അ​റേ​ബ്യ​ൻ ഗ​ൾ​ഫ് ക​പ്പ്: കി​രീ​ടം​തേ​ടി ഒ​മാ​ൻ ഇ​ന്ന് ക​ള​ത്തി​ൽ

മ​സ്ക​ത്ത്: അ​റേ​ബ്യ​ൻ ഗ​ൾ​ഫ് ക​പ്പി​ന്റെ ക​ന​ക കി​രീ​ട​ത്തി​ൽ മൂ​ന്നാം മു​ത്ത​മി​ടു​ന്ന​തും സ്വ​പ്നം ക​ണ്ട് ഒ​മാ​ൻ ഇ​ന്ന് ഇ​റ​ങ്ങും. കു​വൈ​ത്തി​ലെ ജാ​ബി​ർ അ​ൽ അ​ഹ​മ്മ​ദ് ഇ​ന്റ​ർ​നാ​ഷ​ന​ൽ സ്റ്റേ​ഡി​യ​ത്തി​ൽ ന​ട​ക്കു​ന്ന ഫൈ​ന​ൽ ​പോ​രാ​ട്ട​ത്തി​ൽ ബ​ഹ്റൈ​നാ​ണ് എ​തി​രാ​ളി. ഒ​മാ​ൻ സ​മ​യം രാ​ത്രി എ​ട്ടിനാണ് മ​ത്സ​രം. ക​ഴി​ഞ്ഞ വ​ർ​ഷം ഇ​റാ​ഖി​ലെ ബ​സ്റ​യി​ൽ ന​ട​ന്ന ക​ലാ​ശ​ക്ക​ളി​യി​ൽ അ​വ​സാ​ന നി​മി​ഷം കൈ​വി​ട്ട കി​രീ​ടം ഇ​ത്ത​വ​ണ സു​ൽ​ത്താ​നേ​റ്റി​ന്റെ മ​ണ്ണി​ലെ​ത്തി​ക്കാ​നു​ള്ള പ​ട​പ്പു​റ​പ്പാ​ടു​മാ​യാ​ണ് കോ​ച്ച് റ​ഷീ​ദ് ജാ​ബി​റി​ന്റെ കു​ട്ടി​ക​ൾ അ​വ​സാ​ന അ​ങ്ക​ത്തി​നാ​യി ഇ​റ​ങ്ങു​ന്ന​ത്. ടൂ​ർ​ണ​മെ​ന്റി​ന്റെ ച​രി​ത്ര​ത്തി​ലെ ഒ​മാ​ന്റെ ആ​റാ​മ​ത്തെ ഫൈ​ന​ൽ പ്ര​വേ​ശ​ന​മാ​ണി​ത്. 2004, 2007, 2009, 2018, 2023 വ​ർ​ഷ​ങ്ങ​ളി​ലാ​ണ് ഇ​തി​നു​മു​മ്പ്​ ഫൈ​ന​ലി​ലെ​ത്തി​യ​ത്. ഇ​തി​ൽ 2009ലും 2017-2018 ​സീ​സ​ണി​ലും ജേ​താ​ക്ക​ളാ​വു​ക​യും ചെ​യ്തു.

