ത്തി​നു​ മു​ക​ളി​ലാ​ണ്.

ഇ​റാ​ഖ്​ യു​ദ്ധ ന​ഷ്​​ട​പ​രി​ഹാ​രം

1990ലെ ​അ​ധി​നി​വേ​ശം​മൂ​ല​മു​ണ്ടാ​യ നാ​ശ​ന​ഷ്​​ട​ങ്ങ​ള്‍ക്ക്​​ പ​രി​ഹാ​ര​മാ​യി ഇ​റാ​ഖ് കു​വൈ​ത്തി​ന്​ 52.4 ബി​ല്യ​ൺ ഡോ​ള​ര്‍ കൊടുത്തുതീർത്തത്​ ഇൗ വർഷം. എ​ണ്ണ വ​രു​മാ​ന​ത്തി​‍െൻറ മൂ​ന്നു​ ശ​ത​മാ​നം മാ​റ്റി​വെ​ച്ച്​ 1991 ​മു​ത​ൽ ഇ​റാ​ഖ്​ പ​ണം അ​ട​ച്ചു​വ​രു​ക​യാ​യി​രു​ന്നു.

ആ​ശ്വാ​സ​മാ​യി എ​ണ്ണ​വി​ല തി​രി​ച്ചു​ക​യ​റി

കൂ​പ്പു​കു​ത്തി​യ എ​ണ്ണ​വി​ല തി​രി​ച്ചു​ക​യ​റി​യ​ത്​ കു​വൈ​ത്തി​ന്​ ആ​ശ്വാ​സ​മാ​യി. എ​ണ്ണ ഉ​ൽ​പാ​ദ​നം വ​ർ​ധി​പ്പി​ക്കാ​ൻ ഒ​പെ​ക്, നോ​ൺ ഒ​പെ​ക്​ കൂ​ട്ടാ​യ്​​മ തീ​രു​മാ​ന​മെ​ടു​ത്ത്​ ന​ട​പ്പാ​ക്കി തു​ട​ങ്ങി. ഒ​പെ​കി​‍െൻറ അ​ടു​ത്ത സെ​ക്ര​ട്ട​റി ജ​ന​റ​ലാ​യി കു​വൈ​ത്ത്​ പ്ര​തി​നി​ധി ഹൈ​തം അ​ൽ ഗൈ​സി​നെ നി​ശ്ച​യി​ച്ചു.

രാഷ്​ട്രീയ പൊതുമാപ്പ്

കു​വൈ​ത്ത്​ രാ​ഷ്​​ട്രീ​യ ച​രി​ത്ര​ത്തി​ലെ​ത​ന്നെ സു​പ്ര​ധാ​ന​മാ​യ ഏ​ടു​ക​ളി​ലൊ​ന്നാ​ണ്​ ഈ ​വ​ർ​ഷം ന​ൽ​കി​യ രാ​ഷ്​​ട്രീ​യ പൊ​തു​മാ​പ്പ്.

പാ​ർ​ല​മെൻറ്​ കൈ​യേ​റ്റം ഉ​ൾ​​പ്പെ​ടെ രാ​ഷ്​​ട്രീ​യ കേ​സു​ക​ളി​ൽ കോ​ട​തി ശി​ക്ഷ വി​ധി​ച്ച​തി​നെ തു​ട​ർ​ന്ന്​ വി​ദേ​ശ രാ​ജ്യ​ങ്ങ​ളി​ൽ അ​ഭ​യം തേ​ടി​യ മു​ൻ എം.​പി​മാ​ർ ​ഉ​​ൾ​പ്പെ​ടെ പ്ര​തി​പ​ക്ഷ നേ​താ​ക്ക​ൾ പൊ​തു​മാ​പ്പ്​ ന​ൽ​കി​യ അ​മീ​രി ഉ​ത്ത​ര​വ്​ പ്ര​യോ​ജ​ന​പ്പെ​ടു​ത്തി തി​രി​ച്ചെ​ത്തി.

