കോവിഡ്​: തൃശൂർ സ്വദേശി ഒമാനിൽ മരിച്ചു

മസ്​കത്ത്​: കോവിഡ്​ ബാധിച്ച്​ ചികിത്സയിലിരുന്ന തൃശൂർ സ്വദേശി മസ്​കത്തിൽ മരിച്ചു. വലപ്പാട്​ മനയിൽ ചെറിയ പുരയിൽ അദീബ്​ (60) ആണ്​ തിങ്കളാഴ്​ച മരിച്ചത്​.

കോവിഡ്​ ഗുരുതരമായതിനെ തുടർന്ന്​ കഴിഞ്ഞ ഒരാഴ്​ചയായി എൻ.എം.സി ആശുപത്രിയിൽ ചികിത്സയിലായിരുന്നു. ഗൾഫാർ പ്ലാൻറ്​ ഡിപാർട്ട്​മ​െൻറിൽ സീനിയർ മാനേജറായി ജോലി ചെയ്​തിരുന്ന ഇദ്ദേഹം അടുത്ത നവംബറിൽ വിരമിക്കാനിരിക്കുകയായിരുന്നു.

35 വർഷമായി ഒമാനിലുണ്ട്​. ബംഗളൂരുവിനടുത്ത തുംകൂരിലാണ്​ ഇദ്ദേഹം കുടുംബസമേതം സ്​ഥിര താമസമാക്കിയിരിക്കുന്നത്​. ഭാര്യയും മകനും മകളും ഒമാനിലുണ്ട്​. ഇതിൽ ഭാര്യക്കും മകൾക്കും കോവിഡ്​ ബാധിച്ചിട്ടുണ്ട്​.