പ്ര​താ​പം തി​രി​കെ പി​ടി​ച്ച്​ വ്യോ​മ​ഗ​താ​ഗ​ത മേ​ഖ​ല

മ​സ്ക​ത്ത്​: ഒ​മാ​നി​ലെ വ്യോ​മ​ഗ​താ​ഗ​ത മേ​ഖ​ല കോ​വി​ഡ്​ കാ​ല​ത്തി​ന്​ മു​മ്പു​ള്ള പ്ര​താ​പം തി​രി​കെ പി​ടി​ച്ച​താ​യി സി​വി​ൽ ഏ​വി​യേ​ഷ​ൻ അ​തോ​റി​റ്റി​യു​ടെ (സി.​എ.​എ) റി​പ്പോ​ർ​ട്ട്.കോ​വി​ഡി​ന്​ മു​മ്പു​ള്ള വ്യോ​മ​ഗ​താ​ഗ​ത​ത്തി​ന്‍റെ 90 ശ​ത​മാ​ന​വും നി​ല​വി​ൽ കൈ​വ​രി​ച്ച​താ​യി സി.​എ.​എ വ്യ​ക്ത​മാ​ക്കി. ഈ​വ​ർ​ഷം ആ​ദ്യ​ത്തെ പ​ത്തു​മാ​സ​ത്തെ ക​ണ​ക്കെ​ടു​ക്കു​മ്പോ​ൾ ഇ​തു​വ​രെ രാ​ജ്യ​ത്തേ​ക്ക്​ വ​രു​ക​യും പോ​കു​ക​യും ചെ​യ്ത വി​മാ​ന​ങ്ങ​ളു​ടെ എ​ണ്ണം 72,003 ആ​ണ്.

ക​ഴി​ഞ്ഞ​വ​ർ​ഷം ഇ​തേ കാ​ല​യ​ള​വി​നെ അ​പേ​ക്ഷി​ച്ച്​ ഏ​ഴു​ ശ​ത​മാ​നം കൂ​ടു​ത​ലാ​ണി​തെ​ന്ന്​ റി​പ്പോ​ർ​ട്ടി​ൽ പ​റ​യു​ന്നു. യാ​ത്ര​ക്കാ​രു​ടെ എ​ണ്ണ​ത്തി​ൽ 116.6 ശ​ത​മാ​നം വ​ർ​ധ​ന​യാ​ണ്​ ക​ഴി​ഞ്ഞ​വ​ർ​ഷ​ത്തേ​ക്കാ​ൾ ഉ​ണ്ടാ​യ​ത്. 78,24,103 യാ​ത്ര​ക്കാ​രാ​ണ്​ ഈ​വ​ർ​ഷം ന​വം​ബ​ർ വ​രെ യാ​ത്ര ചെ​യ്ത​ത്. ച​ര​ക്കു​ഗ​താ​ഗ​തം 1,20,788 ശ​ത​മാ​ന​മാ​ണ്. ക​ഴി​ഞ്ഞ​വ​ർ​ഷം ഇ​തേ കാ​ല​യ​ള​വി​നേ​ക്കാ​ൾ 32.5 ശ​ത​മാ​നം വ​ർ​ധ​ന​യാ​ണി​ത്.

വ്യോ​മ​സു​ര​ക്ഷ​യി​ൽ ഒ​മാ​ൻ പി​ന്തു​ട​രു​ന്ന ന​യ​ങ്ങ​ളും വ്യോ​മ​ഗ​താ​ഗ​ത മേ​ഖ​ല​യി​ലെ സു​സ്ഥി​ര വി​ക​സ​നം ഉ​റ​പ്പു​വ​രു​ത്തു​ന്ന ന​ട​പ​ടി​ക​ളു​മാ​ണ്​ ഈ ​നേ​ട്ടം കൈ​വ​രി​ക്കാ​ൻ സ​ഹാ​യി​ച്ച​തെ​ന്ന്​ സി.​എ.​എ ചെ​യ​ർ​മാ​ൻ നാ​യി​ഫ്​ ബി​ൻ അ​ലി അ​ൽ അ​ബ്രി പ​റ​ഞ്ഞു.ലോ​കോ​ത്ത​ര സം​വി​ധാ​ന​ങ്ങ​ളും ന​വീ​ന സാ​​ങ്കേ​തി​ക​ത​യും ഉ​ന്ന​ത നി​ല​വാ​ര​മു​ള്ള വി​മാ​ന​ങ്ങ​ളും അ​ണി​നി​ര​ത്തി സി​വി​ൽ വ്യോ​മ​ഗ​താ​ഗ​ത രം​ഗ​ത്ത്​ പ്ര​ധാ​ന പ​ങ്കാ​ളി​യാ​കു​ക​യാ​ണ്​ ല​ക്ഷ്യ​മെ​ന്നും അ​ദ്ദേ​ഹം വ്യ​ക്ത​മാ​ക്കി.