കേ​ര​ള സെ​ക്ട​റി​ൽ ഒ​രു​മാ​സം ഇ​നി ശു​ഭയാ​ത്ര

മ​സ്ക​ത്ത്: സീ​സ​ൺ അ​വ​സാ​നി​ച്ച​തോ​ടെ Airlines to Kerala sector with reduced fares in oman. എ​യ​ർ ഇ​ന്ത്യ എക്സ്പ്രസും ​സലാം എ​യ​റും ടി​ക​ക്ക് നി​ര​ക്കു​ക​ൾ കു​ത്ത​നെ കു​റ​ച്ചു. സ്കൂ​ൾ അ​വ​ധി​യും ഫെ​സ്റ്റി​വ​ൽ സീ​സ​ണും അ​വ​സാ​നി​ച്ച​തോ​ടെ അ​ടു​ത്ത മാ​സം പ​കു​തി​വ​രെ​യാ​ണ് എ​യ​ർ ഇ​ന്ത്യ എക്സ്പ്രസ് കേ​ര​ള​ത്തി​ലെ എ​ല്ലാ സെ​ക്ട​റി​ലേ​ക്കും നി​ര​ക്ക്​ കു​റ​ച്ച​ത്. മ​സ്ക​ത്തി​ൽ​നി​ന്ന് കോ​ഴി​ക്കോ​ട്, ക​ണ്ണൂ​ർ, കൊ​ച്ചി എ​ന്നി​വി​ട​ങ്ങ​ളി​ലേ​ക്കാ​ണ് ഏ​റ്റ​വും കു​റ​ഞ്ഞ നി​ര​ക്കു​ക​ൾ ഈ​ടാ​ക്കു​ന്ന​ത്.

കോ​ഴി​ക്കോ​ട്ടേ​ക്ക് അ​ടു​ത്ത​മാ​സം ഒ​ന്നു​വ​രെ 32 റി​യാ​ലാ​ണ് എ​യ​ർ ഇ​ന്ത്യ​യു​ടെ വെ​ബ്സൈ​റ്റി​ൽ കാ​ണി​ക്കു​ന്ന​ത്. മൂ​ന്ന് മു​ത​ൽ 44 റി​യാ​ലാ​യി ഉ​യ​ർ​ന്ന് പ​കു​തി​യാ​കു​​മ്പോ​ഴേ​ക്കും അ​മ്പ​തി​ന് മു​ക​ളി​ൽ എ​ത്തു​ന്നു​മു​ണ്ട്. ക​ണ്ണൂ​രി​ലേ​ക്ക് ഈ ​മാ​സം അ​വ​സാ​നം​വ​രെ 35 റി​യാ​ലാ​ണ് നി​ര​ക്ക്. ഫെ​ബ്രു​വ​രി ഒ​ന്ന് മു​ത​ൽ പ​തി​യെ ഉ​യ​ർ​ന്ന് 50 റി​യാ​ലാ​കു​ന്നു​മു​ണ്ട്. ഏ​റ്റ​വും കു​റ​ഞ്ഞ നി​ര​ക്കാ​ണ് കൊ​ച്ചി​യി​ലേ​ക്കു​ള്ള​ത്. 31 റി​യാ​ലാ​ണ് ഈ ​മാ​സം 31രെ ​ഈ​ടാ​ക്കു​ന്ന​ത്. ഫെ​ബ്രു​വ​രി ആ​ദ്യ ആ​ഴ്ച​ക്ക്ശേ​ഷ​മാ​ണ് പി​ന്നീ​ട് നി​ര​ക്ക് വ​ർ​ധി​ക്കു​ന്ന​ത്.

