ജ​ല​സ്രോ​ത​സ്സു​ക​ളു​ടെ സംര​ക്ഷ​ണം; ഫ​ല​ജു​ക​ളുടെ വി​വ​രശേ​ഖ​രണ പ​ദ്ധ​തി​ക്ക് ദാ​ഹി​റ​യി​ൽ തു​ട​ക്കം

മ​സ്ക​ത്ത്: രാ​ജ്യ​ത്തെ ജ​ല​സ്രോ​ത​സ്സു​ക​ൾ സം​ര​ക്ഷി​ക്കു​ന്ന​തി​നും വി​ക​സി​പ്പി​ക്കു​ന്ന​തി​നു​മു​ള്ള നീ​ക്ക​ത്തി​ന്റെ ഭാ​ഗ​മാ​യി, കൃ​ഷി, മ​ത്സ്യ​ബ​ന്ധ​നം, ജ​ല​വി​ഭ​വ മ​ന്ത്രാ​ല​യം ദാ​ഹി​റ​യി​ൽ ഫ​ല​ജു​ക​ളു​ടെ വി​വ​ര​ങ്ങ​ൾ ശേ​ഖ​രി​ക്കു​ന്ന പ​ദ്ധ​തി​ക​ൾ​ക്ക് തു​ട​ക്ക​മാ​യി. ഗ​വ​ർ​ണ​റേ​റ്റി​ലെ ഡ​യ​റ​ക്ട​റേ​റ്റ് ജ​ന​റ​ൽ ഓ​ഫ് അ​ഗ്രി​ക​ൾ​ച്ച​റ​ൽ ആ​ൻ​ഡ് വാ​ട്ട​ർ റി​സോ​ഴ്‌​സ​സി​ലെ ഫീ​ൽ​ഡ് ടീ​മു​ക​ൾ ഫ​ല​ജ് സം​വി​ധാ​ന​ങ്ങ​ളു​ടെ സ്ഥാ​ന​ങ്ങ​ൾ, പ​രി​പാ​ല​നം, ജ​ല സാ​ഹ​ച​ര്യ​ങ്ങ​ൾ എ​ന്നി​വ കൃ​ത്യ​മാ​യി രേ​ഖ​പ്പെ​ടു​ത്തു​ന്ന​തി​നു​ള്ള ശ്ര​മ​ങ്ങ​ൾ ആ​രം​ഭി​ച്ചു.

സു​പ്ര​ധാ​ന ജ​ല​സ്രോ​ത​സ്സു​ക​ളാ​യ ഫ​ല​ജി​ന്റെ മാ​നേ​ജ്‌​മെ​ന്റ്, പ​രി​പാ​ല​നം, സം​ര​ക്ഷ​ണം എ​ന്നി​വ മെ​ച്ച​പ്പെ​ടു​ത്തു​ന്ന​തി​നു​ള്ള വി​ശാ​ല​മാ​യ സം​രം​ഭ​ത്തി​ന്റെ ഭാ​ഗ​മാ​ണ് ഈ ​പ​ദ്ധ​തി​യെ​ന്ന് ഒ​രു മ​ന്ത്രാ​ല​യ ഉ​ദ്യോ​ഗ​സ്ഥ​ൻ പ​റ​ഞ്ഞു. ഈ ​സം​വി​ധാ​ന​ങ്ങ​ളു​ടെ നി​ല​വി​ലെ അ​വ​സ്ഥ​യെ​ക്കു​റി​ച്ചു​ള്ള വി​ശ​ദ​മാ​യ വി​വ​ര​ങ്ങ​ൾ ശേ​ഖ​രി​ക്കു​ന്ന​തി​ലൂ​ടെ, ഭാ​വി ത​ല​മു​റ​ക​ൾ​ക്കാ​യി ഫ​ല​ജി​ന്റെ സു​സ്ഥി​ര​ത ഉ​റ​പ്പാ​ക്കി കൂ​ടു​ത​ൽ ഫ​ല​പ്ര​ദ​മാ​യ മാ​നേ​ജ്‌​മെ​ന്റ് പ​ദ്ധ​തി​ക​ൾ വി​ക​സി​പ്പി​ക്കു​ക എ​ന്ന​താ​ണ് പ​ദ്ധ​തി​യു​ടെ ല​ക്ഷ്യം

ഗ​വ​ർ​ണ​റേ​റ്റി​ലു​ട​നീ​ള​മു​ള്ള എ​ല്ലാ അ​ഫ്‌​ല​ജ് ഡാ​റ്റ​യും പൂ​ർ​ണ​മാ​യി അ​പ്‌​ഡേ​റ്റ് ചെ​യ്യു​ന്ന​തു​വ​രെ പ​ദ്ധ​തി തു​ട​രു​മെ​ന്ന് ഉ​ദ്യോ​ഗ​സ്ഥ​ൻ കൂ​ട്ടി​ച്ചേ​ർ​ത്തു. ഫ​ല​ജു​ക​ളു​ടെ അ​ടി​സ്ഥാ​ന സൗ​ക​ര്യ​ങ്ങ​ൾ മെ​ച്ച​പ്പെ​ടു​ത്തു​ന്ന​തി​ലും ജ​ല​സു​ര​ക്ഷ ഉ​റ​പ്പാ​ക്കു​ന്ന​തി​ലും വ​രും വ​ർ​ഷ​ങ്ങ​ളി​ൽ ഈ ​സ​വി​ശേ​ഷ ജ​ല സം​വി​ധാ​ന​ങ്ങ​ൾ സം​ര​ക്ഷി​ക്കു​ന്ന​തി​നും ഈ ​സം​രം​ഭം ഒ​രു സു​പ്ര​ധാ​ന ചു​വ​ടു​വെ​പ്പാ​ണ്. 2023ൽ, ​ദാ​ഹി​റ​യി​ൽ 36 ഫ​ല​ല​ജു​ക​ൾ വി​ജ​യ​ക​ര​മാ​യി പു​ന​രു​ജ്ജീ​വി​പ്പി​ച്ചു. സു​ൽ​ത്താ​നേ​റ്റി​ലെ പു​രാ​ത​ന രീ​തി​യി​ലു​ള്ള ജ​ല​സേ​ച​ന സ​​മ്പ്ര​ദാ​യ​മാ​ണ്​ ഫ​ല​ജു​ക​ൾ. മ​ല​ഞ്ചെ​രു​വു​ക​ളി​ലെ​യും ഭൂ​ഗ​ർ​ഭ​ത്തി​ലെ​യും ജ​ല​സ്രോ​ത​സ്സുക​ൾ അ​ട​ക്ക​മു​ള്ള​വ​യി​ൽ​നി​ന്ന്​ ഗാ​ർ​ഹി​ക-​കാ​ർ​ഷി​ക ആ​വ​ശ്യ​ത്തി​ന്​ വെ​ള്ള​മെ​ത്തി​ക്കു​ന്ന ചെ​റു ക​നാ​ലു​ക​ളും ചാ​ലു​ക​ളു​മാ​ണ്​ ഫ​ല​ജ്​ എ​ന്ന​റി​യ​പ്പെ​ടു​ന്ന​ത്.