പി.എം ഫൗണ്ടേഷന്‍ ടാലന്‍റ് സെര്‍ച്ച് പരീക്ഷ: ഇന്നും കൂടി അപേക്ഷിക്കാം

മസ്കത്ത്: എസ്.എസ്.എല്‍.സി പരീക്ഷക്ക് മുഴുവന്‍ വിഷയത്തിലും എ പ്ളസ്/എ വണ്‍ നേടിയ വിദ്യാര്‍ഥികള്‍ക്കായി നടത്തുന്ന പി.എം ഫൗണ്ടേഷന്‍ ടാലന്‍റ് സെര്‍ച്ച് പരീക്ഷക്ക് ചൊവ്വാഴ്ച വരെ അപേക്ഷിക്കാം. www.pmfonline.org എന്ന വെബ്സൈറ്റിലൂടെയാണ് അപേക്ഷിക്കേണ്ടത്. എല്ലാ ജി.സി.സി രാജ്യങ്ങളിലും പരീക്ഷാ കേന്ദ്രങ്ങളുണ്ടാകും. 
പൊതുവിജ്ഞാനം, വിശകലനം, അടിസ്ഥാന വിഷയങ്ങളിലുള്ള പരിജ്ഞാനം എന്നീ മേഖലകളില്‍ വിദ്യാര്‍ഥികളുടെ മാറ്റുനോക്കുന്ന രണ്ടുമണിക്കൂര്‍ പരീക്ഷയാണിത്.  ശരിയുത്തരം തെരഞ്ഞെടുക്കേണ്ട 120 ചോദ്യങ്ങളാണുണ്ടാവുക. ഇതില്‍ നിശ്ചിത മാര്‍ക്ക് നേടുന്ന കുട്ടികള്‍ക്കെല്ലാം ‘അവാര്‍ഡ് ഓഫ് എക്സലന്‍സ്’ സര്‍ട്ടിഫിക്കറ്റും സമ്മാനങ്ങളും നല്‍കും. ഇവരില്‍ മികവ് കാട്ടിയവര്‍ക്ക് അഭിമുഖത്തിന് അവസരം ലഭിക്കും.

ഇതില്‍നിന്ന് പത്തുപേരെ തെരഞ്ഞെടുത്ത് ഫെല്ളോഷിപ് നല്‍കി ആദരിക്കും. ട്രോഫി, മെമന്‍േറാ, പുസ്തകങ്ങള്‍, പഠനസഹായികള്‍ തുടങ്ങിയവ ഇവര്‍ക്ക് സമ്മാനിക്കും. മാത്രമല്ല, പരമാവധി അഞ്ചുവര്‍ഷമോ പഠനം തുടരുന്നതുവരെയോ സാമ്പത്തിക സഹായവും മറ്റു അക്കാദമിക് സഹായവും പി.എം ഫൗണ്ടേഷന്‍ നല്‍കും. ഇത്തരം ഫെല്ളോകളുടെ കൂട്ടായ്മയുണ്ടാക്കി അവര്‍ക്ക് സമയാസമയം ആവശ്യമായ പരിശീലനവും നിര്‍ദേശങ്ങളും നല്‍കുന്നുണ്ട്. ഇത് തുടര്‍ച്ചയായി രണ്ടാം വര്‍ഷമാണ്  ഈ പരീക്ഷ ഗള്‍ഫില്‍ നടത്തുന്നത്. 2003ല്‍ തുടങ്ങിയ ഈ പദ്ധതിവഴി സഹായം ലഭിച്ച നിരവധി പേര്‍ മികച്ച തൊഴില്‍മേഖലകളിലെ ഉന്നത സ്ഥാനങ്ങളിലത്തെിയിട്ടുണ്ട്.  സിവില്‍ സര്‍വിസ് ഉദ്യോഗസ്ഥരും  ഡോക്ടര്‍മാരും എന്‍ജിനീയര്‍മാരും ശാസ്ത്രജ്ഞന്മാരും ചാര്‍ട്ടേഡ് അക്കൗണ്ടന്‍റുമാരും മാനേജ്മെന്‍റ് വിദഗ്ധരും ഇക്കൂട്ടത്തിലുണ്ട്. ഇവര്‍ പുതുതായി വരുന്ന ഫെല്ളോകളെ സഹായിക്കാന്‍ സന്നദ്ധത പ്രകടിപ്പിക്കുന്നുണ്ട്. ഐ.ഐ.ടി, ഐ.ഐ.എം, എയിംസ്, ടിസ്സ് ഉള്‍പ്പെടെ ഇന്ത്യയിലെ 40 മികച്ച സ്ഥാപനങ്ങളില്‍ പഠിക്കുന്ന മിടുക്കര്‍ക്ക് വിദ്യഭ്യാസ സഹായം നല്‍കുന്ന സെന്‍റര്‍ ഓഫ് എക്സലന്‍സ് പദ്ധതിയും പി.എം ഫൗണ്ടേഷന്‍െറ കീഴില്‍ നടക്കുന്നുണ്ട്. ഇവിടങ്ങളില്‍ പഠിക്കാന്‍ ബാങ്ക് വായ്പ ലഭിക്കുമെങ്കിലും താമസത്തിനും ഭക്ഷണത്തിനും വലിയ ചെലവ് വരുന്ന സാഹചര്യത്തിലാണ് ഇങ്ങനെയൊരു പദ്ധതിക്ക് പി.എം ഫൗണ്ടേഷന്‍ തുടക്കം കുറിച്ചത്. 75,000 രൂപയാണ് വര്‍ഷം നല്‍കുന്നത്. പ്രമുഖ പ്രവാസി വ്യവസായിയായ ഗള്‍ഫാര്‍ മുഹമ്മദലി കാല്‍നൂറ്റാണ്ട് മുമ്പ് സ്ഥാപിച്ച പി.എം ഫൗണ്ടേഷന്‍െറ ആഭിമുഖ്യത്തില്‍ കോഴിക്കോട് ഫാറൂഖ് കോളജില്‍ സിവില്‍ സര്‍വിസ് ഇന്‍സ്റ്റിറ്റ്യൂട്ടും മട്ടാഞ്ചേരിയില്‍ പാവപ്പെട്ട കുട്ടികള്‍ക്കായി പ്രവേശപരീക്ഷാ പരിശീലന കേന്ദ്രവും കൊച്ചിയില്‍ ചാര്‍ട്ടേഡ് അക്കൗണ്ടന്‍റ് പരിശീലന കേന്ദ്രവും പ്രവര്‍ത്തിക്കുന്നുണ്ട്. 

