കോ​​ൺ​ഗ്ര​സ്​ ന​വീ​ക​ര​ണ പാ​ത​യി​ൽ -ബെ​ന്നി ബ​ഹ​നാ​ൻ എം.​പി

മ​സ്ക​ത്ത്: കോ​​ൺ​ഗ്ര​സ്​ സ്വ​യം​ ന​വീ​ക​ര​ണ​ത്തി​ന്‍റെ പാ​ത​യി​ലാ​ണെ​ന്നും ഇ​തി​ന്‍റെ ഭാ​ഗ​മാ​യാ​യി​രു​ന്നു പാ​ർ​ട്ടി അ​ധ്യ​ക്ഷ സ്ഥാ​ന​ത്തേ​ക്ക്​ ന​ട​ന്ന തെ​ര​ഞ്ഞെ​ടു​പ്പെ​ന്നും​ കോ​ൺ​ഗ്ര​സ്​ നേ​താ​വും എം.​പി​യു​മാ​യ ബെ​ന്നി ബ​ഹ​നാ​ൻ പ​റ​ഞ്ഞു. ഒ.​ഐ.​സി.​സി ഒ​മാ​ൻ മു​ൻ പ്ര​സി​ഡ​ന്‍റ്​ സി​ദ്ദീ​ഖ്​ ഹ​സ​ന്‍റെ നേ​തൃ​ത്വ​ത്തി​ൽ ന​ട​ന്ന ഓ​ണാ​ഘോ​ഷ പ​രി​പാ​ടി​യി​ൽ പ​​ങ്കെ​ടു​ക്കാ​ൻ എ​ത്തി​യ അ​ദ്ദേ​ഹം 'aഗ​ൾ​ഫ്​ മാ​ധ്യ​മ'​വു​മാ​യി സം​​സാ​രി​ക്കു​ക​യാ​യി​രു​ന്നു. രാ​ജ്യം ഇ​ന്ന്​ അ​ഭി​മു​ഖീ​ക​രി​ക്കു​ന്ന വെ​ല്ലു​വി​ളി​ക​​ളെ നേ​രി​ടാ​ൻ കോ​ൺ​ഗ്ര​സ്​ ശ​ക്തി​പ്പെ​ടേ​ണ്ട​തു​ണ്ട്. സം​ഘ​ട​ന​പ​ര​മാ​യും ആ​ശ​യ​പ​ര​മാ​യും ന​വീ​ക​ര​ണ​വും ബ​ല​പ്പെ​ടു​ത്ത​ലും ആ​വ​ശ്യ​മാ​ണ്. ഇ​തി​നു​ള്ള തു​ട​ക്ക​മെ​ന്ന നി​ല​യി​ലാ​ണ്​ അ​ധ്യ​ക്ഷ സ്ഥാ​ന​ത്തേ​ക്ക്​ ജ​നാ​ധി​പ​ത്യ​മൂ​ല്യ​ങ്ങ​ൾ ഉ​യ​ർ​ത്തി​പ്പി​ടി​ച്ച്​ ന​ട​ന്ന തെ​ര​ഞ്ഞെ​ടു​പ്പ്. ഇ​ന്ത്യ​യി​ലെ ഒ​രു പാ​ർ​ട്ടി​ക്കും അ​വ​കാ​ശ​പ്പെ​ടാ​നാ​കി​ല്ല ഇ​ത്ത​ര​ത്തി​ലു​ള്ള തെ​ര​ഞ്ഞെ​ടു​പ്പ്. എ​ല്ലാ​വ​രു​ടെ​യും അ​ഭി​പ്രാ​യ​ങ്ങ​ൾ രേ​ഖ​പ്പെ​ടു​ത്താ​നു​ള്ള അ​വ​സ​ര​മാ​യി​രു​ന്നു ഇ​തി​ലൂ​ടെ ല​ഭി​ച്ച​ത്. മ​ത്സ​ര​ത്തി​ൽ മ​ല്ലി​കാ​ർ​ജു​ൻ ഖാ​ർ​ഗെ​യും ശ​ശി ത​രൂ​രും വി​ജ​യി​ച്ചു​വെ​ന്ന്​ വി​ല​യി​രു​ത്താ​നാ​ണി​ഷ്​​ടം. ശ​ശി ത​രൂ​രി​നെ കൂ​ടി ഉ​ൾ​പ്പെ​ടു​ത്തി പാ​ർ​ട്ടി മു​ന്നോ​ട്ടു​പോ​കു​മെ​ന്നാ​ണ്​ ഖാ​ർ​ഗെ അ​റി​യി​ച്ചി​രി​ക്കു​ന്ന​ത്. പാ​ർ​ട്ടി​ക്ക്​ പൂ​ർ​ണ​പി​ന്തു​ണ ശ​ശി ത​രൂ​രും അ​റി​യി​ച്ചി​ട്ടു​ണ്ട്. സം​ഘ​ട​ന​യെ ബ​ല​പ്പെ​ടു​ത്തു​ന്ന​തി​നും ആ​ശ​യ​പ​ര​മാ​യി ന​വീ​ക​രി​ക്കു​ന്ന​തി​നും തെ​ര​ഞ്ഞെ​ടു​പ്പ്​ സ​ഹാ​യ​ക​ര​മാ​യി​ട്ടു​ണ്ടെ​ന്നും അ​ദ്ദേ​ഹം പ​റ​ഞ്ഞു.

