വീ​ണ്ടും വൈ​കി​പ്പ​റ​ന്ന്​ എ​യ​ർ ഇ​ന്ത്യ: ക​ണ്ണൂ​ർ സ്വ​ദേ​ശി​യു​ടെ മൃ​ത​ദേ​ഹം നാ​ട്ടി​ൽ എത്തി​ച്ച​ത്​ 15 മ​ണി​ക്കൂ​റി​ലേ​റെ താ​മ​സി​ച്ച്​

മ​സ്ക​ത്ത്​/​മ​ത്ര: വൈ​കി​പ്പ​റ​ന്ന്​ വീ​ണ്ടും യാ​ത്ര​ക്കാ​രെ വ​ല​ച്ച്​ എ​യ​ർ ഇ​ന്ത്യ എ​ക്സ്​​പ്ര​സ്. വി​മാ​നം പു​റ​പ്പെ​ടാ​ൻ താ​മ​സി​ച്ച​തോ​ടെ ക​ഴി​ഞ്ഞ ദി​വ​സം മ​ത്ര​യി​ൽ മ​രി​ച്ച ക​ണ്ണൂ​ർ സ്വ​ദേ​ശി​യു​ടെ മൃ​ത​ദേ​ഹം നാ​ട്ടി​ലെ​ത്തി​ച്ച​ത്​ 15 മ​ണി​ക്കൂ​റി​ല​ധി​കം താ​മ​സി​ച്ച്.

മ​സ്ക​ത്തി​ൽ​നി​ന്ന്​ ബു​ധ​നാ​ഴ്ച അ​ര്‍ധ രാ​ത്രി കോ​ഴി​ക്കോ​ടേ​ക്ക് പു​റ​പ്പ​ടേ​ണ്ട ഐ.​എ​ക്സ് 338 വി​മാ​ന​മാ​ണ് 15 മ​ണി​ക്കൂ​റി​ലേ​റെ വൈ​കി​ വ്യാ​ഴാ​ഴ്ച ഉ​ച്ച​ക്ക്​ ര​ണ്ട്​ മ​ണി​ക്ക്​ പു​റ​പ്പെ​ട്ട​ത്. സ്​​ത്രീ​ക​ളും കു​ട്ടി​ക​ളു​മ​ട​ക്ക​മു​ള്ള യാ​ത്ര​ക്കാ​രാ​ണ്​​ ഇ​തു​മൂ​ലം ഏ​റെ പ്ര​യാ​സ​ത്തി​ലാ​യ​ത്.

കൊ​ച്ചി​യി​ൽ​നി​ന്നു​ള്ള വി​മാ​നം വ​രാ​ൻ വൈ​കി​യ​തുകൊ​ണ്ട് പു​റ​പ്പെ​ടാ​ൻ വൈ​കി​യെ​ന്നാ​ണ് എയർ ഇന്ത്യ ​അ​ധി​കൃ​ത​രു​​ടെ വി​ശ​ദീ​ക​ര​ണ​മെ​ന്ന് യാ​ത്ര​ക്കാ​ർ പ​റ​ഞ്ഞു. ആ​ദ്യം രാ​വി​ലെ പ​ത്ത​ര‌ മ​ണി​ക്ക് പു​റ​പ്പെ​ടു​മെ​ന്ന് പ​റ​ഞ്ഞു​വെ​ങ്കി​ലും വീ​ണ്ടും വൈ​കു​ക​യാ​ണു​ണ്ടാ​യ​ത്. ക​ഴി​ഞ്ഞ ദി​വ​സം മ​ത്ര​യി​ല്‍ മ​രി​ച്ച ക​ണ്ണൂ​ര്‍ സ്വ​ദേ​ശി​യു​ടെ മൃ​ത​ദേ​ഹ​വും കോ​ഴി​ക്കോ​ട് വി​മാ​ന​ത്തി​ലാ​ണ് നാ​ട്ടി​ലേ​ക്ക് അ​യ​ക്കാ​ൻ ഒ​രു​ക്കി​യി​രു​ന്ന​ത്. വ്യാ​ഴം രാ​വി​ലെ ക​ണ്ണൂ​രി​ലേ​ക്കു​ള്ള വി​മാ​നം ഒ​ഴി​വാ​ക്കി ബു​ധ​നാ​ഴ്ച പു​ല​ര്‍ച്ചെ കോ​ഴി​ക്കോ​ട്ടേ​ക്കു​ള്ള വി​മാ​നം തി​ര​ഞ്ഞെ​ടു​ത്ത​ത് ക​ഴി​യു​ന്ന​തും വേ​ഗം മൃ​ത​ദേ​ഹം നാ​ട്ടി​ലെ​ത്തി​ക്കു​ക എ​ന്ന‌ ല​ക്ഷ്യ​ത്തോ​ടെ​യാ​യി​രു​ന്നു.