അപേക്ഷിക്കേണ്ടത് എങ്ങനെ?
www.pmfonline.org എന്ന വെബ്സൈറ്റ് തുറക്കുക-ഹോം പേജില്‍ ‘ടാലന്‍റ് സര്‍ച്ച് എക്സാമിനേഷന്‍-2016’ എന്ന ലിങ്കില്‍ പ്രവേശിക്കുക-‘ഗള്‍ഫ് ’ തെരഞ്ഞെടുക്കുക.- അപേക്ഷ പൂരിപ്പിക്കും മുമ്പ് നിര്‍ദേശങ്ങള്‍ ശരിക്കും വായിക്കുക-തുടര്‍ന്ന് ‘അപൈ്ള നൗ’ ക്ളിക് ചെയ്യുക. 
ഇപ്പോള്‍ നിങ്ങള്‍ക്ക് അപേക്ഷാ ഫോറം കാണാം. ഓരോ കോളവും സൂക്ഷിച്ച് പൂരിപ്പിക്കുക. എഴുതിയ പരീക്ഷ, തെരഞ്ഞെടുക്കുന്ന പരീക്ഷാകേന്ദ്രം, വ്യക്തിഗത വിവരങ്ങള്‍, യോഗ്യതാ പരീക്ഷയുടെ രജിസ്റ്റര്‍ നമ്പര്‍ (സി.ബി.എസ്.ഇക്കാര്‍ക്ക് ഹാള്‍ടിക്കറ്റ് നമ്പര്‍) തുടങ്ങിയ വിവരങ്ങളാണ് നല്‍കേണ്ടത്. 
തുടര്‍ന്ന്, പാസ്പോര്‍ട്ട്  സൈസ് ഫോട്ടോ അപ്ലോഡ് ചെയ്യുക (50 കെ.ബിയില്‍ കൂടരുത്)-മാര്‍ക് ലിസ്റ്റ് അപ്ലോഡ് ചെയ്യുക (500 കെ.ബിയില്‍ കൂടരുത്)-അവസാനം കാണിക്കുന്ന സെക്യൂരിറ്റി കോഡ് അതുപോലെ ചേര്‍ക്കുക-എല്ലാ കോളങ്ങളും നിര്‍ബന്ധമായും പൂരിപ്പിക്കണം-നല്ലവണ്ണം ഒരിക്കല്‍കൂടി പരിശോധിച്ച ശേഷം മാത്രം ‘സബ്മിറ്റ്’ ചെയ്യുക. അതിനുശേഷം ഇതിന്‍െറ പ്രിന്‍റൗട്ട് എടുത്തു സൂക്ഷിക്കുക. 
ഇതില്‍ നിങ്ങളുടെ അപേക്ഷാ നമ്പറുണ്ടാകും. അപേക്ഷ സമര്‍പ്പിച്ചയുടന്‍ നിങ്ങളുടെ ഇ-മെയിലിലേക്ക് സന്ദേശമത്തെും. അപേക്ഷയുടെ നിജസ്ഥിതി അറിയാന്‍ നിങ്ങള്‍ക്ക് അപേക്ഷാനമ്പര്‍ ഉപയോഗിച്ച് ലോഗിന്‍ ചെയ്യാം. ഒക്ടോബര്‍ എട്ടിന് വിവിധ ഗള്‍ഫ് രാജ്യങ്ങളിലായി പരീക്ഷ നടക്കും.