ബ​ഹ്റൈ​ന് കി​രീ​ടം; പൊ​രു​തി​വീ​ണ് ഒ​മാ​ൻ

മ​സ്ക​ത്ത്​: അ​റേ​ബ്യ​ൻ ഗ​ൾ​ഫ്​ ക​പ്പി​ൽ മൂ​ന്നാം മു​ത്ത​മെ​ന്ന ഒ​മാ​ന്‍റെ സ്വ​പ്നം പൊ​ലി​ഞ്ഞു. കു​വൈ​ത്തി​ലെ ജാ​ബി​ർ അ​ൽ അ​ഹ​മ്മ​ദ് ഇ​ന്റ​ർ​നാ​ഷ​ന​ൽ സ്റ്റേ​ഡി​യ​ത്തി​ൽ​ന​ട​ന്ന ഫൈ​ന​ൽ ​പോ​രാ​ട്ട​ത്തി​ൽ ഒ​മാ​നെ 2-1ന്​ ​തോ​ൽ​പ്പി​ച്ചാ​ണ്​​ അ​റേ​ബ്യ​ൻ ഫു​ട്​​ബാ​ൾ സിം​ഹാ​സ​ന​ത്തി​​ന്‍റെ കി​രീ​ടം ബ​ഹ്റൈ​ൻ അ​ണി​ഞ്ഞ​ത്.

ഒ​മാ​​നു​വേ​ണ്ടി അ​ബ്ദു​റ​ഹ്മാ​ൻ അ​ൽ മു​ശൈ​ഫ്‍രി​യ​യും ബ​ഹ്റൈ​നു​വേ​ണ്ടി മൂ​ഹ​മ്മ​ദ് ഫ​ർ​ഹൂ​ൻ ഒ​രു​​ഗോ​ളും നേ​ടി. അ​വ​സാ​ന മി​നി​റ്റി​ൽ മു​ഹ​മ്മ​ദ് അ​ൽ മ​സ്‍ല​മി​യു​ടെ ബു​ട്ടി​ൽ​നി​ന്ന് വീ​ണ സെ​ൽ​ഫ്​​ഗോ​ളാ​ണ് ഒ​മാ​ന്റെ കി​രീ​ട നേ​ട്ടത്തി​ന് തി​രി​ച്ച​ടി​യാ​യ​ത്.

ക​ലാ​ശ​ക്ക​ളി​യു​ടെ എ​ല്ലാ ആ​വേ​ശ​വും നി​റ​ഞ്ഞു​നി​ന്ന​താ​യി​രു​ന്നു മ​ത്സ​രം. പ​ന്ത​ട​ക്ക​ത്തി​ലും മു​​ന്നേ​റ്റ​ത്തി​ലും ഒ​രു​പ​ടി മു​ന്നി​ട്ടു​നി​ന്ന റെ​ഡ് വാ​രി​യേ​ഴ്സ് ആ​ദ്യ​മി​നി​റ്റി​ൽ​ത​ന്നെ ലീ​ഡെ​ടു​ക്കു​ക എ​ന്ന ത​ന്ത്ര​വു​മാ​യാ​യി​രു​ന്നു ക​ളി​ച്ചി​രു​ന്ന​ത്. വി​സി​ൽ മു​ഴ​ങ്ങി​യ​തു​മു​ത​ൽ എ​തി​ർ​ഗോ​ൾ മു​ഖ​ത്തേ​ക്ക് ഇ​ര​മ്പി​യാ​ർ​ത്തെ​ന്നു​ന്ന ഒ​മാ​നെ​യാ​യി​രു​ന്നു ക​ണ്ടി​രു​ന്ന​ത്. എ​ന്നാ​ൽ, മി​ക​ച്ച പ്ര​തി​രോ​ധ​ത്തേ​ടെ ഒ​മാ​ൻ ആ​ക്ര​മ​ണ​​ങ്ങ​ളെ ബ​ഹ്റൈ​ൻ ചെ​റു​ക്കു​ക​യാ​യി​രു​ന്നു.