ഗ്രൂ​പ് ഘ​ട്ട​ത്തി​ലെ മൂ​ന്ന് ക​ളി​ക​ളി​ൽ ര​ണ്ടു വി​ജ​യ​വും ഒ​രു സ​മ​നി​ല​യും സെ​മി ഫൈ​ന​ലി​ലെ മി​ന്നും ജ​യ​വു​മ​ട​ക്കം ഒ​രു​തോ​ൽ​വി​യും അ​റി​യാ​തെ​യാ​ണ് ഒ​മാ​ന്റെ ഫൈ​ന​ൽ പ്ര​വേ​ശ​നം. സെ​മി​യി​ൽ ശ​ക്ത​രാ​യ സൗ​ദി​യെ 2-1നെ ​ത​ക​ർ​ക്കാ​ൻ ക​ഴി​ഞ്ഞ​തും ടീ​മി​ന്റെ ആ​ത്മ​വി​ശ്വാ​സം വ​ർ​ധി​പ്പി​ച്ചി​ട്ടു​ണ്ട്. പ​ന്ത​ട​ക്ക​ത്തി​ലും ക​ളി​മി​ക​വി​ലും സൗ​ദി ആ​ധി​പ​ത്യം പു​ല​ർ​ത്തി​യെ​ങ്കി​ലും അ​വ​സാ​ന നി​മി​ഷം​വ​രെ ഉ​റ​ച്ച മ​ന​സാ​ന്നി​ധ്യ​ത്തോ​ടെ​യു​ള്ള പോ​രാ​ട്ട​മാ​ണ് ഒ​മാ​നെ വി​ജ​യ​വ​ഴി​യി​ലെ​ത്തി​ച്ച​ത്. ഗ്രൂ​പ് ഘ​ട്ട​ത്തി​ലെ മൂ​ന്ന് മ​ത്സ​ര​ത്തി​ലും ടീ​മി​ന് തു​ണ​യാ​യ​തും ഈ ​മ​ന​സ്സാ​ന്നി​ധ്യ​മാ​യി​രു​ന്നു. ആ​ദ്യം ഗോ​ൾ വീ​ണി​ട്ടും തി​രി​ച്ച​ടി​ച്ച് മു​ന്നേ​റു​ന്ന ടീ​മി​നെ​യാ​യി​രു​ന്നു ക​ണ്ടി​രു​ന്ന​ത്. ഫൈ​ന​ലി​ലും ഈ ​മ​ന​സ്സാ​ന്നി​ധ്യം നി​ല​നി​ർ​ത്താ​ൻ സാ​ധി​ച്ചാ​ൽ ക​പ്പ് സു​ൽ​ത്താ​നേ​റ്റി​ന്റെ മ​ണ്ണി​ലെ​ത്തു​മെ​ന്ന പ്ര​തീ​ക്ഷ​യി​ലാ​ണ് ആ​രാ​ധ​ക​ർ. താ​ര​ങ്ങ​ൾ​ക്ക് ആ​ർ​ക്കും പ​രി​ക്കി​ല എ​ന്ന​തും അ​നു​കൂ​ല​മാ​യ ഘ​ട​ക​മാ​ണ്. ത​ക​ർ​പ്പ​ൻ ഫോ​മി​ൽ ക​ളി​ക്കു​ന്ന പ്ര​തി​രോ​ധ നി​ര​യു​ടെ മ​തി​ലു​ക​ൾ ഭേ​ദി​ച്ച് ​മു​ന്നേ​റാ​ൻ ബ​ഹ്ഹൈ​ൻ ഇ​ന്ന് ഏ​റെ വി​യ​ർ​പ്പൊ​ഴു​ക്കേ​ണ്ടി​വ​രും. അ​തേ​സ​മ​യം, ഗ്രൂ​പ് ഘ​ട്ട​ത്തി​ൽ ര​ണ്ട് ജ​യ​വും ഒ​രു​തോ​ൽ​വി​യും, സെ​മി​യി​ൽ ആ​തി​​ഥേ​യ​രാ​യ കു​വൈ​ത്തി​നെ വീ​ഴ്ത്തി​യു​മാ​ണ് ബ​ഹ്റൈ​ന്റെ വ​ര​വ്. ഫി​നി​ഷി​ങ്ങി​ലെ പാ​ളി​ച്ച​യാ​ണ് ഒ​മാ​ന്റെ ത​ല​വേ​ദ​ന. എ​ന്നാ​ൽ, ഇ​ത് പ​രി​ഹ​രി​ച്ചാ​കും ഒ​മാ​ൻ ഇ​ന്ന് ക​ള​ത്തി​ലി​റ​ങ്ങു​ക.

