വ്യാപാര സ്ഥാപനങ്ങൾ അധിക സേവനങ്ങൾ നൽകാൻ അനുമതിയെടുക്കണം -മസ്​കത്ത്​ നഗരസഭ

മസ്​കത്ത്​: മസ്​കത്തിലെ വ്യാപാര സ്​ഥാപനങ്ങൾക്ക്​ ഉപഭോക്​താക്കൾക്ക്​ അധിക സേവനങ്ങൾ നൽകാൻ അനുമതിയില്ലെന്ന്​ മസ്​കത്ത്​ നഗരസഭ അറിയിച്ചു. ഇങ്ങനെ സേവനങ്ങൾ നൽകണമെന്നുള്ളവർ ആദ്യം നഗരസഭയിൽ നിന്ന്​ അനുമതിയെടുക്കണം. അനുമതിയില്ലാതെ പുതിയ സൗകര്യങ്ങൾ സ്​ഥാപനങ്ങളോട്​ കൂട്ടിച്ചേർക്കുകയും ചെയ്യരുതെന്നും നഗരസഭ പ്രസ്​താവനയിൽ അറിയിച്ചു.

ബിസിനസ്​ സ്​ഥാപനങ്ങൾ കോവിഡ്​ ആരോഗ്യ സുരക്ഷ നടപടിക്രമങ്ങൾ പാലിക്കുന്നുണ്ടെന്ന്​ ഉറപ്പുവരുത്താൻ ഉദ്യോഗസ്​ഥർ പരിശോധന നടത്തുന്നതി​െൻറ ഭാഗമായാണ്​ നഗരസഭയുടെ ഇൗ അറിയിപ്പ്​. നഗരസഭ നിശ്​ചയിച്ചിട്ടുള്ള സുരക്ഷ നടപടികൾ പാലിക്കുന്നുണ്ടെന്ന്​ സ്​ഥാപനങ്ങൾ ഉറപ്പാക്കണം. ജീവനക്കാർക്കുള്ള താമസ സ്​ഥലങ്ങളിലും സുരക്ഷ പാലിക്കണം.

ഷേവിങ്​ അല്ലാതെയുള്ള സേവനങ്ങൾ നൽകുന്ന ബാർബർഷോപ്പുകളിൽ പ്രത്യേക ആരോഗ്യമാർഗ നിർദേശങ്ങൾ നിലവിലുണ്ട്​. സ്​ത്രീകളുടെ ബ്യൂട്ടി പാർലറുകൾക്കും ഹെയർ ഡ്രസ്സിങ്​ സ്​ഥാപനങ്ങൾക്കും ഇൗ നിർദേശങ്ങൾ ബാധകമാണ്​. ഹെൽത്ത്​ ക്ലബുകൾ, ഫിറ്റ്​നസ്​ സെൻററുകൾ എന്നിവിടങ്ങളിൽ ഒരുക്കേണ്ട സൗകര്യങ്ങൾ സംബന്ധിച്ചും നിർദേശങ്ങൾ നിലവിലുണ്ട്​.