ആ​ദ്യ ക​പ്പ​ൽ തീ​രം തൊ​ട്ടു;ക്രൂ​സ്​ സീ​സ​ണി​ന്​ തു​ട​ക്കം

മ​സ്ക​ത്ത്​: രാ​ജ്യ​ത്തെ ടൂ​റി​സം മേ​ഖ​ല​ക്ക്​ പ്ര​തീ​ക്ഷ​യു​ടെ ഓ​ള​ങ്ങ​ൾ തീ​ർ​ത്ത്​ ഈ ​സീ​സ​ണി​ലെ ആ​ദ്യ ആ​ഡം​ബ​ര ക​പ്പ​ൽ തീ​രം തൊ​ട്ടു. മെ​യ്ഷി​ഫ്​ ക്രൂ​സ്​ ക​പ്പ​ലാ​ണ്​ സു​ൽ​ത്താ​ൻ ഖാ​ബൂ​സ്​ പോ​ർ​ട്ടി​ലെ​ത്തി​യ​ത്.

സ​ഞ്ചാ​രി​ക​​ൾ​ക്ക്​ ഊ​ഷ്​​മ​ള വ​ര​വേ​ൽ​പാ​ണ്​ അ​ധി​കൃ​ത​ർ ന​ൽ​കി​യ​ത്. ​2,700 സ​ഞ്ചാ​രി​ക​ളാ​ണ്​ ഇ​തി​ലു​ള്ള​ത്. കൂ​ടു​ത​ൽ പേ​രും ജ​ർ​മ​നി​യി​ൽ​നി​ന്ന് ഉ​ള്ള​വ​രാ​ണെ​ന്നാ​ണ്​ അ​റി​യു​ന്ന​ത്. കോ​വി​ഡി​ന്‍റെ പി​ടി​യി​ല​മ​ർ​ന്ന​തി​നാ​ൽ വ​ർ​ഷ​ങ്ങ​ളാ​യി ക്രൂ​സ്​ മേ​ഖ​ല​യി​ൽ വേ​ണ്ട​ത്ര ഉ​ണ​ർ​വു​ണ്ടാ​യി​രു​ന്നി​ല്ല. എ​ന്നാ​ൽ, നി​യ​ന്ത്ര​ണ​ങ്ങ​ളി​ല്ലാ​ത്ത പു​തി​യ സീ​സ​ണാ​ണ്​ വ​ന്ന​ണ​ഞ്ഞി​രി​ക്കു​ന്ന​ത്​. അ​തു​കൊ​ണ്ടു​​​ത​ന്നെ പ്ര​തീ​ക്ഷ​യോ​ടെ​യാ​ണ്​ ടൂ​റി​സം രം​ഗ​ത്തു​ള്ള​വ​ർ ഈ ​സീ​സ​ണി​നെ കാ​ണു​ന്ന​ത്.

സ​ഞ്ചാ​രി​ക​ളെ വ​ര​വേ​ൽ​ക്കാ​ൻ ദോ​ഫാ​ർ അ​ട​ക്ക​മു​ള്ള ഗ​വ​ർ​ണ​റേ​റ്റു​ക​ൾ മി​ക​ച്ച മു​ന്നൊ​രു​ക്ക​മാ​ണ്​ ന​ട​ത്തി​യ​ത്. ഖ​രീ​ഫ് സീ​സ​ണി​നു ശേ​ഷ​വും ദോ​ഫാ​റി​നെ സ​ഞ്ചാ​രി​ക​ളു​ടെ ഇ​ഷ്ട​കേ​ന്ദ്ര​മാ​ക്കി നി​ല​നി​ർ​ത്താ​ൻ വി​വി​ധ പ​രി​പാ​ടി​ക​ളും പ്ര​വ​ർ​ത്ത​ന​ങ്ങ​ളു​മാ​ണ് പൈ​തൃ​ക ടൂ​റി​സം മ​ന്ത്രാ​ല​യം ആ​സൂ​ത്ര​ണം ചെ​യ്തി​ട്ടു​ള്ള​ത്. ഇ​തി​ന്‍റെ ഭാ​ഗ​മാ​യി ദോ​ഫാ​ർ മു​നി​സി​പ്പാ​ലി​റ്റി​യു​ടെ​യും ഒ​മാ​ൻ സൈ​ക്ലി​ങ് അ​സോ​സി​യേ​ഷ​ന്റെ​യും സ​ഹ​ക​ര​ണ​ത്തോ​ടെ​യു​ള്ള സ​ലാ​ല സൈ​ക്ലി​ങ് ടൂ​ർ, അ​യ​ൺ മാ​ൻ ഇ​വ​ന്റ് എ​ന്നി​വ ക​ഴി​ഞ്ഞ മാ​സ​ങ്ങ​ളി​ൽ ന​ട​ന്നി​രു​ന്നു.

ഈ ​മാ​സം സം​ഹാ​ര ആ​ർ​ക്കി​യോ​ള​ജി​ക്ക​ൽ പാ​ർ​ക്കി​ൽ ഫ്രാ​ങ്കി​ൻ​സ​ൺ സീ​സ​ൺ പ​രി​പാ​ടി​യും അ​ടു​ത്ത​വ​ർ​ഷം ജ​നു​വ​രി​യി​ൽ എം​പ്റ്റി ക്വാ​ർ​ട്ട​ർ ഫെ​സ്റ്റി​വ​ലി​ന്റെ ര​ണ്ടാം പ​തി​പ്പും ന​ട​ക്കും.