എ​ന്നാ​ല്‍, കോ​ഴി​ക്കോ​ട് വി​മാ​നം വൈ​കി​യ​തോ​ടെ നാ​ട്ടി​ല്‍ കാ​ത്തി​രി​ക്കു​ന്ന​വ​രേ​യും മൃ​ത​ദേ​ഹ​ത്തി​ന്‍റെ കൂ​ടെ അ​നു​ഗ​മി​ക്കു​ന്ന​വ​രെ​യും പ്ര​യാ​സ​ത്തി​ലാ​ക്കി.

എ​പ്പോ​ൾ പു​റ​പ്പെ​ടു​മെ​ന്ന​ത​ട​ക്ക​മു​ള്ള ചോ​ദ്യ​ങ്ങ​ൾ​ക്ക് വി​മാ​നാ​ധി​കൃ​ത​രി​ൽ​നി​ന്ന്​ നി​രു​ത്ത​ര​വാ​ദി​ത്ത​പ​ര​മാ​യ മ​റു​പ​ടി​യാ​ണ്​ ല​ഭി​ച്ചി​രു​ന്ന​തെ​ന്നും മ​ത്ര​യി​ലെ സാ​മൂ​ഹി​ക പ്ര​വ​ര്‍ത്ത​ക​ന്‍ പ​റ​ഞ്ഞു. സാ​ധാ​ര​ണ യാ​ത്ര​ക്കാ​ര​നാ​ണെ​ങ്കി​ല്‍ ഒ​ന്നോ ര​ണ്ടോ ദി​വ​സം യാ​ത്ര നീ​ട്ടി​വെ​ക്കാ​മെ​ന്ന് ക​രു​തി​യാ​ലും കു​ഴ​പ്പ​മി​ല്ല. ഇ​ത് വി​മാ​ന ക​മ്പ​നി​യു​ടെ ഉ​ത്ത​ര​വാ​ദി​ത്ത രാ​ഹി​ത്യ​ത്തി​ല്‍ മൃ​ത​ദേ​ഹ​ത്തോ​ടാ​ണ് അ​നാ​ദ​ര​വ് കാ​ട്ടി​യി​രി​ക്കു​ന്ന​ത്.

മൃ​ത​ദേ​ഹം കൊ​ണ്ടു വ​രു​ന്ന​തും കാ​ത്ത് നാ​ട്ടി​ല്‍ ആ​ശ​ങ്ക​യോ​ടെ ക​ഴി​യു​ന്ന ബ​ന്ധു​ജ​ന​ങ്ങ​ളും ബ​ന്ധ​പ്പെ​ട്ട​വ​രെ​യും പ​റ​ഞ്ഞ് സ​മാ​ധാ​നി​പ്പി​ക്കാ​ന്‍ ത​ന്നെ ഏ​റെ പ​ണി​പ്പെ​ട്ട​താ​യി മ​ത്ര കെ.​എം.​സി.​സി പ്ര​സി​ഡ​ന്റ് സാ​ദി​ഖ് ആ​ഡൂ​ര്‍ പ​റ​ഞ്ഞു. എ​യ​ര്‍പോ​ർ​ട്ട് കാ​ര്‍ഗോ സെ​ക്ഷ​നി​ല്‍ എ​ത്തി​ച്ച മൃ​ത​ദേ​ഹം മ​റ്റേ​തെ​ങ്കി​ലും ഫ്ലൈ​റ്റി​ലേ​ക്ക് മാ​റ്റി​ത്ത​രാ​ന്‍ ആ​വ​ശ്യ​പ്പെ​ട്ടി​ട്ടും സാ​ങ്കേ​തി​ക കാ​ര​ണ​ങ്ങ​ൾ പ​റ​ഞ്ഞ് നി​ര​സി​ക്കു​ക​യാ​ണു​ണ്ടാ​യ​തെ​ന്നും അ​ദ്ദേ​ഹം പ​റ​ഞ്ഞു.