കാ​ഴ്ച​യു​ടെ വ​സ​ന്ത​ങ്ങ​ൾ തീ​ർ​ത്ത് ബാ​ത്തി​ന ഫി​ലിം​ഫെ​സ്റ്റി​വ​ലി​ന്​ തി​ര​ശ്ശീ​ല വീ​ണു

മ​സ്ക​ത്ത്​: കാ​ഴ്ച​യു​ടെ പു​തു​വ​സ​ന്ത​ങ്ങ​ൾ തീ​ർ​ത്ത്​ ​ ബാ​ത്തി​ന ഇ​ന്റ​ർ​നാ​ഷ​ന​ൽ ഫി​ലിം ഫെ​സ്റ്റി​വ​ലി​ന്റെ ര​ണ്ടാം പ​തി​പ്പി​ന്​ ന​ഖ​ലി​ൽ തി​ര​ശ്ശീ​ല വീ​ണു.

ഒ​മാ​നി ഫി​ലിം സൊ​സൈ​റ്റി​യു​ടെ​യും സൗ​ത്ത് ബ​ത്തി​ന ഗ​വ​ർ​ണ​റു​ടെ ഓ​ഫി​സി​ന്റെ​യും ആ​ഭി​മു​ഖ്യ​ത്തി​ലാ​യി​രു​ന്നു​ നാ​ല്​ ദി​വ​സ​ങ്ങ​ളി​ലെ പ​രി​പാ​ടി . ക​ലാ​സൗ​ന്ദ​ര്യ​ത്തി​ന്റെ​യും അ​ന്ത​ർ​ദേ​ശീ​യ സാം​സ്കാ​രി​ക വി​നി​മ​യ​ത്തി​ന്റെ​യും ഉ​ജ്ജ്വ​ല​മാ​യ സം​യോ​ജ​ന​മാ​ണ് ​പ്ര​ദ​ർ​ശ​നം ഒ​രു​ക്കി​യി​രു​ന്ന​ത്.

പ്ര​ശ​സ്ത ഈ​ജി​പ്ഷ്യ​ൻ ച​ല​ച്ചി​ത്ര നി​ർ​മാ​താ​വ് അ​ഷ്‌​റ​ഫ് സാ​ക്കി മു​ഖ്യാ​തി​ഥി​യാ​യി. ഡോ. ​താ​ലി​ബ് അ​ൽ ബ​ലൂ​ഷി ഹ്ര​സ്വ​ചി​ത്ര​ങ്ങ​ളു​ടെ ജൂ​റി അം​ഗ​മാ​യി​രു​ന്നു. പ്രാ​ദേ​ശി​ക​മാ​യി നി​ർ​മി​ച്ച നി​ര​വ​ധി സി​നി​മ​ക​ളും ഷോ​ർ​ട്ട് ഫി​ലി​മു​ക​ളും അ​നി​മേ​ഷ​നു​ക​ളും ഡോ​ക്യു​മെ​ന്റ​റി​ക​ളും വി​വി​ധ അ​വാ​ർ​ഡി​നാ​യി മ​ത്സ​രി​ച്ചു. ഫി​ലിം ഫെ​സ്റ്റി​വ​ലി​ന്റെ ര​ണ്ടാം പ​തി​പ്പ് വ​ൻ വി​ജ​യ​മാ​യി​രു​ന്നു​വെ​ന്ന്​ ഫി​ലിം സൊ​സൈ​റ്റി മേ​ധാ​വി​യും ഫെ​സ്റ്റി​വ​ൽ ചെ​യ​ർ​മാ​നു​മാ​യ ഡോ. ​ഹ​മീ​ദ് അ​ൽ അ​മേ​രി പ​റ​ഞ്ഞു. സു​ൽ​ത്താ​നേ​റ്റി​നു​ള്ളി​ലെ സി​നി​മ സം​സ്കാ​ര​ത്തെ സ​മ്പ​ന്ന​മാ​ക്കു​ന്ന​തി​നും പ്രോ​ത്സാ​ഹി​പ്പി​ക്കു​ന്ന​തി​നും ല​ക്ഷ്യ​മി​ട്ടു​ള്ള ച​ല​ച്ചി​ത്ര പ്ര​ദ​ർ​ശ​ന​ങ്ങ​ൾ, സെ​മി​നാ​റു​ക​ൾ, സി​നി​മാ​റ്റി​ക് പ്ര​ഭാ​ഷ​ണ​ങ്ങ​ൾ എ​ന്നി​വ പ​രി​പാ​ടി​യു​ടെ ഭാ​ഗ​മാ​യി ന​ട​ന്നു​വെ​ന്ന്​ ഫെ​സ്റ്റി​വ​ൽ ഡ​യ​റ​ക്ട​ർ മു​ഹ​മ്മ​ദ് അ​ബ്ദു​ല്ല അ​ൽ അ​ജ്മി പ​റ​ഞ്ഞു.

