പാരാലിമ്പിക്​സ്​ മെഡലിസ്​റ്റ്​ അബ്​ദുൽ ഖാദിറിന്​ 'അൽ വജ്​ബ' പുരസ്​കാരം

ദോഹ: ടോക്യോയിൽ സമാപിച്ച പാരാലിമ്പിക്​സിൽ മെഡൽ നേടിയ അബ്​ദുൽറഹ്​മാൻ അബ്​ദുൽഖാദിറിന്​ ഖത്തറിൻെറ പരമോന്നത ബഹുമതിയായ 'അൽ വജ്​ബ' പുരസ്​കാരം. അമിരി ദിവാനിൽ നടന്ന ചടങ്ങിൽ ഖത്തർ അമീർ ശൈഖ്​ തമിം ബിൻ ഹമദ്​ ആൽഥാനി പുരസ്​കാരം സമ്മാനിച്ചു. പാരാലിമ്പിക്​സ്​ ഷോട്ട്​പുട്ടിൽ വെങ്കലമണിഞ്ഞ അബ്​ദുൽ ഖാദിർ ഖത്തറിൻെറ ഏക​ മെഡൽ ജേതാവ്​ കൂടിയായിരുന്നു. നേരത്തേ 2016 റിയോ പാരാലിമ്പിക്​സിൽ വെള്ളിയും 2017 ലോകചാമ്പ്യൻഷിപ്പിൽ സ്വർണവും നേടിയിരുന്നു. തുടർച്ചയായി രാജ്യാന്തര വേദികളിലെ മികവിനുള്ള അംഗീകാരമെന്നനിലയിലാണ്​ രാജ്യത്തിൻെറ പരമോന്നത ബഹുമതിക്ക്​ തെരഞ്ഞെടുത്തത്​. പരിശീലകർ ഉൾപ്പെടെ പാരാലിമ്പിക്​സ്​ ടീമിനെയും അമീർ അഭിനന്ദിച്ചു. ലോകത്ത്​ രാജ്യത്തിൻെറ മികവും യശസ്സും ഇനിയും ഉയർത്താനും സ്​പോർട്​സിൽ നേട്ടങ്ങൾ കൊയ്യാനും കഴിയ​​ട്ടെയെന്ന്​ അദ്ദേഹം ആശംസിച്ചു.