ബാത്തിന തീരദേശ റോഡ്: കുടിയിറക്കപ്പെട്ടവർക്ക്​ 2,200 വീടുകൾ കൈമാറി

മ​സ്ക​ത്ത്​: ബാ​ത്തി​ന തീ​ര​ദേ​ശ​റോ​ഡ്​ പ​ദ്ധ​തി​യു​മാ​യി കു​ടി​യി​റ​ക്ക​പ്പെ​ട്ട​വ​ർ​ക്ക്​ 2,200 വീ​ടു​ക​ൾ കൈ​മാ​റി​യ​താ​യി ഭ​വ​ന, ന​ഗ​രാ​സൂ​ത്ര​ണ മ​ന്ത്രാ​ല​യ​ത്തി​ലെ ഉ​ദ്യോ​ഗ​സ്ഥ​ൻ അ​റി​യി​ച്ചു.

വ​ട​ക്ക്​-​തെ​ക്ക്​ ബാ​ത്തി​ന ഗ​വ​ർ​ണ​റേ​റ്റു​ക​ളി​ലെ സു​വൈ​ഖ്​ വി​ലാ​യ​ത്തി​ൽ 498, ഖ​ബൂ​റ​യി​ൽ 350, ഷി​നാ​സി​ൽ 201, സു​ഹാ​റി​ൽ 300, മു​സ​ന്ന​യി​ൽ 250, ബ​ർ​ക​യി​ൽ 200, സ​ഹ​മി​ൽ 400 എ​ന്നി​ങ്ങ​നെ​യാ​ണ് മ​​ന്ത്രാ​ല​യം വീ​ടു​ക​ൾ കൈ​മാ​റ്റം പൂ​ർ​ത്തി​യാ​ക്കി​യ​ത്. ന​ഷ്ട​പ്പെ​ടു​ന്ന വീ​ടി​ന്​​ പ​ക​രം പ​ണം, അ​ല്ലെ​ങ്കി​ൽ മ​റ്റൊ​രു ഭ​വ​നം എ​ന്നി​ങ്ങ​നെ ര​ണ്ടു ത​ര​ത്തി​ലാ​യി​രു​ന്നു ന​ഷ്ട​പ​രി​ഹാ​രം ന​ൽ​കി​യി​രു​ന്ന​ത്. തീ​ര​ദേ​ശ റോ​ഡ് പ​ദ്ധ​തി​യി​ൽ നാ​ശ​ന​ഷ്ട​മു​ണ്ടാ​യ വീ​ടു​ക​ളു​ടെ ഉ​ട​മ​സ്ഥ​ർ​ക്ക്​ ഇ​തി​ൽ​നി​ന്ന്​ ഇ​ഷ്ട​മു​ള്ള​ത്​ സ്വീ​ക​രി​ക്കാ​മാ​യി​രു​ന്നു. ഇ​തി​ന്‍റെ അ​ടി​സ്ഥാ​ന​ത്തി​ലാ​യി​രു​ന്നു ന​ഷ്ട​പ​രി​ഹാ​ര​ങ്ങ​ൾ ന​ൽ​കി​യി​രു​ന്ന​ത്.

വ​ട​ക്ക​ൻ ബാ​ത്തി​ന​യി​ലെ കൃ​ഷി​യി​ട​ങ്ങ​ൾ​ക്കു​ള്ള ന​ഷ്ട​പ​രി​ഹാ​ര വി​ത​ര​ണ​വും മ​ന്ത്രാ​ല​യം പൂ​ർ​ത്തി​യാ​ക്കി​യി​ട്ടു​ണ്ട്. പ​ദ്ധ​തി​യു​ടെ ഭാ​ഗ​മാ​യി സു​വൈ​ഖി​ൽ 94 ശ​ത​മാ​നം ക​ർ​ഷ​ക​ർ​ക്കും ഭൂ​മി ന​ഷ്ട​മാ​യി. സു​ഹാ​റി​ൽ 82 ശ​ത​മാ​നം, സ​ഹം 93, ശി​നാ​സ്​ 53, ഖാ​ബൂ​റ 91, ലി​വ​യി​ൽ 62 ശ​ത​മാ​നം ക​ർ​ഷ​ക​ർ​ക്കും പു​തി​യ പ​ദ്ധ​തി​യു​​ടെ ഭാ​ഗ​മാ​യി ഭൂ​മി ന​ഷ്ട​പ്പെ​ട്ടി​രു​ന്നു.

എ​ന്നാ​ൽ, ഈ ​ക​ർ​ഷ​ക​ർ​ക്കെ​ല്ലാം ബ​ദ​ൽ കൃ​ഷി​ഭൂ​മി കൈ​മാ​റി​യി​ട്ടു​​​ണ്ടെ​ന്നും അ​ധി​കൃ​ത​ർ അ​റി​യി​ച്ചു. തെ​ക്ക​ൻ ബാ​ത്തി​ന​യി​ലെ മു​സ​ന്ന​യി​ലെ​യും ബ​ർ​ക്ക​യി​ലെ​യും ക​ർ​ഷ​ക​ർ​ക്കും ​ ബ​ദ​ൽ കൃ​ഷി​ഭൂ​മി ന​ൽ​കി​യി​ട്ടു​ണ്ട്. പ​ദ്ധ​തി​യെ തു​ട​ർ​ന്ന്​ പൊ​ളി​ച്ചു​മാ​റ്റി​യ ഹൗ​സി​ങ്​ യൂ​നി​റ്റു​ക​ളു​ടെ മാ​ലി​ന്യ​ങ്ങ​ൾ നീ​ക്കം ചെ​യ്യു​ന്ന ന​ട​പ​ടി പു​രോ​ഗ​മി​ക്കു​ക​യാ​ണെ​ന്ന് മ​ന്ത്രാ​ല​യ ഉ​ദ്യോ​ഗ​സ്ഥ​ർ പ​റ​ഞ്ഞു.