ശ​ശി ത​രൂ​രി​നെ അ​വ​ഗ​ണി​ക്കാ​നാ​വി​ല്ല

പാ​ർ​ട്ടി​ക്ക​ക​ത്ത്​ അ​വ​ഗ​ണി​ക്ക​പ്പെ​ടാ​നാ​കാ​ത്ത നേ​താ​വാ​ണ്​ ശ​ശി ത​രൂ​ർ. അ​ദ്ദേ​ഹ​ത്തി​ന്‍റെ അ​റി​വും വ്യ​ക്തി​ത്വ​വും കാ​ഴ്ച​പ്പാ​ടു​ക​ളു​മെ​ല്ലാം പാ​ർ​ട്ടി​ക്ക്​ ഏ​റ്റ​വും വ​ലി​യ മു​ത​ൽ​ക്കൂ​ട്ടാ​ണ്. ഐ​ക്യ​രാ​ഷ്ട്ര സ​ഭ​യി​ൽ​നി​ന്ന്​ തി​രി​ച്ചു​വ​ന്ന​പ്പോ​ൾ അ​ദ്ദേ​ഹ​ത്തെ സ്വീ​ക​രി​ച്ച്​ സ്ഥാ​നാ​ർ​ഥി​യാ​ക്കി​യ പാ​ർ​ട്ടി​യാ​ണ്​ കോ​ൺ​ഗ്ര​സ്. ​ശ​ശി ത​രൂ​രി​നെ പോ​ലെ​യു​ള്ള നേ​താ​വി​നെ കോ​ൺ​ഗ്ര​സി​നേ ഉ​ൾ​ക്കൊ​ള്ളാ​ൻ സാ​ധി​ക്കൂ​വെ​ന്ന​തി​ന്‍റെ തെ​ളി​വാ​ണ്​ മൂ​ന്നു​വ​ട്ടം അ​ദ്ദേ​ഹ​ത്തെ ജ​ന​പ്ര​തി​നി​ധി​യാ​ക്കി​യ​ത്. ഇ​നി​യും അ​ദ്ദേ​ഹ​ത്തി​ന്‍റെ ക​ഴി​വു​ക​ൾ പാ​ർ​ട്ടി പ്ര​യോ​ജ​ന​പ്പെ​ടു​ത്തും.

