കോവിഡ്​: ഒമാനിൽ 28 പേർ കൂടി മരിച്ചു

മസ്​കത്ത്​: കോവിഡ്​ ബാധിച്ച്​ ചികിത്സയിലിരുന്ന 28 പേർ കൂടി ഒമാനിൽ മരിച്ചു. കഴിഞ്ഞ വെള്ളിയാഴ്​ച മുതലുള്ള മരണസംഖ്യയാണിത്​. ഇതോടെ മൊത്തം മരണസംഖ്യ 637 ആയി. ഇത്രയും ദിവസങ്ങളിലായി 740 പേർക്കാണ്​ പുതുതായി രോഗം സ്​ഥിരീകരിച്ചത്​. ഇതോടെ മൊത്തം രോഗികളുടെ എണ്ണം 84509 ആയി. 526 പേർക്ക്​ കൂടി രോഗം ഭേദമായി. 78912 പേരാണ്​ ഇതുവരെ രോഗമുക്​തരായത്​. 37 പേരെ കൂടി ആശുപത്രിയിൽ പ്രവേശിപ്പിച്ചു. 406 പേരാണ്​ ആശുപത്രികളിൽ ചികിൽസയിലുള്ളത്​. 149 പേർ തീവ്ര പരിചരണ വിഭാഗത്തിലാണ്​​. മസ്​കത്തിലാണ്​ കൂടുതൽ രോഗികൾ. ഇവിടെ 237 പേർക്കാണ്​ വൈറസ്​ ബാധ സ്​ഥിരീകരിച്ചത്​. സീബ്​-61, മസ്​കത്ത്​-55, ബോഷർ- 47, മത്ര-42, അമിറാത്ത്​-21, ഖുറിയാത്ത്​-11 എന്നിങ്ങനെയാണ്​ വിലായത്ത്​ തലത്തിലെ പുതിയ രോഗികളുടെ എണ്ണം. വടക്കൻ ബാത്തിന ഗവർണറേറ്റിലെ 185 പുതിയ രോഗികളിൽ 136ഉം സുഹാറിലാണ്​. സുവൈഖിൽ 17ഉം സഹമിൽ 14ഉം ലിവയിൽ ഒമ്പതും ഷിനാസിൽ ഏഴും പുതിയ ​രോഗികളുണ്ട്​. തെക്കൻ ബാത്തിനയും തെക്കൻ ശർഖിയയുമാണ്​ അടുത്ത സ്​ഥാനങ്ങളിൽ. യഥാക്രമം 77ഉം 65ഉം പുതിയ രോഗികളാണ്​ ഇവിടെയുള്ളത്​. തെക്കൻ ബാത്തിനയിലെ 77ൽ 55 പേരും ബർക്കയിലാണ്​. തെക്കൻ ശർഖിയയിൽ സൂറിലാണ്​ ഏറ്റവും കൂടുതൽ രോഗികൾ. 49 പേരാണ്​ ഇവിടെ പുതുതായി വൈറസ്​ ബാധിതരായത്​. ദാഖിലിയ ഗവർണറേറ്റിലെ 65 പുതിയ രോഗികളിൽ 41ഉം നിസ്​വയിലാണ്​. ദോഫാർ ഗവർണറേറ്റിലെ 52 ​കോവിഡ്​ ബാധിതരിൽ 49ഉം സലാലയിലാണ്​. വടക്കൻ ശർഖിയ-23, അൽ വുസ്​ത-20, ദാഹിറ-10, ബുറൈമി -അഞ്ച്​, മുസന്ദം-ഒന്ന്​ എന്നിങ്ങനെയാണ്​ മറ്റ്​ ഗവർണറേറ്റുകളിലെ പുതിയ രോഗികളുടെ എണ്ണം.