കോവിഡ് വാക്സിൻ: ഉൽപാദകരുമായി ഒമാൻ നിരന്തര ബന്ധം പുലർത്തിവരുന്നു –ആരോഗ്യമന്ത്രി
text_fieldsഡോ. അഹമ്മദ് ബിൻ മുഹമ്മദ് അൽ സഇൗദി
മസ്കത്ത്: അന്താരാഷ്ട്ര അംഗീകാരം നേടിയ കോവിഡ് വാക്സിനുകളാകും ഒമാനിൽ ഉപയോഗത്തിനായി എത്തിക്കുകയെന്ന് ആരോഗ്യമന്ത്രി ഡോ. അഹമ്മദ് ബിൻ മുഹമ്മദ് അൽ സഇൗദി പ്രസ്താവനയിൽ അറിയിച്ചു. അവയുടെ സുരക്ഷയും ഉപയോഗക്ഷമതയും ഉറപ്പാക്കുകയും ചെയ്യും.
വാക്സിൻ ലഭ്യമാകുന്ന മുറക്ക് ഒമാനിൽ കൊണ്ടുവരുന്നതിനായി ലോകത്തിലെ പ്രമുഖ വാക്സിൻ ഉത്പാദകരുമായി നിരന്തര ബന്ധം പുലർത്തിവരുന്നുണ്ടെന്നും ആരോഗ്യ മന്ത്രി ഒൗദ്യോഗിക വാർത്താ ഏജൻസിക്ക് നൽകിയ പ്രസ്താവനയിൽ അറിയിച്ചു. റഷ്യയിൽ വികസിപ്പിച്ചെടുത്ത കോവിഡ് പ്രതിരോധ വാക്സിൻ ഒമാനിലേക്ക് എത്തിക്കുമെന്ന് ആരോഗ്യമന്ത്രാലയം അറിയിച്ചതായി കഴിഞ്ഞദിവസം പ്രാദേശിക മാധ്യമം വാർത്ത പ്രസിദ്ധീകരിച്ചിരുന്നു. ഇൗ സാഹചര്യത്തിലാണ് ആരോഗ്യമന്ത്രിയുടെ പ്രസ്താവന.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.