50 ആകാശ വർഷങ്ങൾ

മ​സ്ക​ത്ത്​: വ്യോ​മ ഗ​താ​ഗ​ത മേ​ഖ​ല​യി​ൽ രാ​ജ്യ​ത്തി​ന്‍റെ അ​ഭി​മാ​നസ്തം​ഭ​മാ​യ മ​സ്ക​ത്ത്​ അ​ന്താ​രാ​ഷ്ട്ര വി​മാ​ന​ത്താ​വ​ളം 50ാം വാ​ർ​ഷി​ക​ത്തി​ന്‍റെ നി​റ​വി​ൽ. ആ​ദ്യ കാ​ല​ത്ത്​ സീ​ബ് എ​യ​ർ​പോ​ർ​ട്ടെ​ന്ന പേ​രി​ലാ​യി​രു​ന്നു വി​മാ​ന​ത്താ​വ​ളം അ​റി​യ​പ്പെ​ട്ടി​രു​ന്ന​ത്. ഇ​തി​ലൊ​രു പാ​സ​ഞ്ച​ർ ടെ​ർ​മി​ന​ൽ കെ​ട്ടി​ടം, റ​ൺ​വേ, ചെ​റി​യ കാ​ർ​ഗോ, മെ​യി​ന്റ​ന​ൻ​സ് സൗ​ക​ര്യ​ങ്ങ​ൾ എ​ന്നി​വ​യാ​യി​രു​ന്നു ഉ​ണ്ടാ​യി​രു​ന്ന​ത്.

നെ​ത​ർ​ല​ൻ​ഡ്‌​സ് എ​യ​ർ​പോ​ർ​ട്ട് ക​ൺ​സ​ൾ​ട്ട​ൻ​സി ക​മ്പ​നി​ക്കായി​രു​ന്നു എ​യ​ർ​പോ​ർ​ട്ടി​ന്‍റെ ഡി​സൈ​ൻ ക​രാ​റും നി​ർ​മാ​ണ​ത്തി​ന്റെ മേ​ൽ​നോ​ട്ടം വ​ഹി​ക്കാ​നു​ള്ള ഉ​ത്ത​ര​വാ​ദി​ത്ത​വും ന​ൽ​കി​യി​രു​ന്ന​ത്. റ​ൺ​വേ, ടാ​ക്സി​വേ​ക​ൾ, എ​യ​ർ​ക്രാ​ഫ്റ്റ് സ്റ്റാ​ൻ​ഡു​ക​ൾ എ​ന്നി​വ നി​ർ​മി​ക്കാ​നു​ള്ള ടെ​ൻ​ഡ​ർ ജോ​നൗ ആ​ൻ​ഡ്​ പാ​ര​സ്കെ​വൈ​ഡ്സ് ലി​മി​റ്റ​ഡി​നും ല​ഭി​ച്ചു. റ​ൺ​വേ, പാ​സേ​ജ് വേ​ക​ൾ, എ​യ​ർ​ക്രാ​ഫ്റ്റ് ബെ​ർ​ത്തു​ക​ൾ എ​ന്നി​വ​യു​ടെ നി​ർ​മാണ​മാ​യി​രു​ന്നു വി​മാ​ന​ത്താ​വ​ള​ത്തി​ന്റെ ആ​ദ്യ ഘ​ട്ട​ത്തി​ൽ ഉ​​ൾ​പ്പെ​ട്ടി​രു​ന്ന​ത്.

ആ​ദ്യഘ​ട്ടനി​ർ​മാ​ണ​ങ്ങ​ൾ പൂ​ർ​ത്തി​യാ​ക്കി 1973 ജ​നു​വ​രി ഒ​ന്നി​നാ​ണ്​ സീ​ബ് അ​ന്താ​രാ​ഷ്ട്ര വി​മാ​ന​ത്താ​വ​ളം പ്ര​വ​ർ​ത്ത​ന​ത്തി​നാ​യി തു​റ​ക്കു​ന്ന​ത്. ഡി​സം​ബ​ർ 23ന്​ ​ ​ഔ​ദ്യോ​ഗി​ക​മാ​യി സ​മ​ർ​പ്പി​ക്കു​ക​യും ചെ​യ്തു. ഇ​തി​നു​ മു​ന്നോ​ടി​യാ​യി സെ​പ്തം​ബ​ർ 23ന് ​അ​ന്ന​ത്തെ ഭ​ര​ണാ​ധി​കാ​രി​യാ​യി​രു​ന്ന സു​ൽ​ത്താ​ൻ ഖാ​ബൂ​സ്​ ബി​ൻ സ​ഈ​ദ്​ വി​മാ​ന​ത്താ​വ​ള​ത്തി​ലെ​ത്തി പ​രി​ശോ​ധ​ന​ക​ൾ ന​ട​ത്തു​ക​യും ചെ​യ്തി​രു​ന്നു.