ഡോ. ​ജം​ആ​ൻ അ​ൽ ഹ​ർ​ബ​ഷ്, സാ​ലിം അ​ൽ നം​ലാ​ൻ, മു​ബാ​റ​ക്​ അ​ൽ വ​അ്​​ലാ​ൻ, മു​സ​ല്ലം അ​ൽ ബ​ർ​റാ​ക്, ഫൈ​സ​ൽ അ​ൽ മു​സ്​​ലിം, ഖാ​ലി​ദ്​ അ​ൽ ത​ഹൂ​സ്, മി​ശ്​​അ​ൽ അ​ൽ ദൈ​ദി, അ​ബ്​​ദു​ൽ അ​സീ​സ്​ അ​ൽ ജ​റ​ല്ല, അ​ബ്​​ദു​ൽ അ​സീ​സ്​ അ​ൽ മു​നൈ​സ്, നാ​സ​ർ അ​ൽ മു​തൈ​രി, മു​ഹ​മ്മ​ദ്​ അ​ൽ ബു​ലി​ഹൈ​സ്​ തു​ട​ങ്ങി​യ നേ​താ​ക്ക​ളാ​ണ്​ തി​രി​ച്ചെ​ത്തി​യ​ത്.

പാ​ർ​ല​മെൻറും സ​ർ​ക്കാ​റും ത​മ്മി​ലു​ള്ള ബ​ന്ധം ന​ന്നാ​ക്കാ​ൻ അ​മീ​ർ മു​​ൻ​കൈ​യെ​ടു​ത്ത്​ ന​ട​ത്തു​ന്ന നാ​ഷ​ന​ൽ ഡ​യ​ലോ​ഗി​ൽ പ്ര​തി​പ​ക്ഷ എം.​പി​മാ​ർ പ്ര​ധാ​ന​മാ​യും ആ​വ​ശ്യ​പ്പെ​ട്ട​ത്​ രാ​ഷ്​​ട്രീ​യ കേ​സു​ക​ളി​ലെ പൊ​തു​മാ​പ്പും അ​ഭി​പ്രാ​യ സ്വാ​ത​ന്ത്ര്യം ഉ​റ​പ്പു​വ​രു​ത്ത​ലു​മാ​ണ്.

ഇ​ന്ത്യ​യി​ലേ​ക്കൊ​ഴു​കി​യ ജീ​വ​വാ​യു

ഇ​ന്ത്യ​യി​ൽ കോ​വി​ഡ്​ ത​രം​ഗം ആ​ഞ്ഞ​ടി​ക്കു​ക​യും ഓ​ക്​​സി​ജ​ൻ ക്ഷാ​മം അ​നു​ഭ​വ​പ്പെ​ടു​ക​യും ചെ​യ്​​ത​പ്പോ​ൾ ആ​ദ്യം സ​ഹാ​യ വാ​ഗ്​​ദാ​നം ന​ൽ​കി​യ​തും ഏ​റ്റ​വും കൂ​ടു​ത​ൽ സ​ഹാ​യം ന​ൽ​കി​യ​തും കു​വൈ​ത്താ​ണ്. ഐ.​എ​ൻ.​എ​സ്​ കൊ​ൽ​ക്ക​ത്ത, ​ഐ.​എ​ൻ.​എ​സ്​ കൊ​ച്ചി, ​ഐ.​എ​ൻ.​എ​സ്​ ത​ബ​ർ, ​ഐ.​എ​ൻ.​എ​സ്​ ഷാ​ർ​ദു​ൽ തു​ട​ങ്ങി​യ ഇ​ന്ത്യ​ൻ നാ​വി​ക സേ​ന ക​പ്പ​ലു​ക​ളും വ്യോ​മ​സേ​ന വി​മാ​ന​ങ്ങ​ളും സ​ഹാ​യം ഏ​റ്റു​വാ​ങ്ങാ​നെ​ത്തി. 2800 മെ​ട്രി​ക്​ ട​ൺ ഓ​ക്​​സി​ജ​ൻ കു​വൈ​ത്തി​ൽ​നി​ന്ന്​ കൊ​ണ്ടു​പോ​യി. കു​വൈ​ത്ത്​ സ​ർ​ക്കാ​റും സ​ന്ന​ദ്ധ സം​ഘ​ട​ന​ക​ളും പ്ര​വാ​സി കൂ​ട്ടാ​യ്​​മ​ക​ളും സ​ഹാ​യം ന​ൽ​കി. ​

