പുകയില ഉൽപന്നങ്ങളുമായി 51പേർ പിടിയിൽ

മസ്കത്ത്: പുകയില ഉൽപന്നങ്ങളുമായി അനധികൃതമായി രാജ്യത്തേക്ക് പ്രവേശിച്ച വിദേശികളെ റോയൽ ഒമാൻ പൊലീസ് അറസ്റ്റ് ചെയ്തു. നാല് സംഭവങ്ങളിലായി 51പേരാണ് പിടിയിലാകുന്നത്. ദോഫാര്‍ ഗവര്‍ണറേറ്റ് പൊലീസ് കോസ്റ്റ് ഗാര്‍ഡ് വിഭാഗം നടത്തിയ പരിശോധനയിലാണ് കടല്‍ മാര്‍ഗം നുഴഞ്ഞുകയറാന്‍ ശ്രമിച്ച സംഘങ്ങൾ പിടിയിലാകുന്നത്. വലിയ അളവിലുള്ള പുകയില കണ്ടെടുക്കുകയും ചെയ്തു. ഇവർക്കെതിരെയുളള നിയമ നടപടികൾ പൂർത്തീകരിച്ചതായി ആർ.ഒ.പി അറിയിച്ചു.