പി​ണ​റാ​യി അ​ധി​കാ​രം ആ​സ്വ​ദി​ക്കു​ന്നു

ര​ണ്ടാം പി​ണ​റാ​യി സ​ർ​ക്കാ​ർ കേ​ര​ളം അ​ഭി​മു​ഖീ​ക​രി​ക്കു​ന്ന പ​ല പ്ര​ശ്ന​ങ്ങ​ളെ​യും അ​വ​ഗ​ണി​ക്കു​ന്നു. കേ​ര​ള​ത്തി​ന്‍റെ സാ​മ്പ​ത്തി​ക സ്ഥി​തി ദു​ർ​ബ​ല​മാ​യി​ക്കൊ​ണ്ടി​രി​ക്കു​ക​യാ​ണ്. വി​ക​സ​ന പ്ര​വ​ർ​ത്ത​ന​ങ്ങ​ൾ​ക്ക്​ പ​ണ​മി​ല്ല എ​ന്ന​തി​ന​പ്പു​റ​ത്തേ​ക്ക്​ ദൈ​നം​ദി​ന ആ​വ​ശ്യ​ങ്ങ​ൾ നി​റ​വേ​റ്റാ​ൻ പോ​ലും സ​ർ​ക്കാ​ർ ബു​ദ്ധി​മു​ട്ടു​ക​യാ​ണ്. കേ​ര​ള​ത്തി​ന്‍റെ ക്ര​മ​സ​മാ​ധാ​നം മു​മ്പെ​ങ്ങു​മി​ല്ലാ​ത്ത​വി​ധം ത​ക​ർ​ന്നി​രി​ക്കു​ന്നു. ആ​ഭ്യ​ന്ത​ര വ​കു​പ്പി​നെ​തി​രെ ഇ​ട​തു​ മു​ന്ന​ണി​യു​ടെ ഘ​ട​ക​ക്ഷി​യാ​യ സി.​​പി.​ഐ​പോ​ലും ക​ടു​ത്ത വി​മ​ർ​ശ​ന​മാ​ണ്​ ഉ​ന്ന​യി​ക്കു​ന്ന​ത്. കാ​ർ​ഷി​ക, വി​ദ്യാ​ഭ്യാ​സ, ആ​രോ​ഗ്യ മേ​ഖ​ല​ക​ളെ​ല്ലാം ഇ​ന്ന്​ ക​ന​ത്ത വെ​ല്ലു​​വി​ളി​ക​ളാ​ണ്​ നേ​രി​ട്ടു​കൊ​ണ്ടി​രി​ക്കു​ന്ന​ത്. ന​ര​ബ​ലി, ല​ഹ​രി വ്യാ​പ​നം തു​ട​ങ്ങി​യ​വ​യു​മാ​യി ബ​ന്ധ​പ്പെ​ട്ട്​ ന​ട​ത്തി​യ പ്ര​തി​ക​ര​ണ​ത്തി​ൽ കേ​ര​ളം പി​റ​​കോ​ട്ടു​​പോ​കു​ന്നു​​വെ​ന്നാ​ണ്​ മു​ഖ്യ​മ​ന്ത്രി പ​റ​ഞ്ഞ​ത്. ക​ഴി​ഞ്ഞ ഏ​ഴു​വ​ർ​ഷം കേ​ര​ളം ഭ​രി​ക്കു​ന്ന​ത്​ ഇ​വ​രാ​ണ്. കേ​ര​ളം പി​റ​കോ​ട്ടു​പോ​യി​ട്ടു​ണ്ടെ​ങ്കി​ൽ അ​തി​ന്​ ഉ​ത്ത​ര​വാ​ദി​ക​ൾ ഇ​ട​തു സ​ർ​ക്കാ​റാ​ണ്.​ ​പി​ണ​റാ​യി അ​ധി​കാ​രം ഉ​പ​യോ​ഗി​ക്കു​ന്ന​തി​ന്​ പ​ക​രം ആ​സ്വ​ദി​ക്കു​ക​യാ​ണ്.

സ്വ​പ്ന​ക്കെ​തി​രെ എ​ന്തു​കൊ​ണ്ട്​ കേ​സ്​ കൊ​ടു​ക്കു​ന്നി​ല്ല?

