കോവിഡ്​: തൃശൂർ സ്വദേശി ഒമാനിൽ മരിച്ചു 

മസ്​കത്ത്​: കോവിഡ്​ ബാധിച്ച്​ ചികിത്സയിലിരുന്ന തൃശൂർ സ്വദേശി മസ്​കത്തിൽ മരിച്ചു. ഇരിങ്ങാലക്കുട കാട്ടുങ്ങച്ചിറ പുത്തൂര്‍ വീട്ടില്‍ ജോയ്( 62) ആണ് മരിച്ചത്. 

ഒരുമാസത്തോളമായി ചികിത്സയിലായിരുന്ന ഇദ്ദേഹം ശനിയാഴ്​ച വൈകീട്ടാണ് മരിച്ചത്​. മുപ്പത്‌ വർഷത്തിലധികമായി ഒമാനിലുള്ള ഇദ്ദേഹം റുസൈൽ വ്യവസായ മേഖലയിലെ ഒരു സ്വകാര്യ കമ്പനിയിൽ ഡ്രൈവറായി ജോലി ചെയ്തു വരികയായിരുന്നു. 

മെഴ്​സിയാണ്​ ഭാര്യ. സൗമ്യ മകളും സിജോ മരുമകനുമാണ്​. കോവിഡ്​ ബാധിച്ച്​ ഒമാനിൽ മരണപ്പെടുന്ന 19ാമത്തെ മലയാളിയാണ്​ ഇദ്ദേഹം.