കേ​ന്ദ്ര​മ​ന്ത്രി​യു​ടെ സ​ന്ദ​ർ​ശ​നം

കേ​ന്ദ്ര വി​ദേ​ശ​കാ​ര്യ മ​ന്ത്രി എ​സ്. ജ​യ്​​ശ​ങ്ക​ർ ജൂ​ണി​ൽ കു​വൈ​ത്ത്​ സ​ന്ദ​ർ​ശി​ച്ചു. മൂ​ന്നു​ ദി​വ​സ​ത്തെ സ​ന്ദ​ർ​ശ​ന​ത്തി​ൽ കു​വൈ​ത്ത്​ അ​മീ​ർ ശൈ​ഖ്​ ന​വാ​ഫ്​ അ​ൽ അ​ഹ്​​മ​ദ്​ അ​ൽ ജാ​ബി​ർ അ​സ്സ​ബാ​ഹ്, കി​രീ​ടാ​വ​കാ​ശി ശൈ​ഖ്​ മി​ശ്​​അ​ൽ അ​ൽ അ​ഹ്​​മ​ദ്​ അ​ൽ ജാ​ബി​ർ അ​സ്സ​ബാ​ഹ്, പ്ര​ധാ​ന​മ​ന്ത്രി ശൈ​ഖ്​ സ​ബാ​ഹ്​ ഖാ​ലി​ദ്​ അ​ൽ ഹ​മ​ദ്​ അ​സ്സ​ബാ​ഹ്, വി​ദേ​ശ​കാ​ര്യ മ​ന്ത്രി ഡോ. ​അ​ഹ്​​മ​ദ്​ നാ​സ​ർ അ​ൽ മു​ഹ​മ്മ​ദ്​ അ​സ്സ​ബാ​ഹ്​ തു​ട​ങ്ങി ഉ​ന്ന​ത​രു​മാ​യി അ​ദ്ദേ​ഹം കൂ​ടി​ക്കാ​ഴ്​​ച ന​ട​ത്തി. പ്ര​തി​രോ​ധം, വ്യാ​പാ​രം, ഊ​ർ​ജം, അ​ടി​സ്ഥാ​ന സൗ​ക​ര്യ​ങ്ങ​ള്‍, ആ​രോ​ഗ്യ സം​ര​ക്ഷ​ണം, വി​ദ്യാ​ഭ്യാ​സം തു​ട​ങ്ങി വി​വി​ധ മേ​ഖ​ല​ക​ളി​ലെ സ​ഹ​ക​ര​ണം സം​ബ​ന്ധി​ച്ചും കു​വൈ​ത്തി​ലെ ഇ​ന്ത്യ​ൻ സ​മൂ​ഹ​ത്തി​​‍െൻറ വി​വി​ധ ആ​വ​ശ്യ​ങ്ങ​ളും ച​ര്‍ച്ച​ചെ​യ്​​തു.

കാ​രു​ണ്യ​ത്തി​‍െൻറ കു​വൈ​ത്ത്​

വി​വി​ധ രാ​ജ്യ​ങ്ങ​ളി​ലേ​ക്ക്​ കു​വൈ​ത്തി​ൽ​നി​ന്ന്​ സ​ഹാ​യ​വ​സ്​​തു​ക്ക​ൾ ഒ​ഴു​കു​ന്ന​തി​ന്​ ഒ​രു മാ​റ്റ​വും ഉ​ണ്ടാ​യി​ല്ല. ന​യ​ത​​ന്ത്ര ബ​ന്ധം മു​റി​ക്കേ​ണ്ടി​വ​ന്ന ല​ബ​നാ​നി​ൽ അ​ട​ക്കം കു​വൈ​ത്തി സ​ന്ന​ദ്ധ സം​ഘ​ട​ന​ക​ളും പ്ര​വ​ർ​ത്ത​ക​രും കാ​രു​ണ്യ​പ്ര​വ​ർ​ത്ത​ന​ങ്ങ​ളി​ൽ സ​ജീ​വ​മാ​യി​രു​ന്നു. സോ​മാ​ലി​യ​യെ സ​ഹാ​യി​ക്കാ​ൻ ഈ ​വ​ർ​ഷം കു​വൈ​ത്തി​ൽ ന​ട​ക്കേ​ണ്ടി​യി​രു​ന്ന പ്ര​ത്യേ​ക ഉ​ച്ച​കോ​ടി കോ​വി​ഡ്​ സാ​ഹ​ച​ര്യ​ത്തി​ൽ ന​ട​ന്നി​ല്ല. ദ​രി​ദ്ര​രാ​ജ്യ​ങ്ങ​ളി​ൽ കോ​വി​ഡ്​ പ്ര​തി​രോ​ധ​പ്ര​വ​ർ​ത്ത​ന​ങ്ങ​ൾ​ക്ക്​ കു​വൈ​ത്ത്​ സാ​മ്പ​ത്തി​ക സ​ഹാ​യം ന​ൽ​കു​ന്നു.

