പെട്രോളിനും ഡീസലിനും  ഇന്നുമുതൽ വില കുറയും

മസ്കത്ത്: രാജ്യത്ത് ഇന്നുമുതൽ പെട്രോളിനും ഡീസലിനും വില കുറയുമെന്ന് എണ്ണ, പ്രകൃതി വാതക മന്ത്രാലയം. എം95 ​െൻറയും എം 91 ഗ്രേഡ് പെട്രോളി​െൻറയും വിലയിൽ ആറു ബൈസയുടെ വീതം കുറവാണ് വരുത്തിയിരിക്കുന്നത്. 
ഡീസൽ വിലയിൽ എട്ടു ബൈസയുടെയും കുറവു വരുത്തി. മൂന്നു മാസത്തിനിടെ ഇതാദ്യമായാണ് ഇന്ധനവിലയിൽ സർക്കാർ കുറവ് വരുത്തുന്നത്. ക്രൂഡോയിലിന് അന്താരാഷ്ട്ര വിപണിയിൽ വില കുറഞ്ഞതി​െൻറ ഫലമായാണ് ഇന്ധനവിലയിൽ കുറവുവരുത്തിയത്. എം 95 ലിറ്ററിന് 192 ബൈസയാണ് ഇന്നുമുതൽ നൽകേണ്ടത്. എം 91ന് 180 ബൈസയും ഡീസലിന് 200 ബൈസയും നൽകണം. കഴിഞ്ഞമാസം എം95ന് 198 ബൈസയും ഡീസലിന് 208 ബൈസയുമായിരുന്നു വില. എം91​െൻറ വിലയാകെട്ട മന്ത്രിസഭാ കൗൺസിലി​െൻറ ഉത്തരവ് പ്രകാരം ഫെബ്രുവരിയിലെ വിലയായ 186 ബൈസയിൽ നിജപ്പെടുത്തിയിരിക്കുകയായിരുന്നു. 2016 ജനുവരിയിൽ ഇന്ധന വിലനിയന്ത്രണം നീക്കിയ ശേഷം പെട്രോളിനും ഡീസലിനും രേഖപ്പെടുത്തിയ ഏറ്റവും ഉയർന്ന വിലയായിരുന്നു കഴിഞ്ഞമാസം. വിലയിൽ വരുത്തിയ ചെറിയ കുറവ് പണെപ്പരുപ്പത്തിന് ആശ്വാസമാകുമെന്നും ചൂണ്ടിക്കാണിക്കപ്പെടുന്നു. ഇന്ധനവിലയിലെ വർധനവി​െൻറ ഫലമായി പണെപ്പരുപ്പം വർധിക്കുന്ന കാഴ്ചക്ക് കഴിഞ്ഞ മാസങ്ങൾ സാക്ഷ്യം വഹിച്ചിരുന്നു. ഏറ്റവും ഒടുവിലത്തെ കണക്കനുസരിച്ച് ഫെബ്രുവരിയിലെ പണപ്പെരുപ്പത്തിൽ 2.38 ശതമാനത്തി​െൻറ വർധന രേഖപ്പെടുത്തിയിരുന്നു. 
ഉപ വിഭാഗങ്ങളുടെ കണക്കെടുക്കുേമ്പാൾ 9.33 ശതമാനം ഉയർന്ന ഗതാഗത ചെലവാണ് പണപ്പെരുപ്പത്തിലെ വർധനക്ക് പ്രധാന കാരണമായത്. പഴങ്ങളുടെയും പച്ചക്കറികളുടെയും വിലയിലെ കുറവാണ് ഫെബ്രുവരിയിൽ പണപ്പെരുപ്പം പിടിച്ചുനിർത്തിയത്. എം95 ഗ്രേഡ് പെട്രോളി​െൻറ ഉയർന്ന വില നിമിത്തം എം91 ഉപയോഗിക്കുന്നവരുടെ എണ്ണം വർധിക്കുന്നതായും കണക്കുകൾ പറയുന്നു. 
ഫെബ്രുവരിയിൽ എം91​െൻറ വിൽപന മുൻ വർഷത്തെ അപേക്ഷിച്ച് 52 ശതമാനമാണ് വർധിച്ചത്. എം95​െൻറ വിൽപനയാകെട്ട 13 ശതമാനം താഴ്ന്നതായും എണ്ണ,പ്രകൃതി വാതക മന്ത്രാലയത്തി​െൻറ ഒടുവിലത്തെ കണക്കുകൾ വ്യക്തമാക്കുന്നു.