വാഹനാപകടത്തെ തുടര്‍ന്ന് അബോധാവസ്ഥയിലായിരുന്ന പ്രവാസി നാട്ടില്‍ മരിച്ചു

മസ്കത്ത്: വാഹനാപകടത്തെ തുടര്‍ന്ന് അബോധാവസ്ഥയിലായിരുന്ന പ്രവാസി നാട്ടില്‍ മരിച്ചു. കണ്ണൂര്‍ തളിപ്പറമ്പ് സ്വദേശി സി.കെ. ഇബ്രാഹീം (42) ആണ് ചൊവ്വാഴ്ച രാവിലെ മരിച്ചത്. വാഹനാപകടത്തെ തുടര്‍ന്ന് പത്തു മാസത്തോളമായി അബോധാവസ്ഥയില്‍ ചികിത്സയിലായിരുന്നു. 
നാട്ടില്‍ അവധിക്ക് എത്തിയപ്പോഴാണ് വാഹനാപകടം ഉണ്ടായത്. ഭാര്യ: പഴയപുരയില്‍ സുബൈദ. മക്കള്‍: ഇര്‍ഫാന, ഇര്‍ഷാദ്, നഫീസ. ഇബ്രാഹീമിന്‍െറ വിയോഗത്തില്‍ മസ്കത്ത് കെ.എം.സി.സി തളിപ്പറമ്പ് മുന്‍സിപ്പല്‍ കമ്മിറ്റി ഭാരവാഹികളായ ഉമ്മര്‍ പി.പി, ഷാജഹാന്‍ കെ.എസ്, കായക്കൂല്‍ മുഹമ്മദ് കുഞ്ഞി എന്നിവര്‍ അനുശോചനം രേഖപ്പെടുത്തി.