വാഹനാപകടം; എറണാകുളം സ്വദേശി ഒമാനിൽ മരിച്ചു

മസ്കത്ത്: വാഹനാപകടത്തിൽ എറണാകുളം സ്വദേശി ഒമാനിൽ മരിച്ചു. കോതമംഗലം നെല്ലിക്കുഴി കമ്പനി പടിയിൽ താമസിക്കുന്ന കൊമ്പനാകുടി സാദിഖ് (23) ആണ് ലിവ സനയ്യയിലുണ്ടായ വാഹനാപകടത്തിൽ മരിച്ചത്. അവിവാഹിതനാണ്.

പിതാവ്: ഷമീർ. മാതാവ്: റഷീദ. മൃതദേഹം കെ.എം.സി.സിയുടെ നേതൃത്വത്തിൽ തുടർ നടപടിക്രമങ്ങൾ പൂർത്തിയാക്കി നാട്ടിൽ കൊണ്ടുപോകുമെന്ന് ഭാരവാഹികൾ അറിയിച്ചു. മയ്യിത്ത് നെല്ലിക്കുഴി കാട്ടുപറമ്പ് ജുമാ മസ്ജിദ് കബർസ്ഥാനിൽ മറവുചെയ്യുമെന്ന് ബന്ധപ്പെട്ടവർ അറിയിച്ചു.