സ്വ​ദേ​ശി​വ​ത്​​ക​ര​ണം ത​കൃ​തി

സ​ർ​ക്കാ​ർ മേ​ഖ​ല​യി​ലെ സ്വ​കാ​ര്യ​വ​ത്​​ക​ര​ണം മു​റ​പോ​ലെ ന​ട​ക്കു​ന്നു. പു​തി​യ വി​ദേ​ശി നി​യ​മ​നം വ​ള​രെ പ​രി​മി​തം. സ്വ​ദേ​ശി​വ​ത്​​ക​ര​ണ ന​ട​പ​ടി​ക​ൾ​ക്ക്​ സി​വി​ൽ സ​ർ​വി​സ്​ ക​മീ​ഷ​‍െൻറ ക​ർ​ശ​ന നി​ർ​ദേ​ശ​വും മേ​ൽ​നോ​ട്ട​വു​മു​ണ്ട്. അ​ടു​ത്ത വ​ർ​ഷ​വും പൊ​തു​മേ​ഖ​ല​യി​ലെ സ്വ​ദേ​ശി​വ​ത്​​ക​ര​ണം ശ​ക്ത​മാ​യി ന​ട​ക്കും. പൊ​തു​മേ​ഖ​ല​യി​ൽ കു​വൈ​ത്തി​ക​ളെ ല​ഭ്യ​മ​ല്ലാ​ത്ത ഒ​ഴി​വു​ക​ളി​ൽ ഒ​ഴി​കെ വി​ദേ​ശി​ക​ൾ വേ​ണ്ട എ​ന്നാ​ണ്​ ന​യം.

60 വ​യ​സ്സ്​ പ്രാ​യ​പ​രി​ധി

60 വ​യ​സ്സി​ന്​ മു​ക​ളി​ലു​ള്ള ബി​രു​ദ​മി​ല്ലാ​ത്ത​വ​ർ​ക്ക്​ ഇ​ഖാ​മ പു​തു​ക്കാ​ൻ അ​നു​വ​ദി​ക്കി​ല്ലെ​ന്ന ഉ​ത്ത​ര​വ്​ പ്രാ​ബ​ല്യ​ത്തി​ലാ​യ ദുഃ​ഖ​ത്തോ​ടെ​യാ​ണ്​ പ്ര​വാ​സി സ​മൂ​ഹ​ത്തി‍െൻറ 2021ലെ ​പു​തു​വ​ർ​ഷം ആ​രം​ഭി​ച്ച​ത്. ആ​യി​ര​ക്ക​ണ​ക്കി​നാ​ളു​ക​ൾ ഇ​തേ തു​ട​ർ​ന്ന്​ തി​രി​ച്ചു​പോ​യി.

സ്വ​ദേ​ശി​ക​ളു​ടെ എ​തി​ർ​പ്പും അ​ധി​കൃ​ത​ർ​ക്കി​ട​യി​ൽ​ത​ന്നെ അ​ഭി​പ്രാ​യ വ്യ​ത്യാ​സ​വു​മു​ള്ള വി​ഷ​യ​ത്തി​ൽ ഇ​പ്പോ​ഴും അ​നി​ശ്ചി​ത​ത്വം തു​ട​രു​ക​യാ​ണ്. എ​ല്ലാ ഡ്രൈ​വി​ങ്​ ലൈ​സ​ൻ​സു​ക​ളും അ​ർ​ഹ​ത പ​രി​ശോ​ധ​ന ന​ട​ത്തി അ​ന​ർ​ഹ​രാ​യ ര​ണ്ട​ര ല​ക്ഷം വി​ദേ​ശി​ക​ളു​ടെ ലൈ​സ​ൻ​സ്​ പി​ൻ​വ​ലി​ക്കു​മെ​ന്ന പ്ര​ഖ്യാ​പ​ന​വും അ​നി​ശ്ചി​താ​വ​സ്ഥ​യി​ലു​ണ്ട്. ഏ​താ​നും ദി​വ​സം ലൈ​സ​ൻ​സ്​ പു​തു​ക്കാ​ൻ ക​ഴി​യാ​തി​രു​ന്ന​ത്​ ക​ഴി​ഞ്ഞ ദി​വ​സം പു​നഃ​സ്ഥാ​പി​ച്ചി​ട്ടു​ണ്ട്.

