അംബാസഡർ അംഗീകാരപത്രം കൈമാറി
text_fieldsമസ്കത്ത്: പുതുതായി ചുമതലയേൽക്കുന്ന യുനൈറ്റഡ് കിങ്ഡത്തിലെ (യു.കെ) ഒമാൻ അംബാസഡർ ബദർ മുഹമ്മദ് അൽ മന്ദ്രി അംഗീകാരപത്രം കൈമാറി.
ബക്കിങ്ഹാം കൊട്ടാരത്തിൽ നടന്ന ചടങ്ങിൽ ബ്രിട്ടന്റെയും നോർത്തേൺ അയർലൻഡിന്റെയും രാജാവും കോമൺവെൽത്ത് തലവനുമായ ചാൾസ് മൂന്നാമനാണ് അധികാരപത്രം സമർപ്പിച്ചത്. കൂടിക്കാഴ്ചയിൽ, അംബാസഡർ ചാൾസ് മൂന്നാമൻ രാജാവിനും യു.കെ സർക്കാറിനും ജനങ്ങൾക്കും സുൽത്താൻ ഹൈതം ബിൻ താരിഖിന്റെ ആശംസകൾ അറിയിച്ചു.
സുൽത്താനോടുള്ള തന്റെ ആശംസകൾ അറിയിക്കാൻ ചാൾസ് രാജാവ് അംബാസഡറോട് ആവശ്യപ്പെടുകയും ചെയ്തു. ഒമാനും യു.കെയും തമ്മിലുള്ള ബന്ധങ്ങളിൽ അഭിമാനം പ്രകടിപ്പിച്ച ചാൾസ് മൂന്നാമൻ രാജാവ്, ഉഭയകക്ഷി ബന്ധങ്ങളെ വിശാലമായ ചക്രവാളങ്ങളിലേക്ക് നയിക്കാൻ എല്ലാ പിന്തുണയും ലഭിക്കുമെന്നും അംബാസഡറോട് പറഞ്ഞു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.