ബദർ അൽ സമായിൽ ഗർഭിണികൾക്കുള്ള പ്രത്യേക പാക്കേജിന്​ തുടക്കമായി

മസ്​കത്ത്​: ബദർ അൽ സമാ ഗ്രൂപ്പിന്​ കീഴിലുള്ള ആശുപത്രികളിൽ ഗർഭിണികൾക്കുള്ള പ്രത്യേക പാക്കേജിന്​ തുടക്കമായി. ഗർഭിണിയാകുന്ന സമയം മുതൽ പ്രസവം വരെ നീളുന്ന സമഗ്രമായ പ്രൊഫഷനൽ രീതിയിലുള്ള പരിചരണമാണ്​ ബദർ മെറ്റേണിറ്റി ആൻറ്​ ഡെലിവറി പ്രോഗ്രാം വഴി ലഭിക്കുക. ഡോക്​ടർമാർ, മുതിർന്ന മാനേജ്​മെൻറ്​ പ്രതിനിധികൾ, മറ്റ്​ വിശിഷ്​ട വ്യക്​തികൾ തുടങ്ങിയവരുടെ സാന്നിധ്യത്തിൽ

ഒാൺലൈനിൽ നടന്ന പരിപാടിയിലാണ്​ ബദർ മെറ്റേണിറ്റി ആൻറ്​ ഡെലിവറി പ്രോഗ്രാമിന്​ തുടക്കമായത്​. ഒമാൻ വനിതാ അസോസിയേഷൻ ക്ലിനിക്കൽ കമ്മിറ്റി മേധാവി ഡോ.ദീന അൽ അഫ്​സൂർ ചടങ്ങിൽ വിശിഷ്​ടാതിഥിയായിരുന്നു. ബദർ അൽ സമ ബർക്ക ബ്രാഞ്ച്​ മേധാവി ഷംനാദ്​ അമൻ പരിപാടിയിൽ സ്വാഗതം ആശംസിച്ചു.

ഗർഭിണികൾക്ക്​ പ്രത്യേക പരിചരണം ഉറപ്പാക്കുന്നതാണ്​ ബദർ മെറ്റേണിറ്റി ആൻറ്​ ഡെലിവറി പ്രോഗ്രാമെന്ന്​ പരിപാടിയിൽ സംസാരിച്ച ഗ്രൂപ്പ്​ സി.ഇ.ഒ പി.ടി സമീർ പറഞ്ഞു. പാക്കേജിൽ എൻറോൾ ചെയ്യുന്നവർക്ക്​ അതത്​ ഒാരോ ബ്രാഞ്ചിൽ ബന്ധപ്പെടാനുള്ള നമ്പർ നൽകും. ഇതുവഴി മതിയായ സഹായങ്ങളും വിവരങ്ങളും ഉറപ്പുവരുത്താൻ കഴിയും. പ്രസവ സമയത്തെ എല്ലാ സങ്കീർണതകളും കൈകാര്യം ചെയ്യാൻ കഴിയുന്ന വിദഗ്​ധ ഡോക്​ടർമാരും സംവിധാനങ്ങളുമാണ്​ ബദർ അൽ സമായിലുള്ളതെന്ന്​ സി.ഇ.ഒ പറഞ്ഞു.

ഒമാനിലെ ഗർഭിണികളാകാൻ സാധ്യതയുള്ള അമ്പത്​ ശതമാനം സ്​ത്രീകൾക്കും വിവിധ തലങ്ങളിലുള്ള പരിചരണം ആവശ്യമാണെന്ന്​ വിശിഷ്​ടാതിഥിയായ ഡോ.ദീന അൽ അഫ്​സൂർ പറഞ്ഞു. ഇൗ സാഹചര്യത്തിൽ ബദർ മെറ്റേണിറ്റി ആൻറ്​ ഡെലിവറി പോലുള്ള പാക്കേജുകൾ ഏ​െർ ഉപകാരപ്രദമാണെന്നും അവർ കൂട്ടിച്ചേർത്തു. ബ്രാൻഡിങ്​ ആൻറ്​ കമ്മ്യൂണിക്കേഷൻ വിഭാഗം ആസിഫ്​ ഷാ പാക്കേജിനെ കുറിച്ച്​ വിശദീകരിച്ചു. മൂന്ന്​ മാസം മുതലുള്ള കാലയളവിൽ പാക്കേജിൽ ചേരാൻ കഴിയും. ഒബ്​സ്​റ്റെട്രീഷ്യൻസുമായുള്ള കൺസൾ​േട്ടഷൻ, അൾട്രാ സൗണ്ട്​ സ്​കാൻ, കുട്ടിയുടെ വളർച്ചയറിയാനുള്ള സ്​കാൻ, എൻ.എസ്​.ടി സ്​കാൻ, ഡെലിവറി തുടങ്ങി വിവിധ തലങ്ങളിലുള്ള പരിചരണങ്ങൾ ഇൗ പാക്കേജിൽ ലഭിക്കും. 250 റിയാൽ മുതലാണ്​ നിരക്ക്​. ഇത്​ ഇൻസ്​റ്റാൾമെൻറായി അടക്കാനും സൗകര്യമുണ്ടാകും. ഗർഭിണികൾക്ക്​ പ്രത്യേക കൗൺസലിങ്​ സെഷനുകളും ലഭിക്കും. റൂവി ബദർ അൽ സമായിലെ സീനിയർ കൺസൾട്ടൻറ്​ (വിസിറ്റിങ്​) ഡോ.താഹിറ കാസ്​മി, അൽ ഖൂദിലെ സ്​പെഷ്യലിസ്​റ്റ്​ ഗൈനക്കോളജിസ്​റ്റ്​ ഡോ.സ്​മിത മോഹൻ എന്നിവരും സംസാരിച്ചു. ഗ്രൂപ്പ്​ സി.ഒ.ഒ. ജേക്കബ്​ ഉമ്മൻ നന്ദി പറഞ്ഞു. പുതിയ മെഡിക്കൽ പാക്കേജുകൾ അവതരിപ്പിക്കുന്നതിൽ ഡയറക്​ടർ ബോർഡ്​ അംഗങ്ങളായ അബ്​ദുൽ ലത്തീഫും ഡോ.പി.എ മുഹമ്മദും നൽകുന്ന പിന്തുണക്ക്​ അദ്ദേഹം നന്ദി പറഞ്ഞു.