സ​ർ​ക്കാ​റി​നെ​തി​രെ നി​ര​വ​ധി അ​ഴി​മ​തി ആ​രോ​പ​ണ​ങ്ങ​ളും ഉ​യ​ർ​ന്നി​ട്ടു​ണ്ട്. അ​തി​ലൊ​ന്നാ​ണ്​ ​സ്വ​പ്​​ന സു​രേ​ഷ്​ ഉ​ന്ന​യി​ച്ച​ത്. മു​ഖ്യ​മ​ന്ത്രി​യെ​യും അ​ടു​ത്ത ആ​ളു​ക​ളെ​യും പ്ര​തി​ക്കൂ​ട്ടി​ലാ​ക്കു​ന്ന​താ​ണ്​ ആ​രോ​പ​ണം. എ​ന്നാ​ൽ, ഇ​തേ​ക്കു​റി​ച്ച്​ പ്ര​തി​ക​രി​ക്കാ​ൻ മു​ഖ്യ​മ​ന്ത്രി ത​യാ​റാ​കു​ന്നി​ല്ല. ആ​രോ​പ​ണം തെ​റ്റാ​ണെ​ങ്കി​ൽ എ​ന്തു​കൊ​ണ്ട്​ സ്വ​പ്ന​ക്കെ​തി​രെ കേ​സു​കൊ​ടു​ക്കാ​ൻ മു​ഖ്യ​മ​ന്ത്രി ത​യാ​റാ​കു​ന്നി​ല്ല? സ്വ​പ്ന സു​രേ​ഷി​ന്‍റെ ആ​ത്മ​ക​ഥ​യി​ൽ പ​റ​ഞ്ഞി​രി​ക്കു​ന്ന കാ​ര്യ​ങ്ങ​ളി​ൽ യാ​ഥാ​ർ​ഥ്യ​മു​ണ്ടോ എ​ന്ന്​ വെ​ളി​പ്പെ​ടു​​​ത്തേ​ണ്ട ഉ​ത്ത​ര​വാ​ദി​ത്തം മു​ഖ്യ​മ​ന്ത്രി​ക്കു​ണ്ട്. സ്വ​പ്ന​യു​ടെ വെ​ളി​പ്പെ​ടു​ത്ത​ലി​ന്റെ പ​ശ്ചാ​ത്ത​ല​ത്തി​ൽ സ​ർ​ക്കാ​റി​നെ​തി​രെ ശ​ക്ത​മാ​യ സ​മ​ര​ത്തി​നാ​ണ്​ പ്ര​തി​പ​ക്ഷം ഒ​രു​ങ്ങു​ന്ന​ത്​.

