ത്രീജി മൊബൈൽ സേവനം ഘട്ടംഘട്ടമായി നിർത്തും
text_fieldsമസ്കത്ത്: രാജ്യത്തെ മൂന്നാം തലമുറ (ത്രീ ജി) മൊബൈൽ സേവനങ്ങൾ ഘട്ടം ഘട്ടമായി നിർത്താൻ ടെലികമ്യൂണിക്കേഷൻ റെഗുലേറ്ററി അതോറിറ്റി. ലൈസൻസുള്ള ടെലികമ്യൂണിക്കേഷൻ ദാതാക്കളുമായി സഹകരിച്ചു നടത്തുന്ന നിർത്തലാക്കൽ പദ്ധതി ജൂലൈ മുതൽ ആരംഭിക്കും.
ടെലികമ്യുണിക്കേഷൻ ഓഫറുകൾ ഒപ്റ്റിമൈസ് ചെയ്യുക, സ്പെക്ട്രം വിഭവങ്ങൾ കാര്യക്ഷമമായി വിനിയോഗിക്കുക, സേവന നിലവാരം വർധിപ്പിക്കുന്നതിന് അത്യാധുനിക സാങ്കേതികവിദ്യകളിൽ നിക്ഷേപിക്കുക എന്നിവയാണ് ഇതിലൂടെ ലക്ഷ്യമിടുന്നത്. ടെലികമ്യൂണിക്കേഷനിൽ ആധുനിക സാങ്കേതിക വിദ്യകളുടെ വർധിച്ചുവരുന്ന പ്രാധാന്യവും ആഗോള സാങ്കേതിക മുന്നേറ്റങ്ങളുമായി പൊരുത്തപ്പെടുന്നതിന് ലഭ്യമായ വിഭവങ്ങൾ ഫലപ്രദമായി ഉപയോഗിക്കേണ്ടതിന്റെയും ഭാഗമായാണ് ഇത്തരം ഒരു നീക്കത്തിന് അധികൃതർ ഒരുങ്ങിയിരികുന്നത്.
കാര്യക്ഷമത കുറഞ്ഞ നെറ്റ്വർക്കുകൾ ഘട്ടംഘട്ടമായി ഇല്ലാതാകുന്നതിനാൽ, വരിക്കാർക്ക് മെച്ചപ്പെട്ട സേവന നിലവാരവും നൂതനവും നെറ്റ്വർക്കുകൾക്കൊപ്പം മികച്ച ഉപയോക്തൃ അനുഭവവും പ്രതീക്ഷിക്കാം.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.