ഒമാനിലെ വാഹനാപകടങ്ങളിൽ 119 ശതമാനത്തി​െൻറ വർധന

മസ്​കത്ത്​: ഒമാനിൽ വാഹനാപകടങ്ങൾ ഉയർന്നു. 15,200 അപകടങ്ങളാണ്​ വർഷത്തി​െൻറ രണ്ടാം പാദത്തിലുണ്ടായത്​. ഇതിൽ 3000 എണ്ണം വലിയ അപകടങ്ങളാണ്​. വർഷത്തി​െൻറ ആദ്യ പാദത്തെ അപേക്ഷിച്ച്​ അപകടങ്ങൾ 119 ശതമാനം ഉയർന്നതായി കാപിറ്റൽ മാർക്കറ്റ്​ അതോറിറ്റി പുറത്തിറക്കിയ വാഹന ഇൻഷൂറൻസ്​ സംബന്ധിച്ച റിപ്പോർട്ടിൽ പറയുന്നു. ആക്​സിഡൻറ്​ ക്ലെയിമുകൾ 121 ശതമാനം ഉയർന്നതായും റിപ്പോർട്ടിൽ ചൂണ്ടിക്കാണിക്കുന്നു. 24,900 ക്ലെയിമുകളാണ്​ രണ്ടാംപാദത്തിലുണ്ടായത്​. നഷ്​ടപരിഹാരമായി 5.19 ദശലക്ഷം റിയാലും നൽകി.

ആദ്യ പാദത്തെ അപേക്ഷിച്ച്​ നഷ്​ടപരിഹാര തുകയിൽ 189 ശതമാനത്തി​െൻറയും കഴിഞ്ഞവർഷം രണ്ടാംപാദത്തെ അപേക്ഷിച്ച്​ 77 ശതമാനത്തി​െൻറയും വർധനവുണ്ടായി. സാമ്പത്തികനഷ്​ടം മാത്രമുണ്ടാക്കിയ ചെറുകിട അപകടങ്ങൾക്കായി കഴിഞ്ഞവർഷം ലഭിച്ചത്​ 16,400 ക്ലെയിമുകളാണ്​. കഴിഞ്ഞവർഷം സമാന സമയമുണ്ടായത്​ 6500 ക്ലെയിമുകളാണ്​. 2.18 ദശലക്ഷം റിയാലാണ്​ ഈ വിഭാഗത്തിൽ നഷ്​ടപരിഹാരമായി നൽകിയത്​. വലിയ അപകടങ്ങളുടെ വിഭാഗത്തിൽ ചികിത്സ ചെലവ്​ അടക്കം 3340 ക്ലെയിമുകൾ ലഭിച്ചു. 1.31 ദശലക്ഷം റിയാൽ ഈ വിഭാഗത്തിൽ നഷ്​ടപരിഹാരം നൽകിയതായും റിപ്പോർട്ടിൽ പറയുന്നു. മരണങ്ങൾ സംഭവിച്ച അപകടങ്ങൾക്കായി 183 ക്ലെയിമുകളും ലഭിച്ചു. 1.87 ലക്ഷം റിയാലാണ്​ ഈയിനത്തിൽ നഷ്​ടപരിഹാരം നൽകിയത്​. കഴിഞ്ഞ വർഷം രണ്ടാം പാദത്തിൽ ഇത്​ 95,000 റിയാലായിരുന്നു.