ഇ​തി​നി​ടെ ക​ളി​യി​ലേ​ക്ക് പ​തി​യെ തി​രി​ച്ചു​വ​ന്ന ബ​ഹ​റൈ​ൻ ഒ​മാ​ൻ ഗോ​ളി​യേ​യും പ്ര​തി​​രോ​ധ​നി​ര​യേ​യും പ​രീ​ക്ഷി​ക്കാ​ൻ തു​ട​ങ്ങി. 12,14 മി​നി​റ്റു​ക​ളി​ൽ തു​റ​ന്ന അ​വ​സ​ര​ങ്ങ​ൾ ല​ഭി​ച്ചി​രു​ന്നു​വെ​ങ്കി​ലും മു​ത​ലെ​ടു​പ്പ് ന​ട​ത്താ​നാ​യി​ല്ല. ഒ​മാ​ൻ ​ഗോ​ളി​യു​ടെ ക​ര​ങ്ങ​ളാ​യി​രു​ന്നു ഇ​വി​ടെ ര​ക്ഷ​യാ​യ​ത്.

17ാം മി​നി​റ്റി​ലാ​യി​രു​ന്നു ഒ​മാ​ൻ ആ​ഗ്ര​ഹി​ച്ച നി​മി​ഷം പി​റ​ന്ന​ത്. ബ​ഹ്റൈ​നി​ന്റെ പ്ര​തി​രോ​ധ​ത്തി​ൽ​നി​ന്ന് വ​ന്ന പി​ഴ​വ് മു​ത​ലെ​ടു​ത്താ​യി​രു​ന്നു ഗോ​ൾ. കോ​ർ​ണ​റി​ൽ​നി​ന്ന് ല​ഭി​ച്ച പ​ന്ത് മാ​ർ​ക്ക് ചെ​യ്യ​പ്പെ​ടാ​തെ കി​ട​ന്ന അ​ബ്ദു​റ​ഹ്മാ​ൻ അ​ൽ മു​ശൈ​ഫ്‍രി ഹെ​ഡി​ലൂ​ടെ വ​ല​യി​ലെ​ത്തി​ക്കു​ക​യാ​യി​രു​ന്നു.

ഗോ​ൾ വീ​ണ​​തോ​ടെ കൂ​ടു​ത​ൽ ഉ​ണ​ർ​ന്ന് ക​ളി​ച്ചെ​ങ്കി​ലും സ​മ​നി​ല​പി​ടി​ക്കാ​ൻ ആ​ദ്യ പ​കു​തി​ക്ക് വി​സി​ൽ മു​ഴ​ങ്ങു​​മ്പോ​ൾ ബ​ഹ്റൈ​നാ​യി​ല്ല. ര​ണ്ടാം പ​കു​തി​യി​ൽ എ​ന്തു​വി​ല​കൊ​ടു​ത്തും സ​മ​നി​ല​നേ​ടു​ക എ​ന്ന ത​​ന്ത്ര​വു​മാ​യി​ട്ടാ​ണ് ബ​ഹ്റൈ​ൻ ഇ​റ​ങ്ങി​യ​ത്.

കൂ​ടു​ത​ൽ സ്കോ​ർ ചെ​യ്യാ​ൻ ഒ​മാ​നും ശ്ര​മി​ച്ചെ​ങ്കി​ലും ഫ​ലം കാ​ണാ​തെ പോ​കു​ക​യാ​യി​രു​ന്നു. ഒ​ടു​വി​ൽ പെ​നാ​ൽ​റ്റി​യി​ലൂ​ടെ മൂ​ഹ​മ്മ​ദ് ഫ​ർ​ഹൂ​ൻ സ​മ​നി​ല​പി​ടി​ച്ചു. ര​ണ്ട് മി​നിറ്റിനു​ശേ​ഷം പി​റ​ന്ന മു​ഹ​മ്മ​ദ് അ​ൽ മ​സ്‍ല​മി​യു​ടെ സെ​ൽ​ഫ് ഗോ​ളി​ലൂ​ടെ ഒ​മാ​ന്റെ സ്വ​പ്നം പൊ​ലി​യു​ക​യാ​യി​രു​ന്നു