സീ​ബ് അ​ന്താ​രാ​ഷ്ട്ര വി​മാ​ന​ത്താ​വ​ള​ത്തി​ലി​റ​ങ്ങി​യ ഒ​മാ​നി ര​ജി​സ്ട്രേ​ഷ​നു​ള്ള ആ​ദ്യ വി​മാ​നം പ​രേ​ത​നാ​യ സു​ൽ​ത്താ​ൻ ഖാ​ബൂ​സി​ന്‍റെ സ്വ​കാ​ര്യ വി​മാ​ന​മാ​യി​രു​ന്നു. 2007 അ​വ​സാ​ന​ത്തോ​ടെ വി​പു​ലീ​ക​ര​ണ പ്ര​വ​ർ​ത്ത​ന​ങ്ങ​ൾ ന​ട​ത്തി​യ​തോ​ടെ കൂ​ടു​ത​ൽ സൗ​ക​ര്യ​ങ്ങ​ൾ കൈ​വ​രി​ക്കു​ക​യും ചെ​യ്തു. 2008 ഫെ​ബ്രു​വ​രി ഒ​ന്നി​നാ​ണ് സീ​ബ് ഇ​ന്റ​ർ​നാ​ഷ​നൽ എ​യ​ർ​പോ​ർ​ട്ട്​ എ​ന്ന​​പേ​രി​ൽ മ​സ്‌​ക​ത്ത്​ അ​ന്താ​ര​ഷ്ട്ര​ വി​മാ​ന​ത്താ​വ​ള​മാ​ക്കി മാ​റ്റു​ന്ന​ത്.

2018ൽ ​വി​മാ​ന​ത്താ​വ​ള​ത്തി​ൽ പു​തി​യ റ​ൺ​വേ​ക്കൊ​പ്പം പു​തി​യ ടെ​ർ​മി​ന​ലും ക​ൺ​ട്രോ​ൾ ട​വ​റും നി​ർ​മി​ച്ചു. നി​ല​വി​ൽ സ്വ​കാ​ര്യ ജെ​റ്റു​ക​ൾ​ക്കാ​യു​ള്ള വി.​ഐ.​പി ടെ​ർ​മി​ന​ലും ഓ​ൺ​സൈ​റ്റ് എ​യ​ർ​പോ​ർ​ട്ട് ഹോ​ട്ട​ലും ഉ​ൾ​പ്പെ​ടു​ന്നു​ണ്ട്.എ​യ​ർ​പോ​ർ​ട്ട് കൗ​ൺ​സി​ൽ ഇ​ന്റ​ർ​നാ​ഷ​നലി​ന്റെ ക​ണ​ക്ക​നു​സ​രി​ച്ച്, മ​സ്‌​ക​ത്ത്​ ഇ​ന്റ​ർ​നാ​ഷ​നൽ എ​യ​ർ​പോ​ർ​ട്ട് സേ​വ​ന​ങ്ങ​ളു​ടെ​യും യാ​ത്ര​ക്കാ​രു​ടെ സം​തൃ​പ്തി​യു​ടെ​യും മേ​ഖ​ല​യി​ൽ ലോ​ക​ത്തി​ലെ ഏ​റ്റ​വും മി​ക​ച്ച വി​മാ​ന​ത്താ​വ​ള​ങ്ങ​ളു​ടെ പ​ട്ടി​ക​യി​ൽ പ​ത്താം സ്ഥാ​ന​ത്താ​ണ്.

പോ​ർ​ചുഗ​ലി​ലെ ലി​സ്ബ​ണി​ൽ ന​ട​ന്ന വേ​ൾ​ഡ് ട്രാ​വ​ൽ അ​വാ​ർ​ഡ് വേ​ള​യി​ൽ 2018 ലെ ​ഏ​റ്റ​വും മി​ക​ച്ച പു​തി​യ മു​ൻ​നി​ര വി​മാ​ന​ത്താ​വ​ള​മാ​യി മ​സ്ക​ത്തി​​നെ തി​ര​ഞ്ഞെ​ടു​ത്തി​രു​ന്നു. നി​ല​വി​ൽ 35 വി​മാ​ന​ക്ക​മ്പ​നി​ക​ളാ​ണ് വി​മാ​ന​ത്താ​വ​ള​ത്തി​ൽ​നി​ന്നു സ​ർ​വി​സ് ന​ട​ത്തു​ന്ന​ത്. ലോ​ക​ത്തെ ഏ​റ്റ​വും വ​ലി​യ വി​മാ​ന യാ​ത്ര​ക്കാ​രു​ടെ അ​വ​കാ​ശ സം​ഘ​ട​ന​യാ​യ ‘എ​യ​ർ​ഹെ​ൽ​പ്പി’​ന്‍റെ റേ​റ്റി​ങ്ങി​ൽ തി​ള​ക്ക​മാ​ർ​ന്ന നേ​ട്ടം മ​സ്ക​ത്ത്​ അ​ന്താ​രാ​ഷ്ട്ര വി​മാ​ന​ത്താ​വ​ളം അ​ടു​ത്തി​ടെ സ്വ​ന്ത​മാ​ക്കി​യി​രു​ന്നു.

