ഒമാനിലെ കോവിഡ്​ രോഗികളിൽ 63 ശതമാനം ​േപരും വിദേശികൾ

മസ്​കത്ത്​: ഒമാനിൽ വ്യാഴാഴ്​ച വരെ വരെ കോവിഡ്​ സ്​ഥിരീകരിച്ചത്​ 1716 പേർക്ക്​. ഇതിൽ 63 ശതമാനം ​േപരും വിദേശികളാണെന ്ന്​ മന്ത്രാലയം അണ്ടർ സെക്രട്ടറി ഡോ. മുഹമ്മദ്​ ബിൻ സൈഫ്​ അൽ ഹൊസ്​നി അറിയിച്ചു.

ആശുപത്രികളിൽ ചികിത്സയിലു ള്ളത്​ 39 പേരാണ്​. ഇതിൽ ഒമ്പത്​ പേർ തീവ്ര പരിചരണ വിഭാഗത്തിലാണ്​ ഉള്ളത്​. ​െഎസോലേഷൻ/ ക്വാറ​ൈൻറൻ കേന്ദ്രങ്ങളിലായ ി 6807 പേരും ഉണ്ടെന്ന്​ മസ്​കത്തിൽ വ്യാഴാഴ്​ച നടത്തിയ ഒാൺലൈൻ വാർത്താസമ്മേളനത്തിൽ അണ്ടർ സെക്രട്ടറി പറഞ്ഞു.

ഇന്ത്യയിൽ നിന്ന്​ പത്ത്​ ലക്ഷം ഹൈഡ്രോക്​സിക്ലോറോക്വിൻ ഗുളികകൾ എത്തിക്കുന്നതിനെ കുറിച്ചുള്ള ചോദ്യത്തിൽ ആരോഗ്യ മന്ത്രാലയത്തി​​​െൻറ കൈവശം ഇൗ ഗുളിക സ്​റ്റോക്ക്​ ഉണ്ടെന്ന്​ അണ്ടർ സെക്രട്ടറി പറഞ്ഞു. ആശുപത്രികളിൽ ചികിത്സയിലുള്ളവർക്ക്​ ഇൗ ഗുളിക നൽകിയിട്ടുണ്ടെങ്കിലും കോവിഡിനുള്ള മരുന്ന്​ എന്ന നിലയിൽ ഇതി​​​െൻറ കാര്യക്ഷമതയും ഗുണവും ഉറപ്പുപറയാൻ കഴിയില്ല. ഇത്​ നൽകിയ ആർക്കും പാർശ്വ ഫലങ്ങൾ ഉണ്ടായിട്ടില്ലെന്നും അണ്ടർ സെക്രട്ടറി പറഞ്ഞു.

മത്ര വിലായത്തിലാണ്​ കൂടുതൽ രോഗബാധയും. സീബിൽ 134 പേർക്കും ബോഷറിൽ 93 പേർക്കും ഇതുവരെ കോവിഡ്​ സ്​ഥിരീകരിച്ചിട്ടുണ്ടെന്നും അണ്ടർ സെക്രട്ടറി പറഞ്ഞു. ഒമാൻ ഇതുവരെ രോഗബാധയുടെ പാരമ്യതയിൽ എത്തിയിട്ടില്ലെന്ന്​ മന്ത്രാലയത്തിലെ ഡിസീസസ്​ സർവൈലൻസ്​ വിഭാഗം ഡയറക്​ടർ ജനറൽ ഡോ.സെയ്​ഫ്​ അൽ അബ്രി പറഞ്ഞു.

ഒരാഴ്​ചയോ രണ്ടാഴ്​ചയോ ഇതിന്​ സമയമെടുക്കും. രണ്ട്​ ഗർഭിണികൾക്കും രോഗം ബാധിച്ചിട്ടുണ്ട്​. ഇവരുടെ ആരോഗ്യ നില ഭദ്രമാണ്​. രോഗപ്രതിരോധ ശേഷി ഇല്ലാത്തതിനാൽ രോഗം പൂജ്യത്തിലേക്ക്​ എത്തില്ല. പകരം പകർച്ചപ്പനി പോലെ പതുക്കെ ഇല്ലാതാവുകയേ ഉള്ളൂ. എന്നാണ്​ ഇൗ ഘട്ടത്തിലേക്ക്​ എത്തുകയെന്ന്​ പറയാൻ കഴിയില്ലെന്നും അൽ അബ്രി പറഞ്ഞു. നിലവിൽ പ്രതിദിനം രണ്ടായിരം പരിശോധനകളാണ്​ നടത്തുന്നത്​. ഇതുവരെ 29000 പേർക്ക്​ പരിശോധനകൾ നടത്തി കഴിഞ്ഞതായും അൽ അബ്രി പറഞ്ഞു.