കോവിഡ്​: ആശ്വാസത്തി​െൻറ കണക്കുകൾ തുടരുന്നു

മസ്​കത്ത്​: രാജ്യത്തെ കോവിഡ്​ സാഹചര്യങ്ങളിൽ ആശ്വാസത്തി​െൻറ കണക്കുകൾ തുടരുന്നു. 147 പേർക്കാണ്​ പുതുതായി രോഗം സ്​ഥിരീകരിച്ചത്​.

ഇതോടെ മൊത്തം രോഗബാധിതരുടെ എണ്ണം 3,00,728 ആയി. ആറ്​ പേർ കൂടി മരണപ്പെട്ടു. ഇതോടെ ആകെ മരിച്ചവർ 4013 ആയി. 208 പേർക്ക്​ കൂടി രോഗം ഭേദമായി. 2,89,130 പേരാണ്​ ഇതുവരെ രോഗമുക്​തരായത്​. 22 പേരെ കൂടി ആശുപത്രിയിൽ പ്രവേശിപ്പിച്ചു. 222പേരാണ്​ ആശുപത്രികളിൽ ചികിത്സയിലുള്ളത്​. ഇതിൽ 95 പേർ തീവ്ര പരിചരണ വിഭാഗത്തിലാണ്​ ചികിത്സയിലുള്ളത്​. ഐ.സി.യു രോഗികളുടെ എണ്ണം അഞ്ചു മാസത്തെ താഴ്ചയിലാണുള്ളത്​.

മരണനിരക്കിലും ഏതാനും ദിവസങ്ങളായി കാര്യമായ കുറവുണ്ട്​. നാലു ദിവസത്തെ സമ്പൂർണ ലോക്​ഡൗണും രാത്രി യാത്രാവിലക്കുമാണ്​ പുതിയ രോഗികളുടെ എണ്ണത്തിനൊപ്പം ഐ.സി.യുവിൽ പ്രവേശിക്കപ്പെടുന്നവരുടെ എണ്ണവും കുറയാൻ കാരണമെന്ന്​ റോയൽ ആശുപത്രിയിലെ പകർച്ചവ്യാധി രോഗ വിഭാഗം സീനിയർ കൺസൾട്ടന്‍റ്​ ഡോ. ഫരിയാൽ അൽ ലവാത്തി പറഞ്ഞു. മുൻകരുതൽ പാലിക്കാത്തതാണ്​ ​ മുമ്പ്​ രോഗബാധ ഉയരാൻ കാരണമെന്നും അവർ പറഞ്ഞു.