മരണനിരക്ക്​ ഉയർന്നു

വി​ദേ​ശി​ക​ളു​ടെ മ​ര​ണ​നി​ര​ക്ക്​ ഗ​ണ്യ​മാ​യി വ​ർ​ധി​ച്ചു. കോ​വി​ഡ്​ വ്യാ​പ​നം രൂ​ക്ഷ​മാ​യ മാ​സ​ങ്ങ​ളി​ൽ​ത​ന്നെ​യാ​ണ്​ മ​ര​ണ​നി​ര​ക്കും ഉ​യ​ർ​ന്ന​ത്. കോ​വി​ഡ്​ ത​ന്നെ​യാ​ണ്​ മ​ര​ണ നി​ര​ക്ക്​ ഉ​യ​രാ​ൻ കാ​ര​ണ​മെ​ന്നാ​ണ്​ ഇ​ത്​ വ്യ​ക്ത​മാ​ക്കു​ന്ന​ത്. രാ​ജ്യ​ത്ത്​ ആ​ത്മ​ഹ​ത്യ നി​ര​ക്കും വ​ർ​ധി​ച്ചു.

താ​മ​സ​നി​യ​മ​ലം​ഘ​നം: പ​രി​ശോ​ധ​ന

പ​ല​വ​ട്ടം പൊ​തു​മാ​പ്പ്​ ന​ൽ​കി​യി​ട്ടും തി​രി​ച്ചു​പോ​കാ​ത്ത താ​മ​സ​നി​യ​മ​ലം​ഘ​ക​രെ പി​ടി​കൂ​ടാ​ൻ ഒ​ക്​​ടോ​ബ​റി​ൽ പ​രി​ശോ​ധ​ന കാ​മ്പ​യി​ൻ ആ​രം​ഭി​ച്ചെ​ങ്കി​ലും പി​ടി​യി​ലാ​കു​ന്ന​വ​രെ പാ​ർ​പ്പി​ക്കാ​ൻ ജ​യി​ലി​ൽ സ്ഥ​ല​മി​ല്ലാ​ത്ത​തി​ൽ മൂ​ന്നാ​ഴ്​​ച​ക്ക​കം കാ​മ്പ​യി​ൻ നി​ർ​ത്തി. ഇ​പ്പോ​ൾ ന​ട​ക്കു​ന്ന​ത് നാ​ടു​ക​ട​ത്ത​ലി​ലൂ​ടെ ജ​യി​ലി​ൽ ഒ​ഴി​വ്​ വ​രു​ന്ന​തി​ന​നു​സ​രി​ച്ച്​ ഒ​റ്റ​പ്പെ​ട്ട പ​രി​ശോ​ധ​ന.

കാ​യി​കം

കാ​യി​ക​പ്ര​വ​ർ​ത്ത​ന​ങ്ങ​ൾ പു​ന​രാ​രം​ഭി​ച്ചു. സ്​​റ്റേ​ഡി​യ​ങ്ങ​ളി​ൽ കാ​ണി​ക​ൾ സ​ജീ​വ​മാ​യി. അ​മീ​ർ ക​പ്പ്​ ഫു​ട്​​ബാ​ൾ നി​റ​ഞ്ഞ ഗാ​ല​റി​യെ സാ​ക്ഷി​നി​ർ​ത്തി ന​ട​ത്തി. അ​ന്ത​ർ​ദേ​ശീ​യ മ​ത്സ​ര​ങ്ങ​ളി​ൽ കു​വൈ​ത്ത്​ താ​ര​ങ്ങ​ൾ സ​ജീ​വ​മാ​യി പ​ങ്കു​കൊ​ണ്ടു. ശ്ര​ദ്ധേ​യ​മാ​യ നേ​ട്ട​ങ്ങ​ൾ കു​റ​ച്ചു​മാ​ത്രം. ടോ​ക്യോ ഒ​ളി​മ്പി​ക്​​സി​ൽ ഷൂ​ട്ടി​ങ്ങി​ൽ വെ​ങ്ക​ലം നേ​ടി​യ അ​ബ്​​ദു​ല്ല അ​ൽ റ​ഷീ​ദി കു​വൈ​ത്തി​‍െൻറ ഏ​ക മെ​ഡ​ൽ ജേ​താ​വ്.