​മൃ​ദു​ഹി​ന്ദു​ത്വം; ആ​രോ​പ​ണം ശ​രി​യ​ല്ല

ജോ​ഡോ യാ​ത്ര​ക്ക്​ പ്ര​തീ​ക്ഷി​ച്ച​തി​നെ​ക്കാ​ളും വ​ലി​യ​ പ്ര​തി​ക​ര​ണ​മാ​ണ് ല​ഭി​ക്കു​ന്ന​ത്. രാ​ഹു​ൽ ഗാ​ന്ധി ന​യി​ക്കു​ന്നു​വെ​ന്ന​തും ഇ​ന്ത്യ​യു​ടെ ഐ​ക്യ​മെ​ന്ന മു​ദ്രാ​വാ​ക്യ​വു​മാ​ണ്​ ഈ ​യാ​ത്ര​ക്ക്​ പി​ന്തു​ണ ല​ഭി​ക്കാ​നു​ള്ള പ്ര​ധാ​ന കാ​ര​ണം. കോ​ൺ​​ഗ്ര​സ്​ മൃ​ദു​ഹി​ന്ദു​ത്വം സ്വീ​ക​രി​ക്കു​ന്നു​വെ​ന്ന ആ​രോ​പ​ണം ശ​രി​യ​ല്ല. ആ​ർ.​എ​സ്.​എ​സി​നെ​യും ബി.​ജെ.​പി​യു​ടെ വ​ർ​ഗീ​യ അ​ജ​ണ്ട​യെ​യും എ​ന്നും എ​തി​ർ​ക്കു​ന്ന നേ​താ​വാ​ണ്​ രാ​ഹു​ൽ ഗാ​ന്ധി. ജോ​ഡോ യാ​ത്ര​യി​ലും ന​മു​ക്കി​ത്​ കാ​ണാ​വു​ന്ന​താ​ണ്. വ​ർ​ഗീ​യ​ത​ക്കെ​തി​രെ പോ​രാ​ട്ടം ന​ട​ത്താ​നു​ള്ള ശ​ക്തി​യും ശേ​ഷി​യും ഇ​ന്നും കോ​ൺ​ഗ്ര​സി​നു​ മാ​ത്ര​മാ​ണു​ള്ള​ത്. പ​ല പാ​ർ​ട്ടി​ക​ളും അ​വ​രു​ടെ വി​ജ​യ​ത്തി​നു​വേ​ണ്ടി ബി.​ജെ.​പി അ​ട​ക്ക​മു​ള്ള വ​ർ​ഗീ​യ ശ​ക്തി​ക​ളെ കൂ​ട്ടു​പി​ടി​ച്ചി​ട്ടു​ണ്ട്. എ​ന്നാ​ൽ, എ​ക്കാ​ല​ത്തും കോ​ൺ​​ഗ്ര​സ്​ വ​ർ​ഗീ​യ​ത​ക്ക്​ എ​തി​രാ​യി​രു​ന്നു.

ലീ​ഗ്​ യു.​ഡി.​എ​ഫി​ന്‍റെ അ​വി​ഭാ​ജ്യ​ഘ​ട​കം

മു​സ്​​ലിം ലീ​ഗ്​ യു.​ഡി.​എ​ഫ്​ വി​ട്ടു​പോ​കു​മെ​ന്ന പ്ര​ചാ​ര​ണം മാ​ധ്യ​മ സൃ​ഷ്ടി​യാ​ണ്. അ​ത്ത​രം ച​ർ​ച്ച​ക​​ൾ​പോ​ലും എ​വി​ടെ​യും ന​ട​ന്നി​ട്ടി​ല്ല. യു.​ഡി.​എ​ഫി​ന്‍റെ അ​വി​ഭാ​ജ്യ​ഘ​ട​ക​മാ​ണ്​ മു​സ്​​ലിം ലീ​ഗ്. കേ​ര​ള​ത്തി​ന്‍റെ ഇ​ന്ന​ത്തെ പ്ര​ത്യേ​ക സാ​ഹ​ച​ര്യ​ത്തി​ൽ യു.​ഡി.​എ​ഫി​നെ ശ​ക്തി​പ്പെ​ടു​ത്തി മു​ന്നോ​ട്ടു​പോ​കാ​നാ​ണ്​ തീ​രു​മാ​നി​ച്ചി​ട്ടു​ള്ള​തെ​ന്നും അ​ദ്ദേ​ഹം പ​റ​ഞ്ഞു.