ഒ​മാ​ന്റെ സാം​സ്കാ​രി​ക​വും ക​ലാ​പ​ര​വു​മാ​യ വൈ​ഭ​വം പ്ര​ദ​ർ​ശി​പ്പി​ക്കു​ന്ന​തി​നും ലോ​ക​മെ​മ്പാ​ടു​മു​ള്ള ച​ല​ച്ചി​ത്ര പ്ര​വ​ർ​ത്ത​ക​രു​മാ​യി സം​സ്കാ​ര​ങ്ങ​ളും ആ​ശ​യ​ങ്ങ​ളും കൈ​മാ​റ്റം ചെ​യ്യു​ന്ന​തി​നും ഫെ​സ്റ്റി​വ​ൽ വേ​ദി​യാ​യി.

ഒ​മാ​നെ കൂ​ടാ​തെ, ഈ​ജി​പ്ത്, സൗ​ദി അ​റേ​ബ്യ, യു.​എ.​ഇ, ബ​ഹ്‌​റൈ​ൻ, ജോ​ർ​ഡ​ൻ, തു​നീ​ഷ്യ, മൊ​റോ​ക്കോ, ഇ​റാ​ഖ്, ഇ​റാ​ൻ, യു​നൈ​റ്റ​ഡ് സ്റ്റേ​റ്റ്‌​സ്, സി​റി​യ, അ​ൽ​ജീ​രി​യ, പാ​കി​സ്താ​ൻ, ലി​ബി​യ, നെ​ത​ർ​ല​ൻ​ഡ്‌​സ്, യ​മ​ൻ എ​ന്നി​ങ്ങ​നെ 17 രാ​ജ്യ​ങ്ങ​ളി​ൽ​നി​ന്നു​ള്ള പ​ങ്കാ​ളി​ത്തം ഈ ​വ​ർ​ഷം മേ​ള​യി​ലു​ണ്ടാ​യി​രു​ന്നു. ക​ല​യ്ക്കും ച​ല​ച്ചി​ത്ര നി​ർ​മാ​ണ​ത്തി​നും ന​ൽ​കി​യ സം​ഭാ​വ​ന​ക​ൾ പ​രി​ഗ​ണി​ച്ച്​ തെ​ക്ക​ൻ ബാ​ത്തി​ന ഗ​വ​ർ​ണ​റേ​റ്റി​ൽ​നി​ന്നു​ള്ള പ്ര​തി​ഭ​ക​ളെ ഫെ​സ്റ്റി​വ​ലി​ൽ ആ​ദ​രി​ച്ചു. സം​വി​ധാ​യ​ക​രാ​യ സ​ഈ​ദ്​ മൂ​സ, നാ​സ​ർ അ​ൽ റു​ഖൈ​ഷി, വാ​ലി​ദ് അ​ൽ ഖ​റൂ​സി, മു​ഹ​മ്മ​ദ് അ​ൽ റു​ഖൈ​ഷി, ഹു​സൈ​ൻ അ​ൽ ബ​ലൂ​ഷി, ക​ലാ​കാ​ര​ന്മാ​രാ​യ ഫ​ഖ്രി​യ ഖ​മീ​സ്, അ​ബ്ദു​ൽ ഹ​ക്കിം അ​ൽ സാ​ൽ​ഹി, ന​ജ്ം അ​ൽ ജ​റാ​ദി, അ​ലി അ​ബ്ദു​ഹ്, ഫോ​ട്ടോ​ഗ്രാ​ഫ​ർ മു​ഹ​മ്മ​ദ് അ​ൽ ബ​ലൂ​ഷി എ​ന്നി​വ​രെ​യാ​ണ്​ ആ​ദ​രി​ച്ച​ത്.

ഒ​മാ​ന്റെ സ​മ്പ​ന്ന​മാ​യ പൈ​തൃ​ക​വും സാം​സ്കാ​രി​ക സ്ഥ​ല​ങ്ങ​ളും ഉ​യ​ർ​ത്തി​ക്കാ​ട്ടു​ക, ആ​ഗോ​ള സാം​സ്കാ​രി​ക പ്ര​സ്ഥാ​ന​വു​മാ​യി അ​തി​നെ സ​മ​ന്വ​യി​പ്പി​ക്കു​ക എ​ന്നി​വ ഫെ​സ്റ്റി​വ​ലി​ന്‍റെ ല​ക്ഷ്യ​മാ​ണെ​ന്ന്​ അ​ജ്മി സൂ​ചി​പ്പി​ച്ചു. ആ​ഗോ​ള സാം​സ്കാ​രി​ക-​സി​നി​മ ലാ​ൻ​ഡ്‌​സ്‌​കേ​പ്പി​ന്റെ ഒ​രു പ്ര​ധാ​ന ഭാ​ഗ​മാ​കാ​നു​ള്ള ഒ​മാ​ന്റെ യാ​ത്ര​യി​ലെ ഒ​രു സു​പ്ര​ധാ​ന ചു​വ​ടു​വെ​പ്പാ​ണ് ഈ ​ഫെ​സ്റ്റി​വ​ൽ അ​ട​യാ​ള​പ്പെ​ടു​ത്തു​ന്ന​ത്.