‘ടൂ​ർ ഓ​ഫ്​ ഒ​മാ​ന്‍'​ സ​മാ​പ​നം; കി​രീ​ട​മ​ണി​ഞ്ഞ്​ ആ​ദം യേ​റ്റ്സ്

മ​സ്ക​ത്ത്​: ന​ഗ​ര​ങ്ങ​ളെ പു​ള​ക​മ​ണി​യി​ച്ച്​ ന​ട​ന്ന ‘ടൂ​ർ ഓ​ഫ്​ ഒ​മാ​ൻ’ ദീ​ര്‍ഘ​ദൂ​ര സൈ​ക്ലി​ങ്​ മ​ത്സ​ര​ത്തി​ന്‍റെ 13ാം പ​തി​പ്പി​ന്​ ഉ​ജ്ജ്വല സ​മാ​പ​നം. അ​ഞ്ചു ദി​വ​സ​ങ്ങ​ൾ നീ​ണ്ട മ​ത്സ​ര​ങ്ങ​ൾ​ക്കൊ​ടു​വി​ൽ യു.​എ.​ഇ ടീ​മി​നെ പ്ര​തി​നി​ധാ​നം ചെ​യ്ത് ബ്രി​ട്ടീഷ് സൈ​ക്ലി​സ്റ്റ് ആ​ദം യേ​റ്റ്സ് ഈ ​വ​ർ​ഷ​ത്തെ കി​രീ​ടം സ്വ​ന്ത​മാ​ക്കി. 14 മ​ണി​ക്കൂ​റും 22 മി​നി​റ്റും 30 സെ​ക്ക​ൻ​ഡും എ​ടു​ത്ത്​ അ​ഞ്ച് ക​ഠി​ന​മാ​യ ഘ​ട്ട​ങ്ങ​ളി​ലൂ​ടെ 670.7 കി​ലോ​മീ​റ്റ​ർ താ​ണ്ടി​യാ​ണ്​ ഇ​ദ്ദേ​ഹം വി​ജ​യ പ​ത​ക്കം അ​ണി​ഞ്ഞ​ത്. ലോ​ക പ്ര​ശ​സ്ത സൈ​ക്കി​ൾ ഓ​ട്ട വി​ദ​ഗ്ധ​ർ അ​ട​ങ്ങു​ന്ന 17 ടീ​മു​ക​ളാ​ണ് ഈ ​വ​ർ​ഷം മ​ത്സ​ര​ത്തി​ൽ പ​ങ്കെ​ടു​ത്തി​രു​ന്ന​ത്.

അ​ഞ്ച് ദി​വ​സ​ങ്ങ​ളി​ലാ​യി 867 കി​ലോ​മീ​റ്റ​റാ​യി​രു​ന്നു മ​ത്സ​രാ​ർ​ഥി​ക​ൾ താ​ണ്ടേ​ണ്ടി​യി​രു​ന്ന​ത്. എ​ന്നാ​ൽ, രാ​ജ്യ​ത്തെ പ്ര​തി​കൂ​ല കാ​ലാ​വ​സ്ഥ കാ​ര​ണം സ്​​റ്റേ​ജ്​ മൂ​ന്നി​ലെ​യും നാ​ലി​ലെ​യും ദൂ​രം വെ​ട്ടി​ച്ചു​രു​ക്കി​യാ​യി​രു​ന്നു ​ഇ​ത്ത​വ​ണ മ​ത്സ​ര​ങ്ങ​ൾ ന​ട​ത്തി​യ​ത്. ക​ന​ത്ത മ​ഴ​യി​ലും വ​ള​രെ ആ​വേ​ശ​ത്തോ​ടെ​യാ​യി​രു​ന്നു മ​ത്സ​രാ​ർ​ഥി​ക​ൾ പ​​ങ്കെ​ടു​ത്ത​ത്. മ​ത്സ​രാ​ർ​ഥി​ക​ൾ ക​ട​ന്നു​പോ​കു​ന്ന വ​ഴി​ക​ളി​ലൂ​ടെ​യെ​ല്ലാം അ​ഭി​വാ​ദ്യ​മ​ർ​പ്പി​ച്ച്​ നി​ര​വ​ധി​പേ​രാ​ണ് ത​ടി​ച്ചു​കൂ​ടി​യ​ത്. രാ​ജ്യ​ത്തെ കാ​യി​ക രം​ഗ​ത്ത്​ പു​ത്ത​ൻ ഏ​ടു​ക​ൾ ചേ​ർ​ത്താ​ണ്​ ടൂ​ർ ഓ​ഫ്​ ഒ​മാ​ന്​ തിര​ശ്ശീ​ല വീ​ഴു​ന്ന​ത്. ആ​ദ്യ നാ​ലു​ ഘ​ട്ട​ങ്ങ​ളി​ൽ ​ക​ലേ​ബ്​ ഇ​വാ​ൻ, ഫി​ൻ ഫി​ഷ​ർ ബ്ലാ​ക്ക്, പോ​ൾ മാ​ഗ്​​നീ​ർ, ​ഫി​ൻ ഫി​ഷ​ർ ബ്ലാ​ക്ക് എ​ന്നി​വ​ർ യ​ഥാ​ക്ര​മം വി​ജ​യി​ക​ളാ​യി.