ഗ​ൾ​ഫ്​ മാ​ധ്യ​മ​ത്തി​ന്‍റെ സ്​​നേ​ഹോ​പ​ഹാ​രം ബെ​ന്നി ബ​ഹ​നാ​ൻ എം.​പി​ക്ക്​ ​റെ​സി​ഡ​ന്‍റ്​ മാ​നേ​ജ​ർ ഷ​ക്കീ​ൽ ഹ​സ്സ​ൻ കൈ​മാ​റി. ഒ.​​ഐ.​സി.​സി മു​ൻ പ്ര​സി​ഡ​ന്‍റ്​ സി​ദ്ദീ​ഖ്​ ഹ​സ​ൻ, അ​നീ​ഷ്​ ക​ട​വി​ൽ, ഹൈ​ദ്രോ​സ്​ പതു​വ​ന, നൂറുദ്ധീൻ പയ്യന്നൂർ, അ​ൽ​ബാ​ജ്​ ബു​ക്സ്​ മാ​നേ​ജി​ങ്​ ഡ​യ​റ​ക്ട​ർ ഷൗ​ക്ക​ത്ത​ലി, ഗ​ൾ​ഫ്​ മാ​ധ്യ​മം മാ​ർ​ക്ക​റ്റി​ങ്​ മാ​നേ​ജ​ർ ഷൈ​ജു സ​ലാ​ഹു​ദ്ദീ​ൻ, മാ​ർ​ക്ക​റ്റി​ങ്​ എ​ക്സി​ക്യൂ​ട്ടി​വ്​ നി​ഹാ​ൽ ഷാ​ജ​ഹാ​ൻ, സ​ർ​ക്കു​ലേ​ഷ​ൻ കോ​ഓ​ഡി​നേ​റ്റ​ർ മു​ഹ​മ്മ​ദ്​ ന​വാ​സ്​ തു​ട​ങ്ങി​യ​വ​ർ സം​ബ​ന്ധി​ച്ചു. സ്വീ​ക​ര​ണ​ത്തി​ന്​ എം.​പി ന​ന്ദി അ​റി​യി​ച്ചു.

ഒ.​ഐ.​സി.​സി​യു​മാ​യി ബ​ന്ധ​പ്പെ​ട്ട കാ​ര്യ​ങ്ങ​ൾ ​​​​ നേ​തൃ​ത്വ​ത്തെ അ​റി​യി​ക്കും -എം.​പി

മ​സ്ക​ത്ത്​: ഒ​മാ​നി​ലെ ഒ.​ഐ.​സി.​സി​യു​മാ​യി ബ​ന്ധ​പ്പെ​ട്ട കാ​ര്യ​ങ്ങ​ൾ ​​​​കെ.​പി.​സി.​സി​യു​ടെ ​ശ്ര​ദ്ധ​യി​ൽ​പെ​ടു​ത്തു​മെ​ന്ന്​ ബെ​ന്നി ബ​ഹ​നാ​ൻ എം.​പി പ​റ​ഞ്ഞു. കേ​ര​ള​ക്ക​ര പ്ര​യാ​സ​മ​നു​ഭ​വി​ക്കു​മ്പോ​ൾ കൈ​യും മെ​യ്യും മ​റ​ന്ന്​ സ​ഹാ​യി​ക്കു​ന്ന​വ​രാ​ണ്​ കോ​ൺ​ഗ്ര​സു​കാ​രാ​യ പ്ര​വാ​സി​ക​ൾ. ​പ്ര​ള​യ​കാ​ല​ത്തും മ​റ്റും മു​ൻ ക​മ്മി​റ്റി ചെ​യ്ത കാ​ര്യ​ങ്ങ​ൾ നേ​തൃ​ത്വ​ത്തി​ന്​ അ​റി​യാ​വു​ന്ന​താ​ണ്. സം​ഘ​ട​ന​ക്ക​ക​ത്തെ പ്ര​ശ്ന​ങ്ങ​ൾ ച​ർ​ച്ച ചെ​യ്​​ത്​ പ​രി​ഹ​രി​ക്കാ​നാ​കു​മെ​ന്നാ​ണ്​ ക​രു​തു​ന്ന​ത്. തെ​ര​ഞ്ഞെ​ടു​പ്പി​ലൂ​ടെ ​ഒ.​​ഐ.​സി.​സി ഭാ​ര​വാ​ഹി​ക​ളെ തെ​ര​ഞ്ഞെ​ടു​ക്ക​ണ​മെ​ന്നാ​ണ് ത​ന്‍റെ അ​ഭി​പ്രാ​യ​​മെ​ന്നും അ​ദ്ദേ​ഹം പ​റ​ഞ്ഞു.