ശൈ​ത്യ​കാ​ല ടൂ​റി​സ​ത്തി​ന്‍റെ മു​ന്നോ​ടി​യാ​യി ദോ​ഫാ​റി​ൽ വി​മാ​നം വ​ഴി യൂ​റോ​പ്പി​ൽ​നി​ന്നു​ള്ള വി​നോ​ദ സ​ഞ്ചാ​രി​ക​ൾ ദി​വ​സ​ങ്ങ​ൾ​ക്കു​മു​മ്പ്​ എ​ത്തി​യി​രു​ന്നു. ചെ​ക്ക് റി​പ്പ​ബ്ലി​ക്, സ്​​ലോ​വാ​ക്യ എ​ന്നി​വി​ട​ങ്ങ​ളി​ൽ​നി​ന്നു​ള്ള വി​നോ​ദ​സ​ഞ്ചാ​രി​ക​ളാ​ണ്​ എ​ത്തി​യ​ത്.

അ​തേ​സ​മ​യം, കൂ​ടു​ത​ൽ ക്രൂ​സ്​ ക​പ്പ​ലു​ക​ൾ അ​ടു​ത്ത മാ​സ​ങ്ങ​ളി​ലാ​യി സു​ൽ​ത്താ​നേ​റ്റി​ന്‍റെ തീ​രം തൊ​ടും. 2,500 യാ​ത്ര​ക്കാ​രു​മാ​യി ന​വം​ബ​ർ മൂ​ന്നി​ന്​ ഐ​ഡ​ബെ​ല്ല​യും പ​ത്തി​ന്​ 930 യാ​ത്ര​ക്കാ​രു​മാ​യി വൈ​ക്കി​ങ്​ മാ​ർ​സു​മാ​ണ്​ ഇ​നി എ​ത്താ​നു​ള്ള ആ​ഡം​ബ​ര ക​പ്പ​ലു​ക​ൾ. ഒ​മാ​നി​ൽ എ​ത്തു​ന്ന ക​പ്പ​ലു​ക​ൾ സു​ൽ​ത്താ​ൻ ഖാ​ബൂ​സ്​ പോ​ർ​ട്ട്, സ​ലാ​ല, ഖ​സ​ബ് എ​ന്നീ തു​റ​മു​ഖ​ങ്ങ​ളി​ൽ ന​ങ്കൂ​ര​മി​ടും. 2019ൽ ​സു​ൽ​ത്താ​ൻ ഖാ​ബൂ​സ് തു​റ​മു​ഖ​ത്ത്​ ആ​കെ 6,60,295 വി​നോ​ദ​സ​ഞ്ചാ​രി​ക​ളു​മാ​യി 163 ക്രൂ​സ് ക​പ്പ​ലു​ക​ളാ​ണ്​ എ​ത്തി​യ​ത്. 2020ൽ ​​ഇ​വി​ടെ 66 ക്രൂ​സ്​ ക​പ്പ​ലു​ക​ളാ​ണ്​ വ​ന്ന​ത്. ഇ​തി​ലൂ​ടെ 2,63,587 സ​ഞ്ചാ​രി​ക​ൾ എ​ത്തു​ക​യും ചെ​യ്തു.

2019ൽ 1,36,984 ​വി​നോ​ദ​സ​ഞ്ചാ​രി​ക​ളു​ള്ള 70 ക്രൂ​സ് ക​പ്പ​ലു​ക​ൾ ഖ​സ​ബ് തു​റ​മു​ഖ​ത്തി​ന് ല​ഭി​ച്ചു. 2020ൽ 31 ​ക്രൂ​സ് ക​പ്പ​ലു​ക​ളാ​ണ്​ ല​ഭി​ച്ച​ത്. 1,25,110 വി​നോ​ദ​സ​ഞ്ചാ​രി​ക​ൾ എ​ത്തു​ക​യും ചെ​യ്തു. 2020ൽ ​നാ​ല് ക്രൂ​സ് ക​പ്പ​ലു​ക​ൾ മാ​ത്ര​മാ​ണ്​ സ​ലാ​ല തു​റ​മു​ഖ​ത്ത് എ​ത്തി​യ​ത്.

എ​ന്നാ​ൽ, 69,060 വി​നോ​ദ സ​ഞ്ചാ​രി​ക​ളു​മാ​യി 45 ക്രൂ​സ് ക​പ്പ​ലു​ക​ളാ​ണ്​ 2019ൽ ​എ​ത്തി​യ​ത്. കോ​വി​ഡി​നു​ മു​മ്പു​ള്ള ത​ല​ത്തി​ലേ​ക്ക്​ ക്രൂ​സ്​ മേ​ഖ​ല ഈ ​വ​ർ​ഷ​മെ​ത്തു​മെ​ന്ന്​ ഏ​റ്റ​വും വ​ലി​യ ക്രൂ​സ് ഇ​ൻ​ഡ​സ്ട്രി ട്രേ​ഡ് അ​സോ​സി​യേ​ഷ​നാ​യ ക്രൂ​സ് ലൈ​ൻ ഇ​ന്റ​ർ​നാ​ഷ​ന​ൽ അ​സോ​സി​യേ​ഷ​ന്റെ റി​പ്പോ​ർ​ട്ടി​ൽ പ​റ​യു​ന്നു.