എ​ങ്കി​ലും 45 റി​യാ​ലി​ന് താ​ഴെ​യാ​ണ് പ​ല​ ദി​വ​സ​ങ്ങ​ളി​ലു​മു​ള്ള നി​ര​ക്ക്. ഈ ​മാ​സം 31വ​​രെ 39 റി​യാ​ലി​ന് തി​രു​വ​ന​ന്ത​പു​ര​ത്തെ​ത്താം. എ​ന്നാ​ൽ, ​ഫെ​​ബ്രു​വ​രി​യി​ൽ നി​ര​ക്ക് 50 റി​യാ​ലി​ന് മു​ക​ളി​ൽ പോ​കു​ന്നു​ണ്ട്.​ കേ​ര​ള​ത്തി​ൽ​നി​ന്ന് മ​സ്ക​ത്തി​ലേ​ക്കും ടി​ക്ക​റ്റ് നി​ര​ക്കി​ൽ കു​റ​വ് വ​ന്നി​ട്ടു​ണ്ട്. കോ​ഴി​ക്കോ​ട്ടു​നി​ന്ന് 31, ക​ണ്ണൂ​രി​ൽ​നി​ന്ന് 36, കൊ​ച്ചി​യി​ൽ​നി​ന്ന് 33റി​യാ​ലു​മാ​ണ് ഈ​ടാ​ക്കു​ന്ന​ത്. തി​രു​വ​ന​ന്ത​പു​ര​ത്തു​നി​ന്നും 40 റി​യാ​ലി​ന് മു​ക​ളി​ലാ​ണ് നി​ര​ക്ക്. മ​സ്ക​ത്തി​ൽ​നി​ന്ന് കോ​ഴി​ക്കോ​ട്ടേ​ക്ക് സ​ർ​വി​സ് ന​ട​ത്തു​ന്ന സ​ലാം എ​യ​റും നി​ര​ക്കു​ക​ൾ കു​റ​ച്ചി​ട്ടു​ണ്ട്. പ​ല ദി​വ​സ​ങ്ങ​ളി​ലും 30 റി​യാ​ലാ​ണ് വെ​ബ്സൈ​റ്റി​ൽ കാ​ണി​ക്കു​ന്ന​ത്.

വി​മാ​ന ക​മ്പ​നി​ക​ൾ നി​ര​ക്കു​ക​ൾ കു​റ​ച്ച് തു​ട​ങ്ങി​യ​തോ​ടെ നി​ര​വ​ധി പേ​രാ​ണ് കേ​ര​ള​ത്തി​ലേ​ക്ക് പോ​വാ​ൻ ഒ​രു​ങ്ങു​ന്ന​ത്. പു​തി​യ നി​ര​ക്കു​ക​ൾ നി​ല​വി​ൽ വ​ന്ന​തോ​ടെ നി​ര​വ​ധി പേ​ർ ടി​ക്ക​റ്റു​ക​ൾ എ​ടു​ത്തു ക​ഴി​ഞ്ഞു. ഹൃ​സ്വ ലീ​വെ​ടു​ത്ത് നാ​ട്ടി​ൽ പോ​വു​ന്ന​വ​രും നി​ര​വ​ധി​യാ​ണ്. നി​ര​ക്കു​ക​ൾ കൂ​ടി​യ​ത് കാ​ര​ണം ഇ​തുവ​രെ നാ​ട്ടി​ൽ പോ​വാ​തെ നി​ന്നി​രു​ന്ന നി​ര​വ​ധി കു​റ​ഞ്ഞ വ​രു​മാ​ന​ക്കാ​രും നാ​ട്ടി​ലേ​ക്ക് ടി​ക്ക​റ്റെ​ടു​ക്കാ​ൻ ഒ​രു​ങ്ങു​ക​യാ​ണ്. ഒ​മാ​നി​ക​ൾ അ​ട​ക്ക​മു​ള്ള നി​ര​വ​ധി വി​ദേ​ശി​ക​ളും യാ​ത്ര​ക്ക് ഒ​രു​ങ്ങു​ന്നു​ണ്ട്. കേ​ര​ള​ത്തി​ൽ ക​ാലാ​വ​സ്ഥ അ​നു​കൂ​ല​മാ​യ​തി​നാ​ൽ കേ​ര​ളം സ​ന്ദ​ർ​ശി​ക്കു​ക​യാ​ണ് ഇ​വ​രു​ടെ ല​ക്ഷ്യം.