വി​മാ​ന​ത്താ​വ​ള വി​ഭാ​ഗ​ങ്ങ​ളി​ൽ ആ​ഗോ​ള​ത​ല​ത്തി​ൽ ഒ​ന്നാം സ്ഥാ​ന​മാ​ണ്​ മ​സ്ക​ത്ത്​ എ​യ​ർ​പോ​ർ​ട്ട്​ നേ​ടി​യ​ത്. കൃ​ത്യ​നി​ഷ​ഠ​ത​ക്ക്​ 8.4, ഉ​പ​ഭോ​ക്തൃ അ​ഭി​പ്രാ​യം 8.7, ഷോ​പ്പു​ക​ൾ​ക്ക് 8.9 എ​ന്നി​ങ്ങ​നെ​യാ​ണ് മ​സ്‌​ക​ത്ത്​ നേ​ടി​യ സ്‌​കോ​ർ. ആ​ഗോ​ള​ത​ല​ത്തി​ലു​ള്ള എ​യ​ർ​പോ​ർ​ട്ടു​ക​ളു​ടെ പ്ര​ക​ട​നം വി​ല​യി​രു​ത്തി​യാ​യി​രു​ന്നു​ എ​യ​ർ​ഹെ​ൽ​പ്പ് ഈ ​സ്​​കോ​ർ ന​ൽ​കി​യ​ത്.

ഓ​രോ​ സ​മ​യ​ത്തും ആ​ധു​നി​ക സാ​​ങ്കേ​തി​ക വി​ദ്യ​ക​ള​ട​ക്കം ഒ​രു​ക്കി വി​മാ​ന​ത്താ​വ​ള​ത്തി​ന്‍റെ പ്ര​വ​ർ​ത്ത​ന​ങ്ങ​ൾ ലോ​ക​ത്തി​ന്‍റെ മു​ൻ​നി​ര​യി​ൽ എ​ത്തി​ക്കാ​ൻ അ​ധി​കൃ​ത​ർ പ​രി​ശ്ര​മി​ക്കു​ക​യും ചെ​യ്തു. വി​മാ​ന​ത്താ​വ​ള​ത്തി​ൽ മു​ഖം​കൊ​ണ്ടു തി​രി​ച്ച​റി​യു​ന്ന പു​തി​യ ഇ-ഗേ​റ്റ് ഉ​ട​ൻ പ്ര​വ​ർ​ത്ത​ന​മാ​രം​ഭി​ക്കും. ഇ​തി​നാ​യു​ള്ള പ്ര​വ​ർ​ത്ത​ന​ങ്ങ​ൾ ന​ട​ന്നു​വ​രുക​യാ​ണ്. ആ​ഗ​മാ​ന, ഡി​പ്പാ​ർ​ച്ച​ർ വി​ഭാ​ഗ​ങ്ങ​ളി​ലാ​യി ഇ​ത്ത​രം 18 ഗേ​റ്റു​ക​ൾ സ്ഥാ​പി​ച്ചി​ട്ടു​ണ്ട്. മ​റ്റു നി​ര​വ​ധി സാ​ങ്കേ​തി​ക​വി​ദ്യ​യും വ​രും ദി​വ​സ​ങ്ങ​ളി​ൽ വി​മാ​ന​ത്താ​വ​ള​ത്തി​ൽ സ​ജ്ജ​മാ​ക്കു​ന്നു​ണ്ടെ​ന്ന്​ അ​ധി​കൃ​ത​ർ അ​റി​യി​ച്ചു.

2008ൽ ​പ​ഴ​യ വി​മാ​ന​ത്താ​വ​ള​ത്തി​ലാ​ണ് ആ​ദ്യ​ത്തെ ഇ​-ഗേ​റ്റ് ആ​രം​ഭി​ച്ച​ത്. ഇ ​ഗേ​റ്റു​ക​ൾ നി​ല​വി​ൽ വ​ന്ന​തോ​ടെ യാ​ത്ര​യേ​റെ സു​ഖ​മാമാവു​ക​യും പാ​സ്പോ​ർ​ട്ടി​ൽ വി​സ അ​ടി​ക്കു​ന്ന​തി​നു നീ​ണ്ട സ​മ​യം കാ​ത്തി​രി​ക്കാ​തെ എ​ളു​പ്പ​ത്തി​ൽ ഗേ​റ്റു​ക​ൾ വ​ഴി ഒ​മാ​നി​ലേ​ക്കു വ​രുക​യോ പു​റ​ത്തു പോ​വു​ക​യോ ചെ​യ്യാ​മാ​യി​രു​ന്നു. പു​ത്ത​ൻ കാ​ല​ത്ത്​ ആ​ധു​നി​ക സാ​​ങ്കേ​തി​ക​വി​ദ്യ​യ​ട​ക്ക​മു​ള്ള സൗ​