സുഹാറിൽ സ്​പെഷലിസ്​റ്റ്​ ആശുപത്രി നിർമിക്കാൻ ധാരണപത്രം ഒപ്പിട്ടു

മസ്​കത്ത്​: സുഹാർ വിലായത്തിൽ അമിതവണ്ണമുള്ളവർക്കും കുട്ടികൾക്കും ചികിത്സ ലഭ്യമാക്കുന്ന ആശുപത്രി വരുന്നു. സ്​പെഷലിസ്​റ്റ്​ ആശുപത്രി നിർമിക്കുന്നതിനായുള്ള ധാരണപത്രത്തിൽ ഒമാൻ ഇൻവെസ്​റ്റ്​മെൻറ്​ എസ്​റ്റാബ്ലിഷ്​മെൻറ്​, ഒമാൻ ഡെവലപ്​മെൻറ്​ ബാങ്ക്​, അഹ്​ലി ബാങ്ക്​, ദാവൂദ്​ കോൺട്രാക്​ടിങ്​ കമ്പനി എന്നീ സ്​ഥാപനങ്ങൾ ഒപ്പിട്ടു. ഇത്തരത്തിലുള്ള ആശുപത്രി സുഹാറിൽ ആദ്യമായാണ്​ വരുന്നത്​. 60 കിടക്കകളുള്ള ഇത്​ 2022ൽ പ്രവർത്തനമാരംഭിക്കാൻ സാധിക്കുമെന്നാണ്​ കരുതുന്നത്​.

അമാൻ ഹെൽത്ത്​ കെയർ കമ്പനിക്കാണ്​ ആശുപത്രിയുടെ നടത്തിപ്പുചുമതല. അമാൻ ഹെൽത്ത്​ കെയർ കമ്പനി മസ്​കത്തിൽ സമാന രീതിയിലുള്ള 70 കിടക്കകളോടെയുള്ള ആശുപത്രി നിർമിക്കുന്നുണ്ട്​. കുട്ടികൾക്കും സ്​ത്രീകൾക്കും കുടുംബ സൗഹൃദപരമായ അന്തരീക്ഷത്തിൽ ചികിത്സ ലഭ്യമാക്കുകയാണ്​ ഇൗ ആശുപത്രികളുടെ ലക്ഷ്യം. അത്യാധുനിക സംവിധാനങ്ങളോടെയുള്ള ആശുപത്രികളിൽ വിദഗ്​ധരായ ആരോഗ്യപ്രവർത്തകരെയാകും നിയമിക്കുകയെന്ന്​ അമൻ ഹെൽത്ത്​കെയർ കമ്പനി ഡയറക്​ടർ ബോർഡ്​ അംഗവും ഒമാൻ ഇൻവെസ്​റ്റ്​മെൻറ്​ കമ്പനി സി.ഇ.ഒയുമായ ഖലത്ത്​ ബിൻ ഗുലൂം അൽ ബലൂഷി പറഞ്ഞു.