കോവിഡ്​: ആശുപത്രിയിൽ പ്രവേശിപ്പിക്കപ്പെട്ടവർ 300 കടന്നു

മസ്​കത്ത്​: കോവിഡിനെ തുടർന്ന്​ ഒമാനിൽ 58 പേരെ കൂടി ആശുപത്രിയിൽ പ്രവേശിപ്പിച്ചു. 311 പേരാണ്​ ആശുപത്രികളിൽ ചികിത്സയിലുള്ളത്​. ഇതിൽ 88 പേർ തീവ്ര പരിചരണ വിഭാഗത്തിൽ ചികിത്സയിലാണ്​. 577 പേർകൂടി പുതുതായി രോഗബാധിതരായി. ഇതോടെ മൊത്തം രോഗികളുടെ എണ്ണം 1,49,135 ആയി. 327 പേർക്ക്​ രോഗം ഭേദമായി. 1,37,871 പേരാണ്​ ഇതുവരെ രോഗമുക്തരായത്​. മൂന്നു​ പേർകൂടി മരിച്ചു. 1620 പേരാണ്​ ആകെ മരിച്ചത്.