ആ​ദ്യം ഗോ​ൾ സ്​​കോ​ർ ചെ​യ്​​ത്​ ബ​ഹ്റൈ​നെ സ​മ്മ​ർ​ദ​ത്തി​ലാ​ക്കാ​നാ​യി​രി​ക്കും ഒ​മാ​ൻ ശ്ര​മി​ക്കു​ക. ടീ​മി​ന്‍റെ മു​ൻ​നി​ര​യും പ്ര​രി​രോ​ധ നി​ര​യും മി​ക​ച്ച രീ​തി​യി​ൽ പ​ന്ത്​ ത​ട്ടു​ന്നു​വെ​ന്നു​ള്ള​ത്​ ഒ​മാ​ന്​ ഗു​ണം ന​ൽ​കു​ന്ന കാ​ര്യ​മാ​ണ്. ടൂ​ർ​ണ​മെ​ന്‍റ​ലു​ടം​നീ​ളം മി​ക​ച്ച ഫോ​മി​ലാ​ണ്​ ഗോ​ൾ കീ​പ്പ​ര്‍ ഇ​ബ്‌​റാ​ഹിം അ​ല്‍ മു​ഖൈ​നി. സെ​മി​യി​ൽ ക​ളി​ച്ച ടീ​മി​ൽ കൂ​ടു​ത​ൽ മാ​റ്റ​ങ്ങ​ളൊ​ന്നും വ​രു​ത്താ​ൻ റ​ഷീ​ദ് ജാ​ബി​ർ ത​യാ​റാ​കാ​ൻ സാ​ധ്യ​ത​യി​ല്ല.

മ​റു​ഭാ​ഗ​ത്ത് ബ​ഹ്റൈ​നും പ്ര​തീ​ക്ഷ​യി​ലാ​ണ്. 10പേ​രു​മാ​യി ക​ളി​ച്ച് സെ​മി ഫൈ​ന​ലി​ൽ കു​വൈ​ത്തി​നെ ത​റ​പ്പ​റ്റി​ക്കാ​ൻ ക​ഴി​ഞ്ഞ​തി​ലു​ള്ള ആ​ത്മ​വി​ശ്വാ​സം ബ​ഹ്റൈ​നു​ണ്ട്. ഫൈ​ന​ലി​ൽ മി​ക​ച്ച വി​ജ​യ​ത്തോ​ടെ ര​ണ്ടാം ഗ​ൾ​ഫ് ക​പ്പ് കി​രീ​ടം ബ​ഹ്റൈ​ൻ സ്വ​പ്നം കാ​ണു​ന്നു. ഗ്രൂ​പ് ഘ​ട്ട​ത്തി​ലെ അ​വ​സാ​ന മ​ത്സ​ര​ത്തി​ൽ സി​റ​യ​യോ​ട് അ​പ്ര​തീ​ക്ഷി​ത തോ​ൽ​വി വ​ഴ​ങ്ങി​യെ​ങ്കി​ലും മി​ക​ച്ച ടീ​മാ​യാ​ണ് ​ബ​ഹ്റൈ​ൻ ഫൈ​ന​ലി​നി​റ​ങ്ങു​ന്ന​ത്.

ഫൈ​ന​ൽ മ​ത്സ​ര സ​മാ​പ​ന ച​ട​ങ്ങി​ൽ കു​വൈ​ത്ത് അ​മീ​ർ ശൈ​ഖ് മി​ശ്അ​ൽ അ​ൽ അ​ഹ​മ്മ​ദ് അ​ൽ ജാ​ബി​ർ അ​സ്സ​ബാ​ഹ്, കി​രീ​ടാ​വ​കാ​ശി ശൈ​ഖ് സ​ബാ​ഹ് ഖാ​ലി​ദ് അ​ൽ ഹ​മ​ദ് അ​ൽ മു​ബാ​റ​ക് അ​സ്സ​ബാ​ഹ് എ​ന്നി​വ​ർ പ​​ങ്കെ​ടു​ക്കും.

റോ​ഡ് ടു ഫൈ​ന​ൽ

​ഗ്രൂ​പ് ഘ​ട്ട മ​ത്സ​ര​ങ്ങ​ൾ

ഒ​മാ​ൻ 1 - കു​വൈ​ത്ത് 1

ഒ​മാ​ൻ 2 - ഖ​ത്ത​ർ 1

ഒ​മാ​ൻ 1 - യു.​എ.​ഇ 1

സെ​മി ഫൈ​ന​ൽ

ഒ​മാ​ൻ 2 - സൗ​ദി 1