ഒമാനിൽ കമ്പനികൾക്ക്​ താമസ സ്​ഥലങ്ങൾ െഎസോലേഷന്​​ ഉപയോഗിക്കാം

മസ്​കത്ത്​: കമ്പനികൾക്കും സ്വകാര്യ സ്​ഥാപനങ്ങൾക്കും അവരുടെ ജീവനക്കാർക്കുള്ള താമസ സ്​ഥലങ്ങൾ നിശ്​ചിത മാർഗ നിർദേശങ്ങൾക്ക്​ വിധേയമായി ഇൻസ്​റ്റിറ്റ്യൂഷനൽ ​െഎസോലേഷൻ സംവിധാനമൊരുക്കുന്നതിനായി ഉപയോഗിക്കാമെന്ന്​ ഗവൺമെൻറ്​ കമ്മ്യൂണിക്കേഷൻ സെൻറർ അറിയിച്ചു. ആരോഗ്യ മന്ത്രാലയത്തി​െൻറ മാർഗ നിർദേശ പ്രകാരമുള്ള ടോയ്​ലെറ്റ്​ സൗകര്യത്തോടെയുള്ള ഒറ്റ മുറി വീതമാണ്​ ഒരുക്കേണ്ടത്​. ഭക്ഷണം നൽകുന്നതിന്​ കാറ്ററിങ്​ സൗകര്യമൊരുക്കണം. ഡിസ്​പോസിബിൾ പാത്രങ്ങളായിരിക്കണം ഭക്ഷണ വിതരണത്തിന്​ ഒരുക്കേണ്ടത്​. ​െഎസോലേഷനിൽ ഉള്ളയാളുടെ വസ്​ത്രങ്ങൾ അലക്കാൻ സൗകര്യമേർപ്പെടുത്തണം. ജീവനക്കാരെ വിമാനത്താവളത്തിൽ നിന്ന്​ കമ്പനിയുടെ ​െഎസോലേഷൻ കേന്ദ്രത്തിൽ കമ്പനി ചെലവിൽ എത്തിക്കാൻ സൗകര്യമൊരുക്കുകയും വേണം. രണ്ടാമത്​ പി.സി.ആർ പരിശോധന നടത്താനും ബ്രേസ്​ലെറ്റുകൾ നീക്കം ചെയ്യാനും കമ്പനിയുടെ ​െഎസോലേഷൻ സ്​ഥലത്ത്​ സൗകര്യമൊരുക്കണം. ഇതിനായി ആരോഗ്യ മന്ത്രാലയത്തി​െൻറ അംഗീകാരമുള്ള സ്വകാര്യ ആരോഗ്യ സ്​ഥാപനങ്ങളുമായി കരാറിൽ ഏർപ്പെടണം. ആരോഗ്യ മന്ത്രാലയത്തി​െൻറ മാർഗ നിർദേശങ്ങൾ പ്രകാരം ​െഎസോലേഷന്​ വേണ്ടി ഉപയോഗിക്കാവുന്ന മുറികളെ കുറിച്ചും അവയുടെ ശേഷിയെ കുറിച്ചും ധാരണയുണ്ടാകണം. മുറികളും പരിസരവും വൃത്തിയുള്ള അന്തരീക്ഷമായിരിക്കണം. മാലിന്യങ്ങൾ ശേഖരിക്കുന്നതിന്​ ശരിയായ രീതിയിലുള്ള സംവിധാനം ഏർപ്പെടുത്തണം. ​െഎസോലേഷനിൽ ഇരിക്കുന്നവർക്ക്​ ഏതെങ്കിലും അടിയന്തിര ചികിൽസ ആവശ്യമുള്ള പക്ഷം ആശുപത്രിയിൽ എത്തിക്കാൻ സൗകര്യം വേണം. ഇതിന്​ സ്വകാര്യ ആരോഗ്യ സ്​ഥാപനവുമായി ധാരണയിലെത്തുന്നതിന്​ ഒപ്പം പ്രത്യേക വാഹനം സജ്ജീകരിക്കുകയും വേണം. മുഖാവരണങ്ങൾ, രോഗാണുനാശിനികൾ, ശുചീകരണ വസ്​തുക്കൾ, ആക്കഹോൾ സ്​റ്റെറിലൈസറുകൾ എന്നിവ താമസ സ്​ഥലത്ത്​ സജ്ജമാക്കണം. ഇ-മുഷ്​രിഫ്​ കമ്പനിയിൽ നിന്നുള്ള ഉപകരണം (റസീദ്​) സ്വന്തം ചെലവിൽ സ്​ഥാപിക്കണം. ​െഎസോലേഷൻ കേന്ദ്രവുമായി ബന്ധപ്പെട്ട കാര്യങ്ങൾ നിയന്ത്രിക്കാൻ പ്രത്യേകം റിസപ്​ഷൻ ഡെസ്​ക്​ സ്​ഥാപിക്കണം. ​െഎസോലേഷൻ കേന്ദ്രത്തി​െൻറ പ്രത്യേക കവാടത്തിൽ തെർമൽ കാമറകൾ സ്​ഥാപിക്കണം.

കമ്പനിയുടെ സ്​ഥലം ​െഎസോലേഷനായി ഉപയോഗിക്കുന്നതിനുള്ള അപേക്ഷ ഗവർണറേറ്റിലെ സാമൂഹിക വികസന വകുപ്പ്​ ഡയറക്​ടർ ജനറൽ അല്ലെങ്കിൽ റിലീഫ്​ ആൻറ്​ ഷെൽറ്റർ വിഭാഗം സൂപ്പർവൈസർക്കാണ്​ നൽകേണ്ടത്​. റോയൽ ഒമാൻ പൊലീസ്​, മെഡിക്കൽ റെസ്​പോൺസ്​ സെക്​ടർ, പബ്ലിക്​ ഹെൽത്ത്​, റിലീഫ് ആൻറ്​ ഷെൽട്ടർ വിഭാഗം പ്രതിനിധികൾ അടങ്ങിയ ടെക്​നികൽ വർക്ക്​ സംഘം ഫീൽഡ്​ പരിശോധന നടത്തിയ ശേഷമാണ്​ അനുമതി നൽകുക. സുരക്ഷാ സംവിധാനങ്ങൾ ഒരുക്കുന്നതിന്​ ഒപ്പം പ്രവേശ കവാടങ്ങളിൽ സുരക്ഷാ കാമറകൾ സ്​ഥാപിക്കുകയും വേണം. യാത്രക്കാരൻ വിമാനത്താവളത്തിൽ റെസിഡൻറ്​ കാർഡും കമ്പനിയുടെ ​െഎസോലേഷൻ കേന്ദ്രത്തിലാണ്​ താമസിക്കാൻ പോകുന്നതെന്ന കത്ത്​ നൽകുകയും വേണം.