യ​മ​നി​നു​ള്ള കൈ​ത്താ​ങ്ങ്​ തു​ട​രു​ന്നു; 30 പേ​ർ​ക്ക്​​ കൂ​ടി കൃ​ത്രി​മ കൈ​കാ​ലു​ക​ൾ ന​ൽ​കി

മ​സ്ക​ത്ത്​: യ​മ​നി​ലെ സം​ഘ​ർ​ഷത്തി​ൽ പ​രി​ക്കേ​റ്റ 30പേ​ർ​ക്ക്​ കൂ​ടി കൃ​ത്രി​മ കൈ​കാ​ലു​ക​ൾ ന​ൽ​കി ഒ​മാ​ൻ. സ​ലാ​ല​യി​ലെ അ​റേ​ബ്യ​ൻ പ്രോ​സ്‌​തെ​റ്റി​ക്‌​സ് സെ​ന്റ​റി​ൽ (എ.​പി.​സി) ക​ഴി​ഞ്ഞ ദി​വ​സ​മാ​ണ്​ ഇ​വ​രു​ടെ ചി​കി​ത്സ ന​ട​പ​ടി​ക​ൾ പൂ​ർ​ത്തി​യാ​യ​ത്. ഇ​​തോ​ടെ കൃ​ത്രി​മ കൈ​കാ​ലു​ക​ൾ ന​ൽ​കി ഇ​തി​ന​കം 930 പേ​രെ​യാ​ണ് സാ​ധാ​ര​ണ ജീ​വി​ത​ത്തി​​ലേ​ക്ക് സു​ൽ​ത്താ​നേ​റ്റ്​ കൈ​പി​ടി​ച്ച്​ ന​ട​ത്തി​യ​ത്.

യ​മ​നി​ൽ എ​ട്ടു​വ​ർ​ഷ​മാ​യി തു​ട​രു​ന്ന ആ​ഭ്യ​ന്ത​ര സം​ഘ​ർ​ഷ​ത്തി​ൽ ഇ​തു​വ​രെ ആ​യി​ര​ക്ക​ണ​ക്കി​നാ​ളു​ക​ളാ​ണ്​ കൊ​ല്ല​പ്പെ​ടു​ക​യും വി​ക​ലാം​ഗ​രാ​ക്ക​പ്പെ​ടു​ക​യും ചെ​യ്തി​ട്ടു​ള്ള​ത്. സ്ത്രീ​ക​ളും കു​ട്ടി​ക​ളും ഉ​ൾ​പ്പെ​ടെ പ​രി​ക്കേ​റ്റ​വ​ർ​ക്ക് കേ​ന്ദ്ര​ത്തി​ൽ വൈ​ദ്യ​സ​ഹാ​യ​വും കൃ​ത്രി​മ കൈ​കാ​ലു​ക​ളും ന​ൽ​കു​ന്നു​ണ്ടെ​ന്ന് എ.​പി.​സി ഡ​യ​റ​ക്ട​ർ വ​ഹാ​ബ് അ​ൽ അ​മ​ർ അ​റി​യി​ച്ചു. അം​ഗ​വൈ​ക​ല്യ​മു​ള്ള യ​മ​നി​ക​ൾ​ക്ക് കൃ​ത്രി​മ അ​വ​യ​വ​ങ്ങ​ൾ ഉ​പ​യോ​ഗി​ക്കാ​ൻ പ്ര​ത്യേ​ക സം​ഘ​മാ​ണ്​ പ​രി​ശീ​ലി​പ്പി​ക്കു​ന്ന​ത്.

സെ​ന്‍റ​റി​ലെ 16ാമ​ത്തെ ബാ​ച്ചി​ന്‍റെ ചി​കി​ത്സ​യും പ​രി​ശീ​ല​ന​വു​മാ​ണ്​ വ്യാ​ഴാ​ഴ്ച പൂ​ർ​ത്തി​യാ​യ​തെ​ന്ന്​ അ​ൽ അ​മ​ർ പ​റ​ഞ്ഞു. ദു​രി​ത​ബാ​ധി​ത​രാ​യ യ​മ​നി​ക​ളോ​ട് സു​ൽ​ത്താ​നേ​റ്റ് കാ​ണി​ക്കു​ന്ന മാ​നു​ഷി​ക ശ്ര​മ​ങ്ങ​ളെ അ​ദ്ദേ​ഹം അ​ഭി​ന​ന്ദി​ച്ചു.

ജ​ർ​മ​ൻ പ്രോ​സ്തെ​റ്റി​ക്സ് ക​മ്പ​നി​യാ​യ ഒ​ട്ടോ​ബോ​ക്കി​ന്റെ സ​ഹ​ക​ര​ണ​ത്തോ​ടെ അം​ഗ​വൈ​ക​ല്യ​മു​ള്ള​വ​ർ​ക്ക് പു​ന​ര​ധി​വാ​സ സേ​വ​ന​ങ്ങ​ൾ ന​ൽ​കു​ന്ന ചാ​രി​റ്റ​ബി​ൾ ഓ​ർ​ഗ​നൈ​സേ​ഷ​നാ​ണ് എ.​പി.​സി. പ​രി​ക്കേ​റ്റ യ​മ​നി​ക​ൾ​ക്ക് സു​ൽ​ത്താ​നേ​റ്റി​ന്‍റെ സ​ഹാ​യ​ത്തോ​ടെ മി​ക​ച്ച പ​രി​ച​ര​ണം ന​ൽ​കു​ക എ​ന്ന ല​ക്ഷ്യ​ത്തോ​ടെ​യാ​ണ് എ.​പി.​സി ആ​രം​ഭി​ച്ച​ത്.

യ​മ​നി​ലെ സ​ന, ഇ​ബ്ബ്, മ​ആ​രി​ബ് എ​ന്നി​വി​ട​ങ്ങ​ളി​ൽ​നി​ന്ന് പ​രി​ക്കേ​റ്റ അ​മ്പ​ത് ആ​ളു​ക​ളാ​ണ്​ ഒ​മാ​നി​ലെ കേ​ന്ദ്ര​ത്തി​ൽ ചി​കി​ത്സ​യും പു​ന​ര​ധി​വാ​സ പ​രി​പാ​ടി​യും വി​ജ​യ​ക​ര​മാ​യി പൂ​ർ​ത്തി​യാ​ക്കി പു​തി​യ ജീ​വി​ത​ത്തി​ലേ​ക്ക്​ ന​ട​ന്നു ക​യ​റി​യ​ത്​.