യൂത്ത് ഇന്ത്യ ഇസ്ലാമിക് ഫെസ്റ്റ് ഒക്ടോബർ 11ന്; സ്വാഗതസംഘം രൂപവത്കരിച്ചു
text_fieldsയൂത്ത് ഇന്ത്യ ഇസ്ലാമിക് ഫെസ്റ്റ് സ്വാഗതസംഘം രൂപവത്കരണ യോഗം
കുവൈത്ത് സിറ്റി: ഒക്ടോബർ 11ന് അബ്ബാസിയ ആസ്പൈർ ഇന്റർനാഷനൽ സ്കൂളിൽ നടത്തുന്ന ഇസ്ലാമിക് ഫെസ്റ്റിന്റെ സ്വാഗത സംഘം രൂപവത്കരിച്ചു. ദജീജിലെ കെ.ഐ.ജി കേന്ദ്ര ഓഫിസിൽ നടന്ന യോഗത്തിൽ യൂത്ത് ഇന്ത്യ എക്സിക്യുട്ടിവ്, കെ.ഐ.ജി, ഇസ്ലാമിക് വിമൻസ് അസോസിയേഷൻ, മറ്റു തിരഞ്ഞെടുക്കപ്പെട്ട വ്യക്തിത്വങ്ങൾ എന്നിവർ പങ്കെടുത്തു.
യോഗത്തിൽ വിവിധ വകുപ്പ് കൺവീനർമാരെ തെരഞ്ഞെടുത്തു. യൂത്ത് ഇന്ത്യ പ്രസിഡൻറ് സിജിൽ ഖാൻ അധ്യക്ഷത വഹിച്ചു. യോഗം ഇസ്ലാമിക് ഫെസ്റ്റ് കൺവീനർ മുഹമ്മദ് യാസിർ പ്രോഗ്രാം വിശദീകരിച്ചു. കെ.ഐ.ജി പ്രസിഡന്റ് പി.ടി. ശരീഫ് സമാപനം നിർവഹിച്ചു. ഗാനം, സംഘ ഗാനം, പ്രസംഗം, കഥ, വട്ടപ്പാട്ട്, കോൽക്കളി, ഖുർആൻ റസിറ്റേഷൻ, ബാങ്ക് വിളി എന്നീ ഇനങ്ങളിൽ മത്സരങ്ങളുണ്ടാകും.
കിട്സ്, ജൂനിയർ, സബ്ജൂനിയർ, സിനിയർ, ജൻസ്, ലേഡീസ് എന്നിങ്ങനെ വിഭാഗങ്ങളായാണ് മത്സരങ്ങൾ നടക്കുക. ഓൺസ്റ്റേജ്, ഓഫ് സ്റ്റേജ് , ഓൺലൈൻ വഴി പരിപാടികൾ നടക്കുമെന്ന് ഭാരവാഹികൾ അറിയിച്ചു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.